நியூசிலாந்தில் கொள்ளையர்களை துணிச்சலுடன் எதிர்த்த 6 வயதான சிறுமியின் செயல்பாடு ஆச்சரியத்தை ஏற்படுத்தியுள்ளது.நியூசிலாந்து நாட்டின் தலைநகரான ஆக்லாந்தை சேர்ந்தவர் சுகையில் படேல்.இந்திய வம்சாவளியான இவர் தன் வீட்டின் அருகிலேயே மின்பொருளகம் கடையை நடத்தி வந்தார். சம்பவதினத்தன்று, 6 பேர் கொண்ட கொள்ளை கும்பல் கையில் ஆயுதங்களுடன் கடைக்குள் நுழைந்தது.கொள்ளை அடிக்கும் நோக்கத்தில் வந்த அவர்களை பார்த்த கடை ஊழியர்கள் செய்வதறியாது திகைத்தனர்.பின்னர் சுதாரித்து கொண்ட அவர்கள் கொள்ளையர்களை தடுத்து நிறுத்த முயற்சிக்கவே, கோபமடைந்த கொள்ளையர்கள் அவர்களை தாக்கத் தொடங்கினார்.அந்த சமயத்தில் கடைக்குள் நுழைந்த கடை உரிமையாளரின் மகள் சாரா படேல் (6) தைரியத்தை வரவழைத்து கொண்டு தாக்குதலில் ஈடுபட்டிருந்த ஒரு கொள்ளையனின் காலை பிடித்து இழுக்க அவன் நிலைதடுமாறி கீழே விழுந்தான்.

இந்த சமயத்தில் அங்கு பொலிசார் வருவதை அறிந்த கொள்ளையர்கள் தப்பித்தால் போதும் என அங்கிருந்து ஓட்டம் பிடித்தனர். இதனால் அங்கு நடக்க இருந்த பெரும் அசம்பாவிதம் தடுக்கப்பட்டது. சிறுமியின் தைரியமான செயலை அவர் தந்தையும், மக்களும் பெரிதும் பாராட்டினார்கள்.