(1) கரடியனாறு, மட்டக்களப்பு

"கடந்த அரசிலே கிட்டத்தட்ட 11,900 தொளாயிம் முன்னாள் போராளிகளுக்கு புனர்வாழ்வு அளிக்கப்பட்டது. அதில் கணிசமானவர்கள் இங்கே இருக்கிறார்கள். ஆனால் அவர்களது வாழ்வாதாரத்தை முன்னேற்றுவதற்கு அவர்களுடைய வாழ்க்கையில் ஒரு மறுமலர்ச்சியை ஏற்படுத்துவதற்கு கடந்த அரசு எந்தவொரு பாரிய திட்டங்களையும் முன்னெடுத்ததாகத் தெரியவில்லை. இந்த அரசு வந்த பின்னரும் இந்த முன்னாள் போராளிகளுக்கு வாழ்வாதாரங்களை ஏற்படுத்திக் கொடுக்குமாறு நாடாளுமன்றத்தில் பேசிக் கொண்டிருக்கிறோம். இந்த நேரத்திலே கனடாவில் உள்ளவர்கள் கல்விக்கு உதவி செய்ய முன்வந்தார்கள்.

வறுமைக் கோட்டின் கீழ் வாழ்பவர்களுக்கு உதவி செய்ய முன்வந்தார்கள். ஆனால் அருமை நண்பர் செந்தில் குமரன் முதலாவதாக சொன்ன வார்த்தை எங்களது முன்னாள் போராளிகளது வாழ்வாதாரத்தைக் கட்டியெழுப்ப தான் தயாராக இருப்பதாக தெரிவித்தார். நான் சொன்னேன் நீங்கள் கட்டாயம் ஒருமுறை மட்டக்களப்பு வரவேண்டும் என்று கேட்டுக் கொண்டேன். எனது வேண்டுகோளை ஏற்று இன்று அவர் எங்கள் மத்தியில் இருக்கிறார்" இவ்வாறு கரடியனாறு பிரதேசத்தில் நடைபெற்ற செந்தில் குமரன் மறுவாழ்வு அமைப்பின் ஆதரவில் நடந்த வாழ்வாதார நிகழ்ச்சியில் பேசும் போது மட்டக்களப்பு நாடாளுமன்ற உறுப்பினர் வியாழேந்திரன் குறிப்பிட்டார்.

இந்த நிகழ்ச்சியில் முன்னாள் போராளிகள், மாவீரர் குடும்பங்கள் பெருமளவில் கலந்து கொண்டார்கள்.

தொடர்ந்து பேசிய வியாழேந்திரன் "வெளிநாட்டில் உள்ளவர்களில் பலர் தாங்களும் தங்கள் குடும்பமும் வாழ்ந்தால் போதும் என எண்ணி இந்த நாட்டை மறந்து விடுவது, உறவுகளை மறந்துவிடுவது என்ற நிலையில் வாழ்ந்து கொண்டிருக்கிறார்கள். ஆனால் அருமை நண்பர் செந்தில் குமரன் அவர்களைப் பொறுத்தளவில் 2009 க்கு முன்னர் சரி அதன் பின்பும் சரி எமது மக்களுக்கு பல வாழ்வாதார உதவிகளை செய்து கொண்டிருக்கிறார். ஆனால் அந்த உதவிகள் வடக்கு மாகாணத்துக்கு மட்டும் செய்யப்பட்டன. இப்போது கிழக்கு மாகாணத்துக்கும் உதவிகள் செய்ய முன்வந்துள்ளார்.

எமது பகுதியில் பல இன்னல்களுக்கு மத்தியில் முன்னாள் போராளிகள் வாழ்ந்து கொண்டிருக்கிறார்கள். அவர்களில் பலருக்கு அரசாங்கம் கொடுக்கும் உதவிப்பணம் ரூபா 3,000 கிடைப்பதில்லை.

