உலகத்தமிழர்களை ஒருங்கிணைத்த வகையில் முள்ளிவாய்க்கால் தமிழினப்படுகொலையின் 11வது ஆண்டு தமிழீழத் தேசிய துக்க நாள் கூட்டம் இணைவழியே உலகத்தமிழர் முள்ளிவாய்கால் நினைவேந்தல் கூட்டடமாக சிறப்பாக இடம்பெற்றுள்ளது. கொரோனா வைரஸ் பெருந்தொற்றின் அச்சுறுத்தல்களுக்கு மத்தியில் பல்வேறு கெடுபிடிகளுக்கு நடுவேற தமிழர் தாயகத்தில் முள்ளிவாய்க்கால் நினைவேந்தல் நிகழ்வுகள் இடம்பெற்றிருக்க, உலகத்தமிழர்கள் உள்ளுணர்வோடு கூடியிருந்தனர்.

நாடுகடந்த தமிழீழ அரசாங்கத்தின் பிரதமர் வி.உருத்திரகுமாரன் அவர்களது தமிழீழத்; தேசிய துக்க நாள் உரையுடன் தொடங்கியிருந்த இப்பெருநிகழ்வில் அமெரிக்கா, கனடா, பிரித்தானியா, தென்னாபிரிக்கா, இந்தியா, சுவிஸ், ஜேர்மனி, பிரான்ஸ் என உலகப்பரப்பெங்கும் இருந்து பெருமக்கள் கலந்து கொண்டிருந்தனர்.

தமிழர் தேசம் சிங்கள இனவாதகட்டமைப்பினால் ஆக்கிரிமிக்கப்பட்ட ஓர் தேசம் என்பதனை தாயக தமிழ்அரசியல் தலைவர்கள் கூட்டாக பிரகடனப்படுத்த வேண்டும் என்பதோடு, சிறிலங்காவின் இனநாயக அரசினால் தமிழர்களுக்கு ஒரு போதும் அரசியல் தீர்வு கிடைக்காது என்பதனை தாயக தமிழ்தலைவர் சர்வதேசத்துக்கு இடித்துரைக்க வேண்டும் என அறைகூவல் விடுத்திருந்த பிரதமர் வி.உருத்திரகுமாரன், இலங்கைத்தீவில் நிலைமாறுகால நீதி தோற்றுப்போன நிலையில், சர்வதேச சமூகம் சிறிலங்கா தொடர்பில் புதிய அணுகுமுறையினை கையாளவேண்டும் எனவும் பிரதமர் வி.உருத்திரகுமாரன் தனது தமிழீத் தேசிய துக்க நாள் உரையில் தெரிவித்திருந்தார்.

உலகத்தமிழர்களின் இந்தப் பெரும்கூட்டத்தில் பல்வேறு நாடுகளைச் சேர்ந்த அந்நாடுகளின் பாராளுமன்ற உறுப்பினர்கள், அரசியல் பிரதிநிதிகள் என்;று பலரும் பங்கெடுத்து ஈழத்தமிழர்களின் நீதியின் தேடலுக்கு தமது தோழமையினை தெரிவிருந்தனர்.

கனடா : Hon Gary Anandasangaree, (MP Scarborough-Rouge Park ),Hon Patrick Brown (Mayor of Brampton) ,Hon Neethan Shan ( Executive Director, Urban Alliance,) Mayor John Tory (Ontario) , Dr Anu Sriskandarajah , Hom MPP Logan Kanapathi (Provincial Parliament of Ontario), Hon MP Shaun Chen (Scarborough North )

பிரித்தானியா : Hon. Elliot Colburn (Conservative Member of Parliament for Carshalton & Wallington, All Party Parliamentary Group for Tamils) , Hon Siobhain Mcdonagh MP (Mitcham and Morden), Hon Gareth Thomas Mp(Harrow), Hon Edward Davey (Kingston and Surbiton Acting leader of Liberal Democrats), Hon Graham Willianson (UK - Nation without States) ,

சுவிஸ் : Hon Anna Annor (Humain Rights Activist, Eelam council président)

பிரான்ஸ் : Hon Francois puponi (Député ) , Hon Clementine Autin (Deputé) , Mme Marie-George Buffet (Député) , Mr Georges Mothron (Maire d' Argenteuil -95)

இந்தியா : நாம் தமிழர் கட்சித் தலைவர் செந்தமிழன் சீமான், நாடாளுமன்ற உறுப்பினர். மதிமுக பொதுச்செயலர் திரு.வைகோ, K.K.S.M. Dhehlan Baqavi (SDPI), தோழர் தியாகு (பொதுச்செயலாளர் தமிழ்த் தேசிய விடுதலை இயக்கம் , எழுத்தாளர் பாமரன்,

