தனது செல்போனை சோதனை செய்ததற்காக கணவனின் விரல்களை மனைவி அறுத்த சம்பவம் பெங்களூருவில் நடைபெற்றுள்ளது. பெங்களூருவில் வாழும் தம்பதி சந்திரபிராஷ் சிங், சுனிதா சிங். இவர்களுக்கு திருமணம் ஆகி 7 வருடங்கள் ஆகுகிறது. கடந்த 3 வருடங்களாக பெங்களூருவில் வாழ்ந்து வருகின்றனர். இந்நிலையில் தம்பதி இருவரும் போலீஸ் ஒருவருக்கொருவர் மாறி புகார் அளித்துள்ளனர். அதில், சந்திரபிரகாஷ் அளித்துள்ள புகாரில் மனைவியிடம் இருந்து தனக்கு பாதுகாப்பு வேண்டும் என கோரியுள்ளார். மேலும் தனது மனைவி மிகக் பெரிய அளவில் செல்போனுக்கு அடிமை ஆகியுள்ளதாக குறிப்பிட்டுள்ளார்.

கடந்த மே 4 -ம் தேதி பணி முடித்து வீடு திரும்பிய போது, வீட்டில் சமையல் செய்யாமல் செல்போனிலே அதிக கவனமாக இருந்ததாகவும், அப்போது ஏற்பட்ட வாக்குவாதத்தில் வீட்டின் சமையலறையில் இருந்த கத்தியால் அவரது மனைவி அவரது விரல்களை அறுத்ததாகவும் தெரிவித்துள்ளார். உடனே அருகிலுள்ள மருத்துவமனைக்கு சென்று கிசிக்சை மேற்கொண்டதாகவும் கூறியுள்ளர். இது தொடர்பாக தம்பதியினரின் பெற்றோருக்கு போலீசார் சம்மன் அனுப்பியுள்ளனர். தம்பதியினரை சமாதானப் பேச்சுவார்தையில் ஈடுபடுத்தவும் அறிவுறுத்தியுள்ளனர்.