இந்தியாவின் கேரளா மாநிலம் எர்ணாகுளத்தில் சட்டக்கல்லூரி மாணவி கொடூரமான முறையில் பாலியல் பலாத்காரம் செய்யப்பட்டு கொலை செய்யப்பட்டு உள்ளார். இச்சம்பவத்தை கண்டித்து மாநில தலைமை செயலகம் முன்னதாக பெண்கள் அமைப்பினர் போராட்டம் நடத்தி வருகின்றனர். கேரளா மாநிலம் பெரும்பாவூரில் சட்டக்கல்லூரி மாணவி கொடூரமான முறையில் பாலியல் பலாத்காரம் செய்யப்பட்டு கொலை செய்யப்பட்டு உள்ளார். இச்சம்பவத்தை காவற்துறையினர் டெல்லி நிர்பயா சம்பவத்துடன் ஒப்பிட்டு உள்ளனர். கடந்த வியாழன் அன்று மாணவி 8:30 மணியளவில் சடலமாக காணப்பட்டார்.

மாணவியின் தாயார் வெளியே வேலைக்கு சென்றுவிட்டு திரும்பிய நிலையில் மகள் ரத்தவெள்ளத்தில் கொலை செய்யப்பட்டு கிடப்பதை கண்டு அதிர்ச்சியில் உரைந்தார். மாணவி கொடூரமான முறையில் பாலியல் பலாத்காரம் செய்யப்பட்டு கொலை செய்யப்பட்டு உள்ளார் என்று பிரேத பரிசோதனை அறிக்கையில் தெரிவிக்கப்பட்டு உள்ளது. மாணவியின் உடலில் 30 இடங்களில் பலத்த காயங்கள் காணப்பட்டு உள்ளது. மாணவியின் தலையிலும், வயிற்று பகுதியிலும் பலமாக தாக்கப்பட்டு உள்ளது. மாணவியின் மார்பகங்கள் மற்றும் அந்தரங்க உறுப்புகள் கூர்மையான ஆயுதங்களால் சிதைக்கப்பட்டு உள்ளது. என பிரேத பரிச்சோதனை அறிக்கையில் தெரிவிக்கபட்டு உள்ளது.

இச்சம்பவம் கேரளாவில் பெரும் அதிர்ச்சியை ஏற்படுத்தி உள்ளது. இதுதொடர்பாக காவற்துறையினர் வழக்குப்பதிவு செய்து விசாரித்து வருகின்றனர். இதற்கிடையே இச்சம்பவத்தை கண்டித்தும், குற்றவாளிகளுக்கு எதிராக கடும் நடவடிக்கை எடுக்கவேண்டும் என்றும் பெண்கள் அமைப்பினர் போராட்டத்தில் ஈடுபட்டு உள்ளனர. இதற்கிடையே இச்சம்பவம் தொடர்பாக காவற்துறையின இருவரிடம் விசாரித்து வருவதாகவும் செய்திகள் வெளியாகி உள்ளது.