இப்பெருமக்களுடன் பாலா மாஸ்ரர் (பொருளியில் ஆய்வாளர்) , முள்ளிவாய்க்கால் சாட்சியமாக மருத்துவர் வண்ணன் , இளங்கீரன் (காவல்துறை ஆய்வாளர்), ரவி சுப்ரமணியம் (அமெரிக்கா - உலகத்தமிழர் இயக்கம், சசி (ஜேர்மனி) தாயக நண்பர்கள் வட்டம், சுந்தரவேல் (தமிழர் புனவர்வாழ்வுக் கழகம் - பிரான்ஸ்), இரவிக்குமார் (பிரித்தானிய தமிழர் பேரவை), சிவருசி. தர்மலிங்கம் சசிக்குமார் (சைவநெறிக்கூடம் - இணைப்பாளர் சுவிஸ்), காந்தா படையாச்சி ( தென்னாபிரிக்கா), உட்பட இவர்களுடன் கலைஞர்கள் பிரான்சில் இருந்து இந்திரன், பிறின்சி, கவிஞர் ராஜி பாற்றர்சன் ஆகியோர் பங்கெடுத்திருந்தனர்.

எமது மக்கள் போரே வாழ்வாகவும், வாழ்வே போராகவும் கொண்டு வாழ்ந்து வந்தவர்கள். பல்வேறு நெருக்கடிகளை எதிர்கொண்ட போதும் விடுதலைப் பயணத்தினைத் தமது தோளேந்தி நின்றவர்கள். முள்ளிவாய்க்கால் இனஅழிப்பின் பின்னரும் சிங்களத்தின் ஆக்கிரமிப்புக்கு எதிராக உரிமைக்குரல் எழுப்பி வருபவர்கள். முள்ளிவாய்க்கால நினைவுடன் மே 18இனை, தேசிய துக்க நாளாக அனுட்டிப்பது எமது தேசிய உயிர்ப்புணர்வை வலுப்படுதும் செயன்முறையாக இருக்கிறது.

இதனால் கொரோனா வைரஸ் பெருந்தொற்றினால் ஏற்பட்டுள்ள இன்றைய இந்த நெருக்கடியினை நாம் எதிர்கொண்டவாறு, துயர்தோய்ந்த, அவலம் நிரம்பிய முள்ளிவாய்க்கால் கூட்டுநினைவுகளை நமது வீடுகளில் இருந்தவாறு உலகத்தமிழர்கள் நாம் ஒருமிக்க வலுமிக்க சக்தியென்ற உள்ளுணர்வோடு இணைவழியாhக நினைவேந்தியிருந்தோம் என நாடுகடந்த தமிழீழ அரசாங்கம் தெரிவித்துள்ளது.

இலங்கைத் தமிழ் பின்னணியைக் கொண்ட கனடா வாழ் பாடகி லக்ஷ்மி சிவநேஸ்வரலிங்கம் (Luksimi Sivaneswaralingam), 2026ஆம் ஆண்டுக்கான South Asian Music Accelerator (SAMA) இசை மேம்பாட்டுத் திட்டத்திற்குத் தெரிவாகியுள்ளார். கனடா முழுவதிலும் இருந்து தெரிவு செய்யப்பட்ட பத்து இசைக் கலைஞர்களில் ஒருவராக லக்ஷ்மி இடம்பெற்றுள்ளார்.

அனைத்துலகத் தமிழர் பேரவை (FGT), உலகத் தமிழர்களின் அறிவு, ஆற்றல், தொழில்சார் அனுபவம் மற்றும் பொருளாதார வளங்களை ஒருங்கிணைக்கும் நோக்கில், உலகளாவிய தமிழர் பொருளாதார மற்றும் சமூக வலையமைப்பையும் (Global Tamil Economic and Social Network), அதன் ஒருங்கிணைப்புக் குழுவையும் அறிமுகப்படுத்துவதில் மகிழ்ச்சியடைகிறது. உலகெங்கிலும் வாழும் தமிழ்ப் பேராசிரியர்கள், பொருளாதார நிபுணர்கள், தொழில்முனைவோர், முதலீட்டாளர்கள், தொழில்சார் வல்லுநர்கள் மற்றும் நிறுவனங்களை ஒன்றிணைத்து, பொருளாதார ஒத்துழைப்பை வலுப்படுத்துதல், தொழில்முனைவையும் வேலைவாய்ப்புகளையும் உருவாக்குதல், சமூக மேம்பாட்டை முன்னெடுத்தல் ஆகியவை இவ்வலையமைப்பின் முக்கிய நோக்கங்களாகும்.

