இன்று 23-02-2020 ஞாயிற்றுக்கிழமை காலை 10 மணியளவில் காஞ்சிபுரம் மாவட்டம், கிழக்கு தாம்பரம், சி.எஸ்.ஐ. தேவாலயம் எதிரிலுள்ள அன்னை அருள் திருமண அரங்கத்தில் நாம் தமிழர் கட்சியின் தகவல் தொழில்நுட்பப் பாசறை சார்பாக “சமூக ஊடக ஆர்வலர்கள் ஒன்றுகூடல்-2020” நிகழ்வு, தலைமை ஒருங்கிணைப்பாளர் சீமான் அவர்களின் தலைமையில் நடைபெற்றது.

இக்கூட்டத்தில் நிறைவேற்றப்பட்ட தீர்மானங்கள் பின்வருமாறு:

1. இந்திய அரசியலமைப்புச் சாசனத்தின் அடிநாதமாக விளங்கும் மதச்சார்பின்மை எனும் மகத்தான கோட்பாட்டினை அடியோடு தகர்த்து, நாடு முழுமைக்கும் வாழும் இசுலாமிய மக்களைத் தனிமைப்படுத்தி அச்சுறுத்தும் நோக்கோடு கொண்டு வரப்பட்டிருக்கிற குடியுரிமைச் சட்டத்திருத்தத்தை (CAA) நாம் தமிழர் கட்சி வன்மையாக எதிர்க்கிறது. இச்சட்டத்திருத்தம் இந்திய நாட்டின் இறையாண்மைக்கும், பன்முகத்தன்மைக்கும் ஊறு விளைவிக்கும் கொடுஞ்சட்டமெனக் கண்டிக்கிறது. இதன் நீட்சியாக இருக்கிற தேசியக் குடிமக்கள் பதிவேட்டையும் (NRC), தேசிய குடிமக்கள் பதிவையும் (NPR) ஒருபோதும் கொண்டு வரக்கூடாது எனவும், நாடு முழுமைக்கும் போராடி வருகிற மக்களின் உணர்வுக்கு மதிப்பளித்து குடியுரிமைச் சட்டத்திருத்தத்தை உடனடியாகத் திரும்பப் பெற வேண்டும் எனவும் நாம் தமிழர் கட்சியின் தகவல் தொழில்நுட்பப் பாசறை வலியுறுத்துகிறது.

2. நாம் தமிழர் கட்சி முன்வைக்கிற ஆகச்சிறந்த கருத்தியலையும், அறம்சார்ந்த உயிர்மநேய அரசியலையும், ஒப்பற்ற உயர்நெறி கொள்கைகளையும் மக்களிடம் கொண்டு சேர்க்க அச்சு ஊடகங்களும், காட்சி ஊடகங்களும் தயங்கி நின்றபோது இணையத்தில் இயங்கும் கடைக்கோடி மகனுக்கும் கட்சியையும், அதன் கொள்கைகளையும் கொண்டு சேர்த்து மாற்று அரசியல் புரட்சிக்கு விதை தூவிடப் பேருதவி புரிந்தது சமூக வலைத்தளங்களில் இயங்கும் இனமானத்தமிழர்களென்றால் அது மிகையல்ல! வெறுமனே கேளிக்கைகளிலும், பொழுதுபோக்குகளிலும், அரட்டைகளிலும், வீணான விவாதங்களிலும் காலம் கழிக்காது இன விடுதலைக்கான ஊடகம் கட்டுகிற பெரும்பணியில் தங்களைப் பங்காளர்களாக ஈடுபடுத்திக்கொண்டு அயராது பணியாற்றி கட்சியின் கருத்தியலைக் கொண்டு சேர்த்திட தன்னார்வத்தோடு தொண்டு புரிந்த யாவருக்கும் நாம் தமிழர் கட்சியின் தகவல் தொழில்நுட்பப்பாசறை தனது நன்றிகளையும், வாழ்த்துகளையும் உரித்தாக்குகிறது.

