தற்போது வரையில் உலகம் முழுவதும் பேஸ்புக் வலைத்தளத்தை பயன்படுத்துவோரின் எண்ணிக்கை 1.59 பில்லியன் ஆகும். மேலும் இந்த எண்ணிக்கையில் அதிகரிப்பு காணப்படும் என பேஸ்புக் நிறுவனம் தெரிவித்துள்ளது. எப்படியிருப்பினும் பேஸ்புக் பயன்பாட்டாளர்களின் எண்ணிக்கையில் அதிகரிப்புகள் காணப்பட்டாலும், செயலிழக்க செய்யும் கணக்குகளின் எண்ணிக்கை மிக அதிகமாக காணப்படுகின்றது. உலகம் முழுவதும் வாழும் மக்களின் மரணங்களில் காணப்படும் அதிகரிப்பே அதற்கு காரணம் என தெரியவந்துள்ளது.

உலகளாவிய ரீதியில் தினமும் ஒரு லட்சத்து 52 ஆயிரம் மரணங்கள் இடம்பெறுகின்ற நிலையில் அவர்களில் 32 ஆயிரம் பேர் பேஸ்புக் பயன்பாட்டாளர்கள் என தெரியவந்துள்ளது. பேஸ்புக் பயன்பாட்டாளர்களின் எண்ணிக்கை வேகமாக அதிகரிக்கப்பட்டுள்ள போதிலும் மரணங்களின் எண்ணிக்கையை பார்க்கையில் அதனை விடவும் வேகமாக பயன்பாட்டாளர்களின் எண்ணிக்கை குறைவடைந்து வருகின்றது.

தற்போதைய மதிப்பீட்டிற்கமைய 2098ஆம் ஆண்டளவில் அதிக மரணத்தோரின் கணக்குகளை கொண்டுள்ள வலைத்தளமாக பேஸ்புக் மாறிவிடும் என தெரிவிக்கப்படுகின்றது. இவ்வாறான நிலைமைக்குள் பேஸ்புக் கணக்கு பயன்படுத்தப்படாமல் இருந்தால் அதனை அழித்து விடுவதற்கு அல்லது மரணித்தவர்களின் கணக்குகளை மூடிவிடுவதற்கு பேஸ்புக் நிறுவனம் தீர்மானித்துள்ளதாக தெரிவிக்கப்படுகிறது.