அக்டோபர் மாதம் 24 மற்றும் 25ஆம் திகதிகளில், 90 Littles Road, Scarborough-வில் அமைந்துள்ள Malvern Family Resource Centreஇல், நண்பகல் 12 மணி முதல் இரவு 9 மணி வரை நடைபெற உள்ளது. புத்தகங்களின் காட்சிப்படுத்தல் மற்றும் விற்பனையுடன் இந்த ஆண்டு 10 நூல் அறிமுகங்கள், கலை இலக்கிய அமர்வுகள் என புத்தகங்களுடன் தொடர்புடைய பல்வேறு நிகழ்ச்சிகள் இடம்பெற உள்ளன.

தமிழ்க் கனடிய கலை மற்றும் இசைத்துறையில் கடந்த 35 ஆண்டுகளாக தொடர்ச்சியான பங்களிப்பை வழங்கி வரும் திரு. வைரமுத்து சொர்ணலிங்கம் அவர்களுக்கு, 7வது ரொறன்ரோ தமிழ் சர்வதேச திரைப்பட விழா – 2026 இன் வாழ்நாள் சாதனையாளர் விருது (Lifetime Achievement Award) வழங்கி கௌரவிக்கப்பட்டது. ரொறன்ரோ தமிழ் சர்வதேச திரைப்பட விழாவின் 7வது ஆண்டு நிகழ்வுகள் கடந்த செப்டம்பர் 25 முதல் 27ஆம் திகதி வரை நடைபெற்றன. செப்டம்பர் 25ஆம் திகதி யோர்க் சினிமாவில் ஆரம்ப விழா இடம்பெற்றதுடன், தொடர்ந்து இரண்டு நாட்கள் பல்வேறு மொழிகளைச் சேர்ந்த திரைப்படங்கள் மற்றும் குறும்படங்கள் திரையிடப்பட்டன.

வடக்கு மாகாண பண்பாட்டலுவல்கள் அலகும் துணுக்காய் பண்பாட்டுப் பேரவையும் இணைந்து ஏற்பாடு செய்த “துணுக்காய் பிரதேச பண்பாட்டுப் பெருவிழா – 2026” நிகழ்வு 2026 செப்டெம்பர் 22ஆம் திகதி செவ்வாய்க்கிழமை காலை 9.00 மணிக்கு, துணுக்காய் பிரதேச செயலக மாநாட்டு மண்டபத்தில் அமைந்துள்ள “கலைத் திலகம் அமரர் புவனேஸ்வரி நடராசா அரங்கில்” கோலாகலமாக நடைபெற்றது. துணுக்காய் பிரதேச செயலாளர் இராமதாஸ் ரமேஸ் தலைமையில் நடைபெற்ற இந்நிகழ்வில், பிரதம விருந்தினராக சிவராஜசிங்கம் ஜெயகாந்த், மேலதிக மாவட்டச் செயலாளர் – காணி, முல்லைத்தீவு மாவட்ட செயலகம் கலந்து சிறப்பித்தார்.

மெத்ரேயி ராமகிருஷ்ணன் ஒரு தமிழ் கனடிய நடிகை. அவர் 2001ஆம் ஆண்டு கனடாவின் ஒன்டாரியோ மாகாணத்தில் உள்ள மிசிசாகாவில் பிறந்தார். அவரது பெற்றோர் இலங்கைத் தமிழர்கள். சிறுவயதிலிருந்தே நடிப்பில் ஆர்வம் இருந்தாலும், ஆரம்பத்தில் அவர் தொழில்முறை நடிகையாக இருக்கவில்லை. 2020ஆம் ஆண்டு Netflix-ல் வெளியான Never Have I Ever தொடரில் Devi Vishwakumar என்ற கதாபாத்திரத்தில் நடிக்க ஆயிரக்கணக்கானவர்கள் audition செய்தனர். மெத்ரேயியும் audition கொடுத்தார். இறுதியில், 15,000-க்கும் மேற்பட்ட விண்ணப்பதாரர்களில் இருந்து அவர் முக்கிய கதாபாத்திரத்திற்குத் தேர்வு செய்யப்பட்டார். இந்தத் தொடர்தான் அவருடைய முதல் பெரிய நடிப்பு வாய்ப்பு. Devi என்ற கதாபாத்திரம் மூலம் உலகம் முழுவதும் அவர் பிரபலமானார்.