இங்கே மூன்று தலைமுறைகள் வாழ்ந்து கொண்டிருக்கிறார்கள். முதல் தலைமுறை இவர்களது பெற்றோர்கள் பாதிக்கப்பட்டுள்ளார்கள். உடல் ஊனமுற்ற இரண்டாலணது தலைமுறை பாதிக்கப்பட்டுள்ளார்கள். மூன்றாம் தலைமுறையான இவர்களது பிள்ளைகள் வறுமை காரணமாக அவர்களது கல்வி பாதிக்கப்பட்டுள்ளது. எமது நாலாவது தலைமுறையும் பாதிப்படையக் கூடாது.

புலம்பெயர் தமிழர்கள், செந்தில் குமரன் அவர்களைப் பின்பற்றி இப்படியான வாழ்வாதார உதவிகளைச் செய்ய முன் வரவேண்டும் என நாங்கள் விரும்புகிறோம். யாழ்ப்பாணத்தோடு ஒப்பிடும் போது கிழக்கு மகாணத்தில் இருந்து புலம்பெயர்ந்தவர்கள் மிகக் குறைவு. அதே நேரம் இங்கேதான் போரினால் பாதிக்கப்பட்டவர்கள் பெரும் எண்ணிக்கையில் இருக்கிறார்கள். எத்தனையோ மாவீரர் குடும்பங்கள் இங்கு இருக்கிறார்கள். ஒரு வீட்டில் இரண்டு பிள்ளைகளை இழந்தவர்கள் இருக்கிறார்கள். இந்த நிகழ்ச்சி நடக்கும் கரடியனாறு போன்ற படுவான்கரை பிரதேசமானது போராட்ட காலத்தில் மிகவும் முக்கியம் பெற்ற இடம். பல முன்னாள் போராளிகளைக் கொண்டதும் அதிகமான மாவீரர்களையும் இழந்த இடமும் இதுதான்.

இந்தச் சூழலிலே முதற்தடவையாக மட்டக்களப்புக்கு கனடாவில் இருந்து வந்து முன்னாள் போராளிகள் சிலரைத் தெரிவு செய்து அவர்களுக்கு உதவி செய்ய முன்வந்த முதலாவது மனிதர் யாரென்றால் அது செந்தில் குமரனாகவே இருக்கும். இந்த இடத்திலே அவருக்கு எமது பாராட்டுதல்களைத் தெரிவித்துக் கொள்கிறோம்.

அடுத்து இந்த நிகழ்வில் பேசிய செந்தில் குமரன் "இந்தப் பணம் முழுக்க முழுக்க எனது முயற்சியால் வந்த பணமே தவிர என்னுடைய பணம் இல்லை. தமிழ்நாட்டில் இருந்து கலைஞர்களைக் கூட்டி வந்து புனர்வாழ்வுப் பணிகளுக்கு 2009 க்கு முன்னர் கிட்டத்தட்ட டொலர் 700,000 சேர்த்திருக்கிறேன். அந்தப் பணத்தில் முழங்காவில் என்ற ஊரில் ஒரு வீடுகட்டும் திட்டத்தை தொடங்க திட்டமிட்டிருந்தோம். அதற்கான அத்திவாரக் கல் கூட போடப்பட்டது. ஆனால் 2006 இல் போர் மீண்டும் தொடங்கியதால் அந்தத் திட்டத்தை செய்ய முடியவில்லை. முள்ளிவாய்க்காலில் போரின் கடைசிக் கட்டத்தில் சிக்குண்ட மக்களுக்கு உணவுப் பொருட்கள் வழங்க தமிழர் புனர் வாழ்வுக் கழகம் அந்தப் பணத்தை பயன்படுத்தியது.