3. 2021ஆம் ஆண்டு நடக்கவிருக்கிற தமிழகச் சட்டமன்றத் தேர்தலில் 234 தொகுதிகளிலும் தனித்துக் களமிறங்கும் நாம் தமிழர் கட்சி 117 தொகுதிகளில் ஆண்களையும், 117 தொகுதிகளில் பெண்களையும் களமிறக்கி புதிய அரசியல் வரலாறு படைக்கவிருக்கிறது. இத்தோடு, நாம் தமிழர் கட்சியின் ஆட்சியின் செயற்பாட்டு வரைவும் புதுப்பிக்கப்பட்டு, அதன் மேம்படுத்தப்பட்ட வடிவம் விரைவில் வெளியிடப்படவிருக்கிறது. அதுசமயம், கட்சியின் காலத்தேவையை வலியுறுத்தும்விதமாக தேர்தலுக்கான ஒருமித்த ஊடகப்பரப்புரையும், கட்டுக்கோப்பான ஒருங்கிணைவும் மிக அத்தியாவசியமாகிறது. அதற்காகத் தன்னார்வத்தோடு இணையத்தில் இயங்கும் கட்சியினரையும், கட்சியின் ஆதரவாளர்களையும் ஒருங்கிணைக்க வேண்டியதும், அதன்மூலம் வலிமைமிக்க பரப்புரைக்களத்தை உருவாக்க வேண்டியதும் இணையவெளியில் இயங்கும் ஒவ்வொருவரின் முதன்மைக்கடமையாகும். அதுசமயம், சமூக வலைத்தளங்களில் இயங்கும் ஒவ்வொருவரும் தங்கள் மூலம் குறைந்தது தலா 1,000 வாக்குகளையாவது பெற்றுத்தந்து கட்சியின் வெற்றிக்கு உழைக்க இந்நாளில் உறுதியேற்க வேண்டும் எனவும், இணையவெளியை ஆக்கப்பூர்வமாகப் பயன்படுத்தி நாம் தமிழர் கட்சியை அரியணையில் ஏற்றிட அயராது அரும்பாடாற்றி உழைக்க வேண்டும் எனவும் நாம் தமிழர் கட்சியின் தகவல் தொழில்நுட்பப் பாசறை அறைகூவல் விடுக்கிறது.

4. சென்னை மாநகராட்சிக்குட்பட்ட 24 அரசுப்பள்ளிகளில் பயிலும் ஐயாயிரத்திற்கும் மேற்பட்டப் பிள்ளைகளுக்கு காலை சத்துணவு வழங்கும் திட்டத்தைத் தொடங்கியிருக்கிற தமிழக அரசு, அதனை மதச்சார்பு கொண்ட ஒரு தனியார் அமைப்புக்குத் தாரை வார்த்திருப்பது வன்மையானக் கண்டனத்திற்குரியது. மதிய உணவு வழங்குவதை தமிழக அரசே தொய்வின்றி நடத்தி வரும் நிலையில் காலை உணவு வழங்கும் திட்டத்தை தனியார் நிறுவனத்திடம் வசப்படுத்துவது நிர்வாகச்சீர்கேட்டுக்கு வழிவகுக்கும் மிகமோசமான முன்னுதாரணமாகும். இது ஒட்டுமொத்தமாகப் பள்ளிகளில் உணவு வழங்கும் திட்டத்தையே தனியார்மயமாக்க முனையும் சதிச்செயலின் முன்நகர்வே! பள்ளிகளில் உணவு வழங்கும் இத்திட்டம் தனியாரிடம் ஒப்படைக்கப்பட்டால் அது ஏற்படுத்தப்பட்டதற்குரிய நோக்கமே முழுமையாக சிதைந்துபோகும் பேராபத்து நிறைந்திருப்பதால், அட்சயப் பாத்திரம் நிறுவனத்துடனான ஒப்பந்தத்தை தமிழக அரசு கைவிட வேண்டும் எனவும், காலை உணவு வழங்கும் திட்டத்தை அரசே ஏற்று செயற்படுத்த வேண்டும் எனவும் நாம் தமிழர் கட்சியின் தகவல் தொழில்நுட்பப் பாசறை வலியுறுத்துகிறது.

