ஜப்பானிய பாப் பாடகி ஒருவரை அவரது ரசிகரே பலமுறை கத்தியால் குத்திய நிலையில் படுகாயம் அடைந்துள்ளார். டோக்கியோ நகரில் நடைபெறவிருந்த சிறிய இசை நிகழ்ச்சியில் பாடுவதற்கு தயாராகிக் கொண்டிருந்த போது, மாயு டோமிட்டா தனது ரசிகரால், கழுத்து மற்றும் மார்பு பகுதியில் சுமார் 24 முறை கத்தியால் குத்தப்பட்டுள்ளார்.சம்பவ இடத்திற்கு விரைந்த போலீஸார் அந்த நபரைக் கைது செய்தனர். மேலும், அவர் பயன்படுத்திய கத்தியையும் பறிமுதல் செய்தனர். அந்த நபரின் பெயர் டோமோஹீரா இவாசாக்கி என்று விசாரணையில் தெரிய வந்துள்ளது.

டோமோஹீரா பாப் பாடகி மாயுவுக்கு பரிசு ஒன்றை அனுப்பி உள்ளார். அதனை ஏற்றுக் கொள்ளாமல் டோமோஹீராவுக்கு திருப்பியளித்துள்ளார் மாயு. இதில், கோபம் அடைந்த டோமோஹீரா இவ்வாறு செய்ததாக போலீஸார் கூறியுள்ளனர்.ஏற்கனவே, தன்னுடைய சமூக வலைத்தள பக்கத்தில் டோமோஹீரா அதீத ஈர்ப்பின் காரணமாக தொடர்ச்சியாக பல கருத்துக்களை பதிவு செய்ததாக பாப் பாடகி மாயு டோமிடா போலீஸாரிடம் புகார் தெரிவித்திருந்தார்.2014ல் ஏகேடி48 என்ற ஜப்பானிய பெண்கள் குழுவைச் சேர்ந்த இரு பெண்கள் மீது ஒருவர் மரம் அறுக்கும் கருவியை கொண்டு தாக்குதல் நடத்திய குறிப்பிடத்தக்கது.