நீங்கள் நன்றி சொல்வதென்றால் கனடிய தமிழ் மக்களுக்கு நன்றி சொல்ல வேண்டும். அங்குள்ள 90 வீத மக்கள் நீங்கள் எல்லாம் நன்றாக இருக்க வேண்டும் என ஆசைப்படுகிறார்கள். அவர்களில் சிலர் வசதியில்லாமல் வாழ்ந்தாலும் நான் நிதி என்று கேட்ட பொழுதெல்லாம் கடனட்டையில் அடித்து கொடுத்திருக்கிறார்கள். அப்படியான தெய்வங்களை நான் நேரில் கண்டவன். நான் கோயிலுக்குப் போவதில்லை. ஒன்று நேரம் கிடைப்பதில்லை. மற்றது மனிதர்கள் இடத்திலேயே நாம் தெய்வங்களைக் காணலாம்.

2009 க்கு முன்னரும் அதன் பின்னரும் இங்கு வந்து போவது சுலபமாக இருக்கவில்லை. ஆனால் இப்போது வந்து போகக் கூடிய சூழ்நிலை ஏற்பட்டுள்ளது. அது பற்றி நான் சந்தோசப்படுகிறேன். முன்னாள் போராளிகள் தங்கள் சொந்தக் காலில் நிற்க வேண்டும் என்பது எனது ஆசை. அதனால்தான் முதற் கட்டமாக ரூபா 8 இலட்சத்தை அனுப்பி வைத்தேன். கனடிய அரசுக்கும் நன்றி சொல்ல வேண்டும். அவர்கள் இப்படியான உதவிகளைச் செய்வதற்கு எந்தக் கட்டுப்பாடும் இல்லாது அனுமதிக்கிறார்கள். நான் ஒரு கனடியன், தமிழன் என்பதில் பெருமைப்படுகிறேன். நான் உங்களுக்கு ஒன்றைச் சொல்ல விரும்புகிறேன். முயற்சிதான் வாழ்க்கை. நான் கனடாவுக்குப் போன போது என்னிடம் ஒன்றுமே இருக்வில்லை. எனது முதல் பகுதிநேர வேலை ஒரு உணவகத்தில் சாப்பிட்ட கோப்பைகளைக் கழுவுவது. சந்தர்ப்பங்கள் தானாக வராது. நீங்கள்தான் சந்தர்ப்பங்களைத் தேடிப் போக வேண்டும். கனவுகளோடு வாழுங்கள். உங்கள் வீட்டுக்கு ஒரு கூரை போடுங்கள்.

கனடாவில் இருப்பதால் மட்டும் நான் இந்த நிலைக்கு வந்ததாகச் சொல்ல மாட்டேன். என்னை இங்கே விட்டாலும் நான் வாழ்க்கையில் முன்னேறியிருப்பேன். வருங்கால வாழ்க்கை எப்படி இருக்க வேண்டும் என்பதை திட்டமிட்டுச் செய்கிறேன். எங்களுக்கு மனத் தைரியம் வேண்டும். எங்களால் முடியும் என்ற தன்னம்பிக்கை வேண்டும்.

உங்கள் உடல் ஊனத்தைப்பற்றிக் கவலைப் படாதீர்கள். மன ஊனம்தான் கூடாதது. மன ஊனம் என்பதுதான் ஒரு கொடிய நோய். நீங்கள் பழகும் நண்பர்கள் நேர்மறையாக (positive) சிந்திப்பவர்களாக இருக்க வேண்டும். அப்படியில்லாதவர்களிடம் இருந்து ஓதுங்கிப் போய்விடுங்கள். நேர்மறையாகச் சிந்திப்பவர்களோடு உங்கள் நட்பைப் பலப்படுத்துங்கள். அப்படிச் செய்வதுதான் உங்களுக்கும் சமுதாயத்துக்கும் நல்லது.