5. எளிய மக்களின் கருத்துகளைப் பிரதிபலிக்கும் ஊடகமாக, அடித்தட்டு மக்களின் அறச்சீற்றத்தையும், உள்ளக்குமுறலையும் வெளிக்காட்டும் பொதுவெளியாக இருக்கிற சமூக ஊடகங்களில் கருத்துகளைப் பகிர்வதையே முடக்கி, கருத்துச்சுதந்திரத்தின் குரல்வளையை நெரிக்கும் 66 ஏ சட்டப்பிரிவை உச்ச நீதிமன்றம் கடந்த 2015ஆம் ஆண்டு ரத்து செய்தபோதும் அப்பிரிவின் கீழ் நாடு முழுமைக்கும் வழக்குத் தொடுக்கப்பட்டு வருகிறது. இதுகுறித்து மாநில அரசாங்கங்கள் தங்களது காவல்துறையினருக்கு வழிகாட்ட உச்ச நீதிமன்றம் கடந்தாண்டு அறிவுறுத்தியும் அதனை மாநில அரசுகள் கடைப்பிடிக்காதிருப்பதும், ஆட்தூக்கிச் சட்டமான தேசிய முகாமைச் சட்டத்தில் (NIA) இணையக் குற்றங்களை உள்ளடக்கியிருப்பதும் சனநாயகத்தின் ஆணிவேரையே அசைத்துப் பார்க்கும் பேராபத்தாகும். இத்தோடு, இயல்பு நிலை திரும்பிவிட்டதாகக் கூறிவிட்டு, காஷ்மீரில் சமூக வலைத்தளங்களை முடக்கி வைத்திருப்பதும், அங்கு 3 ஜி மற்றும் 4 ஜி சேவையைப் பெற முடியா வண்ணம் தடுத்து வைத்திருப்பதும், வி.பி.என் சேவைகளைப் பயன்படுத்துவோரைக் கைதுசெய்வதும் காஷ்மீரிய மக்களை அடக்கி ஒடுக்கும் அரசப்பயங்கரவாதமாகும். ஆகவே, மக்களின் கருத்துரிமையைப் பறிக்கும் இக்கொடுஞ்செயல்களும், கொடிய சட்டங்களும் முழுமையாக விலக்கப்பட வேண்டும் என நாம் தமிழர் கட்சியின் தகவல் தொழில்நுட்பப் பாசறை வலியுறுத்துகிறது.

இலங்கைத் தமிழ் பின்னணியைக் கொண்ட கனடா வாழ் பாடகி லக்ஷ்மி சிவநேஸ்வரலிங்கம் (Luksimi Sivaneswaralingam), 2026ஆம் ஆண்டுக்கான South Asian Music Accelerator (SAMA) இசை மேம்பாட்டுத் திட்டத்திற்குத் தெரிவாகியுள்ளார். கனடா முழுவதிலும் இருந்து தெரிவு செய்யப்பட்ட பத்து இசைக் கலைஞர்களில் ஒருவராக லக்ஷ்மி இடம்பெற்றுள்ளார்.

அனைத்துலகத் தமிழர் பேரவை (FGT), உலகத் தமிழர்களின் அறிவு, ஆற்றல், தொழில்சார் அனுபவம் மற்றும் பொருளாதார வளங்களை ஒருங்கிணைக்கும் நோக்கில், உலகளாவிய தமிழர் பொருளாதார மற்றும் சமூக வலையமைப்பையும் (Global Tamil Economic and Social Network), அதன் ஒருங்கிணைப்புக் குழுவையும் அறிமுகப்படுத்துவதில் மகிழ்ச்சியடைகிறது. உலகெங்கிலும் வாழும் தமிழ்ப் பேராசிரியர்கள், பொருளாதார நிபுணர்கள், தொழில்முனைவோர், முதலீட்டாளர்கள், தொழில்சார் வல்லுநர்கள் மற்றும் நிறுவனங்களை ஒன்றிணைத்து, பொருளாதார ஒத்துழைப்பை வலுப்படுத்துதல், தொழில்முனைவையும் வேலைவாய்ப்புகளையும் உருவாக்குதல், சமூக மேம்பாட்டை முன்னெடுத்தல் ஆகியவை இவ்வலையமைப்பின் முக்கிய நோக்கங்களாகும்.

அக்டோபர் மாதம் 24 மற்றும் 25ஆம் திகதிகளில், 90 Littles Road, Scarborough-வில் அமைந்துள்ள Malvern Family Resource Centreஇல், நண்பகல் 12 மணி முதல் இரவு 9 மணி வரை நடைபெற உள்ளது. புத்தகங்களின் காட்சிப்படுத்தல் மற்றும் விற்பனையுடன் இந்த ஆண்டு 10 நூல் அறிமுகங்கள், கலை இலக்கிய அமர்வுகள் என புத்தகங்களுடன் தொடர்புடைய பல்வேறு நிகழ்ச்சிகள் இடம்பெற உள்ளன.

