வழக்கமாக குடிக்க பணம் கேட்டு மனைவியை அடித்து உதைக்கும் கணவர்களே அதிகமாக இருப்பர். ஆனால் இங்கு வித்தியாசமாக குடிக்க பணம் கொடுக்காததால் ஒரு மனைவி அவரது கணவரை கடித்து குதறியுள்ளார்.சென்னை திருவொற்றியூயில் உள்ள எர்ணாவூர் சுனாமி குடியிருப்பில் சலவை கடையை நடத்தி வருபவர் துரைராஜ்.இவர் தனது முதல் மனைவியை விட்டு பிரிந்து தற்போது பார்வதி லட்சுமி என்ற பெண்ணுடன் குடும்பம் நடத்தி வந்துள்ளார். இந்த நிலையில் இவர்களுக்குள் அடிக்கடி தகராறு நடந்து வந்துள்ளது.

கஞ்சா போதைக்கு அடிமையான பார்வதி மதுபோதைக்கும் அடிமையாகியுள்ளார்.இந்த நிலையில் நேற்று மதுபோதையில் கணவரிடம் மீண்டும் குடிக்க பணம் கேட்டுள்ளார். ஆனால் துரைராஜ் பணம் தர மறுத்துவிட்டார்.இதனையடுத்து இருவருக்கும் இடையே தகராறு ஏற்பட்டுள்ளது. இதில் பார்வதி கணவர் துரைராஜை தாக்கியது மட்டுமல்லாமல் கடித்து குதறியுள்ளார்.இதில் காயமடைந்த துரைராஜ் சென்னை ஸ்டான்லி அரசு மருத்துவமனையில் சிகிச்சைக்கு சேர்க்கப்பட்டுள்ளார்.இது குறித்து தகவலறிந்து வந்த பொலிசார் அவரின் மனைவி பார்வதியை கைது செய்துள்ளனர்.