உங்கள் கனவுகளை விரிபு படுத்துங்கள். உங்கள் மாவட்டத்தில் இருந்து ஒரு சிலர்தான் வெளிநாடுகளுக்கு சென்றிருக்கிறார்கள் என்று கவலைப்பட வேண்டாம். நாங்கள் வடக்கு கிழக்கு என்று சிந்திப்பதில்லை. எல்லோரையும் எமது உறவுகளாகப் பார்க்கிறோம். நாடாளுமன்ற உறுப்பினர் வியாழேந்திரன் கனடா வந்த போதுதான் எங்களுக்கு ஒரு தொடர்பு கிடைத்தது. அவருக்கு முன் அண்ணன் யோகேஸ்வரன் கனடா வந்து திரும்பியவர். நாங்கள் உங்களுடைய வாழ்க்கையை நிச்சயமாக நிமிர்த்துவோம். நான் தொடர்ந்து நிதி சேகரிக்கும் பணியில் இறங்க இருக்கிறேன். நீங்கள் எங்களுக்கு செய்யக் கூடிய உதவி என்னவென்றால் இப்போது கிடைத்திருக்கும் வாழ்வாதார உதவிகள் மூலம் வரும் வருமானத்தை வைத்து இந்த பதினேழு பேரும் மாதம் ரூபா 50 யை சேமித்து இன்னொரு போராளி அல்லது போராளி குடும்பத்துக்கு நீங்கள் உதவி செய்ய வேண்டும்" எனக் குறிப்பிட்டார்.

இதனைத் தொடர்ந்து தெரிவு செய்யப்பட்ட 17 முன்னாள் போராளிகளுக்கு ரூபா 810,000 (டொலர் 7,000) பெறுமதியான சில்லறைக் கடைக்கான பொருட்கள், குளிர்பானக் கடைக்கான குளிர்சாதனப் பெட்டி, மாடு, ஆடு, தோட்டப் பயிர் செய்கைக்குரிய நீர் இறைக்கும் இயந்திரம் போன்ற வாழ்வாதார உதவிகள் வழங்கப்பட்டன.

(2) புதுக்குடியிருப்பு, முல்லைத்தீவு

அடுத்து செந்தில் குமரன் முல்லைத்தீவு மாவட்டத்தில் புதுக்குடியிருப்பு பகுதியில் வாழும் பெண்கள் தலைமை தாங்கும் 10 குடும்பங்களுக்கும் 10 உடல் ஊனமுற்ற 10 முன்னாள் போராளிகளுக்கும் நாடாளுமன்ற உறுப்பினர் சாந்தி சிறிஸ்கந்தராசா ஊடாக தலைக்கு ரூபா 50,000 நிதியுதவி வழங்கினார்.

முல்லைத்தீவு மாவட்டமானது ஐந்து பிரதேச செயலகங்களை கொண்டது. இவற்றுள் புதுக்குடியிருப்பு பிரதேசமானது 19 கிராம சேவகர் பிரிவுகளை கொண்டு காணப்படுகின்றது. புதுக்குடியிருப்பு பிரதேசமானது இறுதி யுத்தத்தின் போது அதிகமாக பாதிக்கப்பட்ட இடமாகக் காணப்படுவதுடன் அதிகமான முன்னாள் போராளிகள், மாற்றுத்திறனாளிகள் மற்றும் பெண்கள் தலைமை தாங்கும் குடும்பங்களை கொண்டுள்ள பகுதியாகும். யுத்தத்தின் போது மீள முடியாத இழப்புக்களை எதிர்கொண்ட இம்மக்களின் எதிர்கால முன்னேற்றமிகு வாழ்வாதார முயற்சிகளை மேம்படுத்துவதற்கு இவர்களிடம் உள்ள ஒரேயொரு வழியாக சந்தை நோக்கிய விவசாய உற்பத்திகளை மேற்கொண்டு அவற்றைச் சந்தைப்படுத்தி தொடர்ச்சியாக குறிப்பிட்ட தொழில் முயற்சியில் அவர்களை ஈடுபட வைப்பதாகும். இதனூடாக பாதிக்கப்பட்ட குடும்பங்களின் வாழ்வாதாரத்திற்கான நிலையான ஓர் தளத்தை உருவாக்கி அவர்களை முன்னேற்ற முடியும்.

