அரியானா சட்டசபையில் மழைக்கால கூட்டத்தொடர் தொடங்க உள்ளது இதை தொடர்ந்து சட்டசபையில் ஜெயின் மத தலைவரும் துறவியுமான தருண் சாகர் கலந்து கொண்டு உரையாற்றினார்.. இந்த உரை 40 நிமிடங்கள் நடைபெற்றது . கவர்னர் ,முதல் அமைச்சர் மற்றும் எம்.எல்.ஏக்கள் அனைவரும் கடைச்பாகுபாடு இன்றி அமர்ந்து உரையை கேட்டனர். நிர்வாண நிலையில் கலந்து கொண்ட துறவி சாகர் தனது உரையின் போது பாகிஸ்தானின் செயல்பாடுகள், பெண் சிசு கொலையை ஒழிக்கும் வழிமுறைகள் குறித்து பரிந்துரைத்தார்.

துறவி சாகர் பேசும் போது கூறியதாவது-

அரசியலில் நேர்மையின் கட்டுப்பாடு அவசியமாக உள்ளது.அரசியல் என்பது மனைவி, நேர்மை என்பது கணவன். ஒவ்வொரு கணவனுக்கும் மனைவியை காப்பாற்றும் கடமை உள்ளது. ஒவ்வொரு மனைவியும் கணவனிடம் ஒழுக்கமாக நடந்து கொள்ள வேண்டிய கடமை உள்ளது. அரசியலில் தற்போது நேர்மை இல்லை.இது யானை கட்டுப்பாட்டை மீறியது போல் உள்ளது. பெண்சிசு கொலை என்பது மிகப்பெரிய பிரச்சினை இது சமூகத்தின் சம நிலையை குழப்புகிறது. குற்றங்கள் மற்றும் பாலியல் பலாத்காரங்களை குறைக்க அரசியல், சமூகம்,மதங்கள் ஆகியவற்றில் புதிய பார்முலாவை கொண்டுவரவேண்டும். இவ்வாறு அவர் கூறினார்.