ராஜஸ்தான் மாநிலம் உதய்பூரில் கள்ளகாதலில் ஈடுபட்டவருக்கு கிராமத்தார் கொடூரமான முறையில் தண்டனை அளித்த சம்பவம் பெரும் சர்ச்சையை ஏற்படுத்தியுள்ளது.கசோதியா கிராமத்தில் லாலு ராம் என்பவர் திருமணமான பெண்ணுடன் பழகி வந்துள்ளார். இதையடுத்து இருவரும் பாடேவர் கிராமத்திற்கு ஓடி வந்துள்ளனர். இதை அறிந்த கிராம மக்கள் அந்த பெண்ணையும், அவரது காதலரையும் ஊருக்கு நடுவே ஆடைகளை களைந்து பொது இடத்தில் இரண்டு நாட்களாக கட்டி வைத்து அடித்துள்ளனர். ரூ.80 ஆயிரம் கட்டிய பின்பே அவர்களை விடுவித்துள்ளனர்.

இந்த சம்பவத்தை கிராம மக்கள் மற்றும் ஆசிரியர்கள் வேடிக்கை பார்த்துள்ளனரே தவிர எந்தவித நடவடிக்கையும் மேற்கொள்ளவில்லை . இந்த புகைப்படம் சமூக வலைதளங்களில் பரவி பெரும் சர்ச்சையை கிளப்பி வருகின்றது.தகவல் அறிந்து சம்பவ இடத்துக்கு வந்த போலீசார் இந்த விவகாரம் தொடர்பாக 30 பேர் மீது வழக்குப்பதிவு செய்து, இதுவரை 13 பேர் கைது செய்யப்பட்டுள்ளனர். மேலும் இதுகுறித்து போலீசார் விசாரணை மேற்கொண்டு வருகின்றனர்.