12 நாட்கள் பசிமறந்து நல்லூர் வீதியில் உயிர்துறந்த தியாக தீபம் லெப். கேணல் திலீபன் அவர்களின் 39ஆம் ஆண்டு நினைவேந்தல் நிகழ்வுகள் தாயகத்திலும் புலம்பெயர் நாடுகளிலும் உணர்வுபூர்வமாக ஆரம்பமாகியுள்ளன. தியாக தீபம் திலீபன் அவர்கள், 1987ஆம் ஆண்டு செப்டம்பர் 15ஆம் திகதி முதல் 26ஆம் திகதி வரை, நல்லூர் ஆலய முன்றலில் நீராகாரம்கூட அருந்தாமல், அகிம்சை வழியில் தனது ஐந்து அம்சக் கோரிக்கைகளை முன்வைத்து உண்ணாவிரதப் போராட்டத்தை மேற்கொண்டார்.

யாழ் துன்னாலை சதாசகாய மாதா ஆலயத்தின் வருடாந்த திருவிழா நேற்று நிறைவடைந்தது. திருப்பலிகள் பங்குத்தந்தை விஜின்ரஸ் மற்றும் உதவி பங்குத்தந்தை பஸ்ரியான் அவர்களால் நடாத்தப்பட்டது. ஆலய வாசலிலே ஏற்றப்பட்ட மெழுகுவர்த்திகள் ஆசிர்வதிக்கப்பட்டு பவனியாக ஆலயத்திற்கு கொண்டு வரப்பட்டு திருப்பலி ஒப்புக்கொடுக்கப்பட்டது.

சர்வதேச வலிந்து காணாமல் ஆக்கப்பட்டோர் தினத்தை முன்னிட்டு, வலிந்து காணாமல் ஆக்கப்பட்ட எமது தமிழ் உறவுகளுக்கு நீதி கோரி, பிரித்தானிய இலங்கை உயர்ஸ்தானிகராலயத்தின் (Sri Lankan High Commission) முன்னால் மாபெரும் கண்டனப் போராட்டம் நடைபெற்றது. அதனைத் தொடர்ந்து, இலங்கை உயர்ஸ்தானிகராலயத்திலிருந்து பிரித்தானிய பிரதமரின் அலுவலகமான 10 Downing Street நோக்கி மாபெரும் போராட்ட ஊர்வலமாகச் சென்று, உறவுகளுக்கான நீதியையும் இப்படுகொலை நாடக அரங்கமும் இடம்பெற்றது.

தாயகத்தில் 1990ஆம் ஆண்டு தொடக்கம் இன்று வரை வலிந்து காணாமல் ஆக்கப்பட்ட எமது உறவுகளை நினைவுகூர்ந்தும், அவர்களுக்கான உண்மை, நீதி மற்றும் பொறுப்புக்கூறலை வலியுறுத்தியும், பிரித்தானியாவில் நேற்று ஆகஸ்ட் 30ஆம் திகதி நினைவேந்தல் நடைபயணமும் அமைதிவழிப் போராட்டமும் இடம்பெற்றது. நாடுகடந்த தமிழீழ அரசாங்கத்தின் ஏற்பாட்டில், லண்டன் Trafalgar Square மற்றும் லிவர்பூல் ஆகிய இடங்களில் நடைபெற்ற நிகழ்வுகளில், பெருமளவான தமிழ் சமூகத்தினர், ஆதரவாளர்கள் மற்றும் மக்கள் பிரதிநிதிகள் கலந்துகொண்டனர்.

கடந்த காலத்தில் மிகவும் பேசும் பொருளாக இருந்த பிக்மி முச்சக்கர வண்டி சங்கங்களால் அதிகம் பேசப்பட்டது அப்போது இது யாழ்ப்பாணத்தில் முன்னால் கடல்தொழில் அமைச்சர் திரு டக்ளஸ் தேவானந்தா அவர்கள் நடத்துவதாகவும் கூறப்பட்டது ஆனால் இறுதியில் வந்த தகவலின் அடிப்படையில் இந்த நிறுவனத்தின் ஒரு முக்கிய வழக்கறிஞர்களில் ஒருவரான திரு MA சுமந்திரன் அவர்கள் மறைமுகமாக நடத்துவது தெளிவாக தெரியவந்தது.