குறிப்பாக முன்னாள் போராளிகள் மாற்றுத்திறனாளிகள் மற்றும் பெண்கள் தலைமை தாங்கும் குடும்பத்தினர் போன்றோர் தமது பிள்ளைகளின் கல்விச் செயற்பாடுகள் மற்றும் தமது அன்றாட தேவைகள் போன்றவற்றை நிறைவேற்றிக்கொள்வதற்கு மிகுந்த சிரமத்தின் மத்தியில் தமது எதிர்கால வாழ்வியல் தேவைகளை நினைத்து ஏக்கத்துடன் வாழ்கின்ற சூழ்நிலை காணப்படுகின்றது. எனவே இவர்களின் வாழ்வாதார மேம்படுத்துவதற்குரிய திட்டத்தை புதுக்குடியிருப்பு பிரதேச மாற்றுத்திறனாளிகளின் அமைப்பான

எதிர்வரும் நவம்பர் 27, தமிழ்த்தேசிய மாவீரர் நாளின் முன்னாயத்தப் பணிகளின் ஆரம்பமாக, ஆலங்குளம் மாவீரர் துயிலுமில்லத்தில் இன்றையதினம் சிரமதானப் பணிகள் மாவீரர் பணிக்குழுவின் வழிகாட்டலில் ஆரம்பிக்கப்பட்டன. ஆலங்குளம் மாவீரர் பணிக்குழுவினால், முறைமைப்படுத்தப்பட்ட வகையில் ஒழுங்கமைக்கப்பட்ட மேற்படி சிரமதானப் பணிகளில் தமிழ்த்தேசிய உணர்வாளர்கள் பலரும் கலந்துகொண்டிருந்தனர்.

நாடளாவிய ரீதியில் வறுமை கோட்டின் கீழ் வாழும் மக்களின் பலதரபட்ட தேவைகளை பூர்த்தி செய்து வந்த 'Voice of Need' அமைப்பின்‌ தலைமை அலுவலகம்‌ கொழும்பில் நேற்று உத்தியோகபூர்வமாக ஆரம்பிக்கப்பட்டது. இவ்வமைப்பு கடந்த காலங்களில் தேவையுடையோருக்கான இலவச 90 குழாய் நீர் மற்றும் ஆழ் துளை கிணறு திட்டங்களும் . விதவைகளுக்கான கோழி பண்ணை திட்டங்களும் வறிய பாடசாலை மாணவர்களுக்கு பாடசாலை உபகரணங்களும் உலர் உணவு திட்டங்களும் போன்ற பல நூறு சேவைகளை இலவசமாக செய்து வந்துள்ளது.

70 பில்லியன் டொலர் மதிப்பிலான ஒன்ராறியோ லைன் போக்குவரத்து விரிவாக்கத் திட்ட கட்டுமானப் பணிகள் குறிப்பிடத்தக்க முன்னேற்றத்தை அடைந்துள்ளன. 15 நிறுத்தங்களைக் கொண்ட இத்தடவழிப் பாதை, ரொறன்ரோ பெரும்பாகப் பகுதிகளை இணைத்துப் பயண நேரத்தைக் குறைக்கும். இதேவேளை, ஸ்காபரோ நிலக்கீழ் தொடரிவழிப் பாதை நீட்டிப்பு வேலைகளும் ஏற்கனவே ஆரம்பித்துள்ளதும் நாம் முன்பை விட வேகமாக கட்டுமானங்களை மேற்கொள்கிறோம் என்பதையே காட்டுகிறது.

கவிஞர் புத்தளம் மரிக்கார் எழுதியுள்ள இரு நூல்களின் வெளியீட்டுவிழா புத்தளம் நகரில் சனிக்கிழமை இரவு (05-10-2024) மிக விமரிசையாக இடம்பெற்றது. புத்தளம் இஸ்லாஹிய்யா மகளிர் கல்லூரி ஷாமில் கேட்போர் கூடத்தில் இடம்பெற்ற இந்நிகழ்வுக்கு சிரேஷ்ட ஊடகவியலாளர் அஷ்ரப் சிஹாப்தீன் தலைமை வகித்தார். புத்தளம் CREATE இலக்கிய வட்டத்தின் ஏற்பாட்டில் நடைபெற்ற இந்நிகழ்வில் "ரகசியங்கள்" , "மைத்துளிகள் மரணிப்பதில்லை" ஆகிய இரு நூல்களே வெளியிட்டு வைக்கப்பட்டன. நிகழ்வில் பிரதம அதிதியாக முஸ்லிம் சமய பண்பாட்டு அலுவல்கள் திணைக்களத்தின் உதவிப் பணிப்பாளர் எம்.எஸ்.அலா அஹமத் கலந்து கொண்டார்.

