கனடா நாட்டில் தந்தையுடன் நடைப்பயிற்சி சென்ற 10 வயது மகளை கரடி ஒன்று கடித்து காட்டிற்குள் இழுத்துச் சென்ற சம்பவம் அதிர்ச்சியை ஏற்படுத்தியுள்ளது. பிரித்தானிய கொலம்பியாவில் உள்ள Port Coquitlam என்ற பகுதியில் தான் இந்த பயங்கர சம்பவம் நிகழ்ந்துள்ளது. இதே பகுதியில் வசித்து வரும் தந்தை ஒருவர் தனது 10 வயது மகளுடன் நேற்று முன் தினம் நடைப்பயிற்சி சென்றுள்ளார். அப்போது, திடீரென அடர்ந்த புதரில் இருந்து வெளியான கருப்பு கரடி ஒன்று இருவர் மீது பாய்ந்துள்ளது. இந்த தாக்குதலில் நிலைகுலைந்து கீழே விழுந்த சிறுமியை கரடி கடித்து காட்டிற்குள் இழுத்துச் சென்றது.

இக்காட்சியை கண்டு அதிர்ச்சி அடைந்த தந்தை கத்தி கூச்சலிட்டுள்ளார். அப்போது, அப்பகுதியில் இருந்த சிலர் உதவிக்கு விரைந்து வந்துள்ளனர். தந்தை மற்றும் மற்றவர்கள் கரடி மீது கற்களை வீசியுள்ளனர். சிறுமியை விட்டுச் சென்ற கரடி பிறகு மீண்டும் திரும்பி வந்து கடித்துள்ளது. இதில் சிறுமி படுகாயம் அடைந்து மயங்கி விழுந்துள்ளார். சில நிமிடங்களுக்கு பிறகு கரடி தனது குட்டி கரடியுடன் அங்கிருந்து தப்பி ஓடியுள்ளது.

உயிருக்கு போராடிய மகளை தந்தை அருகில் உள்ள மருத்துவமனையில் அனுமதித்தார். இச்சம்பவம் வனத்துறை அதிகாரிகளுக்கு தெரியப்படுத்தியதும், அவர்கள் காட்டுற்குள் சென்று சிறுமி மீது தாக்குதல் நடத்திய கரடியை சுட்டுக் கொன்றுள்ளனர். மேலும், கரடியுடன் இருந்த குட்டி கரடிக்கு மயக்க மருந்து செலுத்தி கூண்டில் அடைத்து கொண்டு சென்றுள்ளனர்.

இச்சம்பவம் குறித்து வனத்துறை அதிகாரிகள் பேசியபோது, நடைப்பாதையில் சுத்தப்படுத்தாத கழிவுப்பொருட்கள் இருந்ததால் அவற்றை மோப்பம் பிடித்து கரடி சாலைக்கு வந்துள்ளதாக