நாடுகடந்த தமிழீழ அரசாங்கத்தின் ஏற்பாட்டில், தியாக தீபம் லெப். கேணல் திலீபன் அவர்களின் நினைவாக 11வது ஆண்டு கோடைகால விளையாட்டு விழா, 02.08.2016 ஞாயிற்றுக்கிழமை Sutton பகுதியில் அமைந்துள்ள St Helier Open Space மைதானத்தில் சிறப்பாக நடைபெற்றது. இவ்விளையாட்டு விழாவில் கரப்பந்தாட்டம், வலைப்பந்தாட்டம், மென்பந்து துடுப்பாட்டம், சிறுவர்களுக்கான விளையாட்டுக்கள் மற்றும் ஆண், பெண் இருபாலருக்குமான பாரம்பரிய விளையாட்டுக்கள் உள்ளிட்ட பல்வேறு போட்டிகள் இடம்பெற்றன. இதன் மூலம் சிறுவர்கள் முதல் பெரியவர்கள் வரை பல்வேறு வயதுப் பிரிவினரும் ஆர்வத்துடன் பங்கேற்றனர்.

தமிழ் தாயகத்தின் எதிர்காலம் குறித்த விவாதம், நிலப்பரப்பின் அளவு என்ற கேள்வியோடு மட்டும் நின்றுவிடக் கூடாது. புவியியல் ரீதியாகச் சிறிய ஒரு நாடு, திறமையான நிறுவனங்கள், சர்வதேச சந்தைகளுக்கான அணுகல், கல்வியறிவு பெற்ற மக்கள் மற்றும் தனது சொந்தப் பொருளாதாரக் கொள்கைகளை வகுக்கும் திறன் ஆகியவற்றைக் கொண்டிருக்கும்போது, ​​கணிசமான பொருளாதார செல்வாக்கை உருவாக்க முடியும் என்பதை சர்வதேச அனுபவம் காட்டுகிறது. சுவிஸ் வரலாற்றாசிரியர் ஜேக்கப் டானரின் Krisen und Konjunkturen des Kapitalismus in der Schweiz des 20. Jahrhunderts என்ற ஆய்வு, இந்தக் கேள்வியைக் கருத்தில் கொள்வதற்கான ஒரு சுவாரஸ்யமான உதாரணத்தை வழங்குகிறது.

கடந்த செவ்வாய்க்கிழமை, ஆகஸ்ட் 4 அன்று, ஸ்காபரோ ரூஜ் பார்க் சட்டமன்ற உறுப்பினரும் சுகாதார இணை அமைச்சருமான விஜய் தணிகாசலம் அவர்கள், துணை முதல்வரும் சுகாதார அமைச்சருமான சில்வியா ஜோன்ஸ் மற்றும் ஸ்காபரோ சட்டமன்ற உறுப்பினர்கள் ரேமண்ட் சோ, டேவிட் ஸ்மித் ஆகியோருடன் இணைந்து, ஸ்காபரோ சுகாதார வலையமைப்பின் சென்டினரி மருத்துவமனையில் புதிய மற்றும் விரிவாக்கப்பட்ட அவசர சிகிச்சைப் பிரிவுக்கான கட்டுமானப் பணிகளை அதிகாரப்பூர்வமாகத் தொடங்கி வைத்தார்.

கனடியத் தமிழர் பேரவை (CTC), சர்வதேச மருத்துவ சுகாதார நிறுவனம் (IMHO) கனடா மற்றும் இலங்கை அகதிகள் மறுவாழ்வுக் கழகம் (OfERR) ஆகிய அமைப்புகள் ஒன்றிணைந்து, 16ஆவது ஆண்டு தமிழ் கனடிய நடைப்பயணத்தை ஜூலை 29, 2026 அன்று உத்தியோகபூர்வமாகத் தொடங்கியுள்ளன. ஒற்றுமை, நம்பிக்கை மற்றும் உயரிய நோக்கத்தை மையமாகக் கொண்டுள்ள இப்பிரச்சாரம், ஒட்டுமொத்த சமூகத்தையும் ஒரு மனிதாபிமான இலக்கின் கீழ் திரட்டியுள்ளது. இந்த ஆண்டுக்கான நடைப்பயணம் வரும் செப்டம்பர் 13, 2026 ஞாயிற்றுக்கிழமையன்று, ஒன்ராறியோவின் பிக்கரிங் நகரில் உள்ள பிரெஞ்சுமேன்ஸ் பே, மில்லினியம் ஸ்கொயர் பூங்காவில் (Millennium Square Park, Frenchman’s Bay in Pickering, Ontario) நடைபெறவுள்ளது. இந்தியாவில் பல வருடங்களாக இடம்பெயர்ந்து வாழ்ந்து, தற்போது தாமாகவே முன்வந்து தங்களின் சொந்த ஊரான திருகோணமலைக்குத் திரும்பும் 30 தமிழ் குடும்பங்கள் மற்றும் தனிநபர்களின் மறுவாழ்வுக்கு ஆதரவளிப்பதே இந்த ஆண்டுக்கான முதன்மை நோக்கமாகும்.