தமிழ்க் கனடிய கலை மற்றும் இசைத்துறையில் கடந்த 35 ஆண்டுகளாக தொடர்ச்சியான பங்களிப்பை வழங்கி வரும் திரு. வைரமுத்து சொர்ணலிங்கம் அவர்களுக்கு, 7வது ரொறன்ரோ தமிழ் சர்வதேச திரைப்பட விழா – 2026 இன் வாழ்நாள் சாதனையாளர் விருது (Lifetime Achievement Award) வழங்கி கௌரவிக்கப்பட்டது. ரொறன்ரோ தமிழ் சர்வதேச திரைப்பட விழாவின் 7வது ஆண்டு நிகழ்வுகள் கடந்த செப்டம்பர் 25 முதல் 27ஆம் திகதி வரை நடைபெற்றன. செப்டம்பர் 25ஆம் திகதி யோர்க் சினிமாவில் ஆரம்ப விழா இடம்பெற்றதுடன், தொடர்ந்து இரண்டு நாட்கள் பல்வேறு மொழிகளைச் சேர்ந்த திரைப்படங்கள் மற்றும் குறும்படங்கள் திரையிடப்பட்டன.

வடக்கு மாகாண பண்பாட்டலுவல்கள் அலகும் துணுக்காய் பண்பாட்டுப் பேரவையும் இணைந்து ஏற்பாடு செய்த “துணுக்காய் பிரதேச பண்பாட்டுப் பெருவிழா – 2026” நிகழ்வு 2026 செப்டெம்பர் 22ஆம் திகதி செவ்வாய்க்கிழமை காலை 9.00 மணிக்கு, துணுக்காய் பிரதேச செயலக மாநாட்டு மண்டபத்தில் அமைந்துள்ள “கலைத் திலகம் அமரர் புவனேஸ்வரி நடராசா அரங்கில்” கோலாகலமாக நடைபெற்றது. துணுக்காய் பிரதேச செயலாளர் இராமதாஸ் ரமேஸ் தலைமையில் நடைபெற்ற இந்நிகழ்வில், பிரதம விருந்தினராக சிவராஜசிங்கம் ஜெயகாந்த், மேலதிக மாவட்டச் செயலாளர் – காணி, முல்லைத்தீவு மாவட்ட செயலகம் கலந்து சிறப்பித்தார்.

மெத்ரேயி ராமகிருஷ்ணன் ஒரு தமிழ் கனடிய நடிகை. அவர் 2001ஆம் ஆண்டு கனடாவின் ஒன்டாரியோ மாகாணத்தில் உள்ள மிசிசாகாவில் பிறந்தார். அவரது பெற்றோர் இலங்கைத் தமிழர்கள். சிறுவயதிலிருந்தே நடிப்பில் ஆர்வம் இருந்தாலும், ஆரம்பத்தில் அவர் தொழில்முறை நடிகையாக இருக்கவில்லை. 2020ஆம் ஆண்டு Netflix-ல் வெளியான Never Have I Ever தொடரில் Devi Vishwakumar என்ற கதாபாத்திரத்தில் நடிக்க ஆயிரக்கணக்கானவர்கள் audition செய்தனர். மெத்ரேயியும் audition கொடுத்தார். இறுதியில், 15,000-க்கும் மேற்பட்ட விண்ணப்பதாரர்களில் இருந்து அவர் முக்கிய கதாபாத்திரத்திற்குத் தேர்வு செய்யப்பட்டார். இந்தத் தொடர்தான் அவருடைய முதல் பெரிய நடிப்பு வாய்ப்பு. Devi என்ற கதாபாத்திரம் மூலம் உலகம் முழுவதும் அவர் பிரபலமானார்.

12 நாட்கள் பசிமறந்து நல்லூர் வீதியில் உயிர்துறந்த தியாக தீபம் லெப். கேணல் திலீபன் அவர்களின் 39ஆம் ஆண்டு நினைவேந்தல் நிகழ்வுகள் தாயகத்திலும் புலம்பெயர் நாடுகளிலும் உணர்வுபூர்வமாக ஆரம்பமாகியுள்ளன. தியாக தீபம் திலீபன் அவர்கள், 1987ஆம் ஆண்டு செப்டம்பர் 15ஆம் திகதி முதல் 26ஆம் திகதி வரை, நல்லூர் ஆலய முன்றலில் நீராகாரம்கூட அருந்தாமல், அகிம்சை வழியில் தனது ஐந்து அம்சக் கோரிக்கைகளை முன்வைத்து உண்ணாவிரதப் போராட்டத்தை மேற்கொண்டார்.