கனேடிய தமிழர் பேரவை 2024 ஆம் ஆண்டிற்கான உண்மை மற்றும் நல்லிணக்கத்திற்கான தேசிய தினத்தை செப்டெம்பர் 29, 2024 அன்று, ஒன்ராறியோவின் ஜோர்ஜினாவில் உள்ள சட்டன் மாவட்ட உயர்நிலைப் பள்ளியில் ஜார்ஜினா தீவின் சிப்பேவாஸ் நடத்திய பவ் வாவ் நிகழ்ச்சியில் பங்கேற்றதன் மூலம் அனுசரித்திருந்தது. பாவ் வாவ், "நாவென்ட்வின்" (உறவினர்கள்) என்ற கருப்பொருளில், பாரம்பரிய நடனம், டிரம்மிங் மற்றும் கதைசொல்லல் ஆகியவை இடம்பெற்றன, இது CTC க்கு முதல் குடிகளின் கலாச்சாரத்துடன் ஈடுபடுவதற்கும் நல்லிணக்கத்தை நோக்கிய பயணத்தை பிரதிபலிக்கும் அர்த்தமுள்ள வாய்ப்பை வழங்கியிருந்தது.

முதலில் யாழ் போதனா வைத்தியசாலையின், பல காலம் வடக்கு பிராந்தியத்தில் மக்களுக்கு பெரும் சேவையாற்றுபவர்களும், பலரின் உயிர்களை காப்பாற்றியவர்களுமான இதய சிகிச்சை நிபுணர்களான வைத்திய கலாநிதி லக்ஷ்மன் மற்றும் வைத்திய கலாநிதி குருபரன் ஆகியோரையும் அதற்கு பின் கடந்த மூன்று ஆண்டுகளாக திறம்பட இதய அறுவை சிகிச்சைகளை மேற்கொண்டு பல உயிர்களை மீட்டு தந்தவருமான நிபுணர் வைத்திய கலாநிதி சிவசங்கர் மற்றும் அனஸ்தீசியா நிபுணரான வைத்திய கலாநிதி ரமணன் ஆகியோரை சந்தித்து அங்குள்ள நிலைமைகளை அறிந்தார்.

ஆகஸ்ட் 14, 2024 அன்று, கனடாவின் பிரம்டன் நகரிலுள்ள சிங்கூசிப் பூங்காவில் தமிழின அழிப்பு நினைவிடத்துக்கான அடிக்கல் நாட்டப்பட்டது. இது கனடாவில் மட்டுமன்றி உலகெங்குமுள்ள ஈழத் தமிழர்களுக்கான ஒரு வரலாற்று நிகழ்வாகக் கருதப்படுகிறது. இந்நிகழ்வு தமிழின அழிப்பு நடைபெற்றது என்பதற்கான சர்வதேச அங்கீகாரம், அதற்கான பொறுப்புக்கூறல் மற்றும் தமிழ் மக்களின் நீதிக்கான போராட்டம் போன்றவற்றின் ஒரு படிநிலையாக அமைகிறது. தமிழர்கள் மீதான இன அழிப்பை மறுதலிப்பவர்கள் இந்நிகழ்வைச் சீர்குலைக்க முனைந்த போதிலும், பிராம்ப்டன் நகரமுதல்வர் பட்றிக் பிரவுன், பிரம்ரன் தமிழ் ஒன்றியம், கனடிய தமிழர் தேசிய அவை (NCCT) மற்றும் பல தமிழ் அமைப்புகளின் பேராதரவுடன் நிகழ்வு வெற்றிகரமாக நடந்தேறியது.

ஆகஸ்ட் 14, 2024ல் கனடாவில் உள்ள பிராம்ப்டன் நகரில் அமைந்திருக்கும் சிங்குசி பூங்காவில் தமிழின அழிப்பு நினைவகத்திற்கான அடிக்கல் நாட்டப்பட்ட நிகழ்வானது கனடாவிலும் உலகெங்கிலும் உள்ள தமிழ் மக்களுக்கு ஒரு முக்கிய மைல்கல்லாக அமைந்தது. தமிழ் மக்களுக்கு எதிராக இடம்பெற்ற இன அழிப்பிற்கான அனைத்துலக அங்கீகாரம், சர்வதேச பொறுப்புக்கூறல் மற்றும் பரிகார நீதி ஆகியவற்றை அடைவதற்கான தமிழ் மக்களின் நீண்ட பயணத்தில், இது ஒரு முக்கியமான மைல்கல் ஆகும்.

ஒன்ராறியோ அரசாங்கம், உடல்நலம், உடற்பயிற்சி, சமூக ஒருங்கிணைப்பு போன்ற அமைப்புகளை மேம்படுத்தி சேவைகளை வழங்குவதன் மூலம் முதியோர்களின் வாழ்க்கைத் தரத்தை உயர்த்த முதியோர் வாழும் செயற்றிறன் மையங்களை (SALCs) விரிவுபடுத்துகிறது. இது தொடர்பாக அமைச்சர் விஜய் தணிகாசலம் கருத்துத் தெரிவிக்கும்போது, "முதியோர் வாழும் செயற்றிறன் மையங்களை (SALC) விரிவுபடுத்துவதன் மூலம், பெருமளவு முதியவர்கள், சுறுசுறுப்பானதும் சுதந்திரமானதுமான வாழ்க்கையை வாழத் தேவையான வசதிகளை நாங்கள் ஏற்படுத்திக்கொடுக்கவுள்ளோம்" என்றார். மாநிலம் முழுவதும் முந்நூறுக்கும் அதிகமான முதியோர் வாழும் செயற்றிறன் மையங்கள் (SALC) வெற்றிகரமான நிலையில் இயங்கிவரும் வேளையில், இம்முக்கிய திட்டங்களை இணைந்து வழங்க உள்ளூர் நிறுவனங்களையும் அரசாங்கம் அழைக்கிறது.

முல்லைத்தீவு மாவட்டத்தின் மல்லாவி ஆதார வைத்தியசாலையின் பயன்பாட்டிற்கான இரத்த சுத்திகரிப்பு இயந்திரம் கனடா செந்தில் குமரன் நிவாரண நிதியத்தினால் நேற்று ஞாயிற்று கிழமை மாலை வழங்கி வைக்கப்பட்டன. இந்நிகழ்வானது மல்லாவி ஆதார வைத்தியசாலையின் சிறுநீரக சிகிச்சை பிரிவு கட்டிடத் தொகுதியில் இடம்பெற்றிருந்தது. இதன்போது கனடா செந்தில்குமரன் நிவாரண நிறுவனத்தின் அனுசரணையில் 3,367,000 செலவில் இரத்த சுத்திகரிப்பு இயந்திரங்கள் மல்லாவி ஆதார வைத்தியசாலை நிர்வாகத்திடம் உத்தியோகபூர்வமாக கையளிக்கப்பட்டது.

நடப்புக் கல்வியாண்டுக்கான இறுதித்தேர்வு எட்டுத் தேர்வு மையங்களில் இனிதே நடைபெற்று முடிந்தது. கனடாவில் உள்ள 200 இற்கும் மேற்ப்பட்ட அறிவகத் தமிழ்ப்பள்ளி மாணவர்கள் இத் தேர்விற்கு முகம் கொடுத்தனர். தேர்வுப் பணிகளில் ஏறக்குறைய முன்னூறு ஆசிரியர்கள் பணியாற்றியமை குறிப்பிடத்தக்கது.