யாழ் துன்னாலை சதாசகாய மாதா ஆலயத்தின் வருடாந்த திருவிழா நேற்று நிறைவடைந்தது. திருப்பலிகள் பங்குத்தந்தை விஜின்ரஸ் மற்றும் உதவி பங்குத்தந்தை பஸ்ரியான் அவர்களால் நடாத்தப்பட்டது. ஆலய வாசலிலே ஏற்றப்பட்ட மெழுகுவர்த்திகள் ஆசிர்வதிக்கப்பட்டு பவனியாக ஆலயத்திற்கு கொண்டு வரப்பட்டு திருப்பலி ஒப்புக்கொடுக்கப்பட்டது.

சர்வதேச வலிந்து காணாமல் ஆக்கப்பட்டோர் தினத்தை முன்னிட்டு, வலிந்து காணாமல் ஆக்கப்பட்ட எமது தமிழ் உறவுகளுக்கு நீதி கோரி, பிரித்தானிய இலங்கை உயர்ஸ்தானிகராலயத்தின் (Sri Lankan High Commission) முன்னால் மாபெரும் கண்டனப் போராட்டம் நடைபெற்றது. அதனைத் தொடர்ந்து, இலங்கை உயர்ஸ்தானிகராலயத்திலிருந்து பிரித்தானிய பிரதமரின் அலுவலகமான 10 Downing Street நோக்கி மாபெரும் போராட்ட ஊர்வலமாகச் சென்று, உறவுகளுக்கான நீதியையும் இப்படுகொலை நாடக அரங்கமும் இடம்பெற்றது.

தாயகத்தில் 1990ஆம் ஆண்டு தொடக்கம் இன்று வரை வலிந்து காணாமல் ஆக்கப்பட்ட எமது உறவுகளை நினைவுகூர்ந்தும், அவர்களுக்கான உண்மை, நீதி மற்றும் பொறுப்புக்கூறலை வலியுறுத்தியும், பிரித்தானியாவில் நேற்று ஆகஸ்ட் 30ஆம் திகதி நினைவேந்தல் நடைபயணமும் அமைதிவழிப் போராட்டமும் இடம்பெற்றது. நாடுகடந்த தமிழீழ அரசாங்கத்தின் ஏற்பாட்டில், லண்டன் Trafalgar Square மற்றும் லிவர்பூல் ஆகிய இடங்களில் நடைபெற்ற நிகழ்வுகளில், பெருமளவான தமிழ் சமூகத்தினர், ஆதரவாளர்கள் மற்றும் மக்கள் பிரதிநிதிகள் கலந்துகொண்டனர்.

கடந்த காலத்தில் மிகவும் பேசும் பொருளாக இருந்த பிக்மி முச்சக்கர வண்டி சங்கங்களால் அதிகம் பேசப்பட்டது அப்போது இது யாழ்ப்பாணத்தில் முன்னால் கடல்தொழில் அமைச்சர் திரு டக்ளஸ் தேவானந்தா அவர்கள் நடத்துவதாகவும் கூறப்பட்டது ஆனால் இறுதியில் வந்த தகவலின் அடிப்படையில் இந்த நிறுவனத்தின் ஒரு முக்கிய வழக்கறிஞர்களில் ஒருவரான திரு MA சுமந்திரன் அவர்கள் மறைமுகமாக நடத்துவது தெளிவாக தெரியவந்தது.

நாடுகடந்த தமிழீழ அரசாங்கத்தின் ஏற்பாட்டில், தியாக தீபம் லெப். கேணல் திலீபன் அவர்களின் நினைவாக 11வது ஆண்டு கோடைகால விளையாட்டு விழா, 02.08.2016 ஞாயிற்றுக்கிழமை Sutton பகுதியில் அமைந்துள்ள St Helier Open Space மைதானத்தில் சிறப்பாக நடைபெற்றது. இவ்விளையாட்டு விழாவில் கரப்பந்தாட்டம், வலைப்பந்தாட்டம், மென்பந்து துடுப்பாட்டம், சிறுவர்களுக்கான விளையாட்டுக்கள் மற்றும் ஆண், பெண் இருபாலருக்குமான பாரம்பரிய விளையாட்டுக்கள் உள்ளிட்ட பல்வேறு போட்டிகள் இடம்பெற்றன. இதன் மூலம் சிறுவர்கள் முதல் பெரியவர்கள் வரை பல்வேறு வயதுப் பிரிவினரும் ஆர்வத்துடன் பங்கேற்றனர்.