15 வருடங்கள் ஆகியும் தமிழ் மக்களுக்கு எதிராக நிகழ்ந்த கொடூர குற்றங்களுக்கு நீதி கிடைக்கவில்லை, குற்றங்கள் இன்று வரை தொடர்கின்றது. இதனால் உயிர் பிழைத்தோருக்கும், காணாமல் ஆக்கப்பட்டவர்களின் உறவுகளுக்கும் மிகவும் பெரும் மன உளைச்சலை கொடுக்கின்றது. இவர்களின் நினைவு கூரல் உரிமை கூட மறுக்கப்படுகின்றது. தமிழ் மக்களின் தாயகம், அரச பயங்கரவாத பாதுகாப்பு படையினரால் கொடூர அடக்குமுறைக்கு உள்ளாக்கப்பட்டுள்ளது. உண்மை கண்டறியப்பட்டு நீதியை நிலைநாட்ட வேண்டிய தேவை முன்னெப்போதையும் விட இன்று அதிகம் முக்கியத்துவம் வாய்ந்தது.

சில நாட்களுக்கு முன்னர், அசர்பைஜான் எல்லையில் ஹெலிகொப்டர் விபத்தில் உயிரிழந்த ஈரான் ஜனாதிபதி கலாநிதி இப்ராஹிம் ரைசி, ஈரான் வெளிவிவகார அமைச்சர் கலாநிதி ஹுசைன் அமீர் அப்துல்லாஹியான் உள்ளிட்ட எட்டு அரச அதிகாரிகளுக்கு, வணிக உலக சர்வதேச அமைப்பின் இயக்குனர் ரகு இந்திரகுமார் கொழும்பிலுள்ள ஈரான் தூதரகத்திற்குச் சென்று, தூதுவரைச் சந்தித்து தனது அனுதாபங்களைத் தெரிவித்ததோடு, விசேட நினைவுக்குறிப்பேட்டில் தனது அனுதாபச் செய்தியையும் பதிவிட்டார்.

சந்ததிகள் கடந்தும் தாயகம் இழந்தும் நீதிக்காக போராடும் தமிழ் இளையோர்கள் - பிரித்தானியாவில் முள்ளிவாய்க்கால் தமிழின அழிப்பு நினைவு தினத்தில் தமிழர்களின் வலியை உலகுக்கு உணர்த்திய தமிழ் இளையோர்களின் நடன நிகழ்வு.

யுத்தம் முடிவுக்கு வந்த பின்னரான தமிழர்களின் வாழ்வின் இருண்ட யுகங்களை பற்றி பேசும் படமாக ஊழி திரைப்படம் உருவாக்கப்பட்டுள்ளது. எதிர்வரும் மே 10ம் திகதி இலங்கையிலும், உலகளவிலும் இத்திரைப்படம் உலகளவில் திரையிடப்படவுள்ளது. ஈழத்தில் உருவாக்கப்பட்ட ஈழ திரைப்படமே ஊழி ஆகும். நாட்டில் இனவழிப்பு ஒன்று செய்யப்பட்ட பின்னர், தாம் நாட்டினை ஒன்றாகியதாக ஆட்சியாளர்கள் 2009ம் ஆண்டு கூறிய பின்னர், கிழக்கு மாகாணத்தில் தொடங்கும் கதையே ஊழி திரைப்படம். இந்த திரைப்படம் போருக்குப் பிந்தைய சூழலில் ஒரு சிறுவனின் வாழ்வு பற்றியும், 2009ம் ஆண்டிற்கு பின்னர் தமிழர்களின் இருண்ட யுகங்களை பற்றியும் பேசுகின்றது. இந்த திரைப்படத்தில் ஈழ கலைஞர்கள் , தென்னிந்திய கலைஞர்கள் மற்றும் தென்னிலங்கை கலைஞர்கள் பணியாற்றியுள்ளனர்.