தமிழ் தாயகத்தின் எதிர்காலம் குறித்த விவாதம், நிலப்பரப்பின் அளவு என்ற கேள்வியோடு மட்டும் நின்றுவிடக் கூடாது. புவியியல் ரீதியாகச் சிறிய ஒரு நாடு, திறமையான நிறுவனங்கள், சர்வதேச சந்தைகளுக்கான அணுகல், கல்வியறிவு பெற்ற மக்கள் மற்றும் தனது சொந்தப் பொருளாதாரக் கொள்கைகளை வகுக்கும் திறன் ஆகியவற்றைக் கொண்டிருக்கும்போது, ​​கணிசமான பொருளாதார செல்வாக்கை உருவாக்க முடியும் என்பதை சர்வதேச அனுபவம் காட்டுகிறது. சுவிஸ் வரலாற்றாசிரியர் ஜேக்கப் டானரின் Krisen und Konjunkturen des Kapitalismus in der Schweiz des 20. Jahrhunderts என்ற ஆய்வு, இந்தக் கேள்வியைக் கருத்தில் கொள்வதற்கான ஒரு சுவாரஸ்யமான உதாரணத்தை வழங்குகிறது.

கடந்த செவ்வாய்க்கிழமை, ஆகஸ்ட் 4 அன்று, ஸ்காபரோ ரூஜ் பார்க் சட்டமன்ற உறுப்பினரும் சுகாதார இணை அமைச்சருமான விஜய் தணிகாசலம் அவர்கள், துணை முதல்வரும் சுகாதார அமைச்சருமான சில்வியா ஜோன்ஸ் மற்றும் ஸ்காபரோ சட்டமன்ற உறுப்பினர்கள் ரேமண்ட் சோ, டேவிட் ஸ்மித் ஆகியோருடன் இணைந்து, ஸ்காபரோ சுகாதார வலையமைப்பின் சென்டினரி மருத்துவமனையில் புதிய மற்றும் விரிவாக்கப்பட்ட அவசர சிகிச்சைப் பிரிவுக்கான கட்டுமானப் பணிகளை அதிகாரப்பூர்வமாகத் தொடங்கி வைத்தார்.

கனடியத் தமிழர் பேரவை (CTC), சர்வதேச மருத்துவ சுகாதார நிறுவனம் (IMHO) கனடா மற்றும் இலங்கை அகதிகள் மறுவாழ்வுக் கழகம் (OfERR) ஆகிய அமைப்புகள் ஒன்றிணைந்து, 16ஆவது ஆண்டு தமிழ் கனடிய நடைப்பயணத்தை ஜூலை 29, 2026 அன்று உத்தியோகபூர்வமாகத் தொடங்கியுள்ளன. ஒற்றுமை, நம்பிக்கை மற்றும் உயரிய நோக்கத்தை மையமாகக் கொண்டுள்ள இப்பிரச்சாரம், ஒட்டுமொத்த சமூகத்தையும் ஒரு மனிதாபிமான இலக்கின் கீழ் திரட்டியுள்ளது. இந்த ஆண்டுக்கான நடைப்பயணம் வரும் செப்டம்பர் 13, 2026 ஞாயிற்றுக்கிழமையன்று, ஒன்ராறியோவின் பிக்கரிங் நகரில் உள்ள பிரெஞ்சுமேன்ஸ் பே, மில்லினியம் ஸ்கொயர் பூங்காவில் (Millennium Square Park, Frenchman’s Bay in Pickering, Ontario) நடைபெறவுள்ளது. இந்தியாவில் பல வருடங்களாக இடம்பெயர்ந்து வாழ்ந்து, தற்போது தாமாகவே முன்வந்து தங்களின் சொந்த ஊரான திருகோணமலைக்குத் திரும்பும் 30 தமிழ் குடும்பங்கள் மற்றும் தனிநபர்களின் மறுவாழ்வுக்கு ஆதரவளிப்பதே இந்த ஆண்டுக்கான முதன்மை நோக்கமாகும்.