நமது உறவுகளுக்கு நீதி கிட்டாமல் நாங்கள் ஓயப்போவது இல்லை என்பதை இந்த கூட்டம் எடுத்துச் சொல்கிறது. -ஒன்ராரியோ நாடாளுமன்ற உறுப்பினர் விஜே தணிகாசலம் (ஏஜாக்ஸ், ஒன்ராரியோ) வலிந்து காணமல் ஆக்கப்பட்ட உறவுகளுக்கு நீதி வேண்டி பிறம்ரன் நகரில் இருந்து தலைநகர் ஒட்டாவாவை இலக்கு வைத்து இடம் பெறும் நெடும் நடைபயணம் இரண்டாம் நாள் இன்று ஏஜாக்ஸ் நகரை வந்தடைந்தது. ஏஜாக்ஸ் நகரில் தமிழ்த்தாய் மன்றம் நெடும்பயணம் செல்லும் குழுவுக்கு வரவேற்பு வழங்கியது. 200 அதிகமான மக்களும் ஊடகங்களும், அரசியல் செயற்பாட்டாளர்களும் கலந்து கொண்டு சிறப்பித்தனர்.

அகவணக்கத்துடன் ஆரம்பமான இந் நிகழ்வுக்கு தமிழ்த்தாய் மன்றப் பொருளாளர் திரு.ஞானம் அன்ரனி அவர்கள் தலைமை தாங்கினார். அவர் தனது தலைமை உரையில் 'நாங்கள் ஒன்றுமை இன்றி சிதறிக் கிடக்கின்றோம் என நினைத்தேன் ஆனால் அந்த நினைப்பு தவறு என்பதை இங்கு கூடியிருக்கும் பெரும் கூட்டம் நிரூபித்து இருக்கிறது என்றார்.

எழுச்சி கொண்ட மக்கள் சார்பாக நெடும்பயணம் மேற்கொள்பவர்களுக்கு பூக்கொத்து கொடுத்து வரவேற்றார் செல்வி சுடர்நிலா அவர்கள். அதைத் தொடர்ந்து வரவேற்புரை ஆற்றிய தமிழ்தாய் மன்ற செயலாளர் திரு.திருமுருகவேந்தன் அவர்கள் 'தமிழ்த்தேசியம் என்ற கொள்கைக்கு முன்னுரிமை கொடுத்து உழைக்கவேண்டும், அமைப்புகளுக்கு அப்பால் நமது கொள்கை வெல்ல உழைக்கவேண்டும். எனக் கேட்டுக் கொண்டார். தமிழ்த்தேசியத்துக்காக உழைக்கும் எவருக்கும் தமிழ்த்தாய் மன்றம் துணைநிற்கும் என்றார்.

தொடர்ந்து உரையாற்றிய ஒன்ராரியோ நாடாளுமன்ற உறுப்பினர் மாண்புமிகு விஜே தணிகாசலம் அவர்கள் ' இந்த நெடும் பயணம் கனடிய நாடாளுமன்ற கதைவை மட்டும் தட்டப்போவது இல்லை. போகும் வழி நெடுகிலும் உள்ள பல்லின சமூகங்களின் கதவுகளையும் தட்டப்பேகின்றது. நமது உறவுகளுக்கு நீதி கிட்டாமல் நாங்கள் ஓயப்போவது இல்லை என்பதை இந்த கூட்டம் நமக்கு எடுத்துச் சொல்கிறது. என்றார்.

நிகழ்வில் தமிழக 'நெமிர்வு கலையக இயக்குநர் திரு.சத்தி இராவணன் அவர்களின் ஆரப்ப நிலை மாணவர்கள் சுடர்நிலா, தமிழ்க்கோ, புலிக்கோ மற்றும் பரிதி ஆகியோர் பறைமுழக்கம் இசை வழங்கி காணமல் ஆக்கப்பட்வர்களுக்கு நீதி வேண்டி நெடும்பயணம் செல்பவர்களை பெருமைப் படுத்தினர். தமிழ்த்தாய் மன்ற ஆளுநர் குழு உறுப்பினர் திரு.ராஜா அவர்கள் நடைபயணம் செய்பவர்களின் நெஞ்சுறுதி போற்றுதற்கு உரியது. அவர்களின் ஈகம் மிகுந்த இந்த பயணம் வெற்றிக் கொடிகட்டும் என்றார்.

தமிழ்த்தேசியப் பேரியக்க உறுப்பினர் திரு.இளம்பரிதி அவர்கள் உரையாற்றுகையில் 'தமிழ்த்தேசியப் பேரியக்கமும் அதன் தலைவர் ஐயா பெ.மணியரசனும் காணாமல் ஆக்கப்பட்டவர்களுக்கான நீதி கிடைக்க தொடர்ந்தும் குரல் கொடுத்து வருகின்றோம் ' என்றார். ரொரன்ரோ கல்விச்சபை உறுப்பினர் யாழினி இராஜகுலசிங்கம் அவர்கள் உரையாற்றுகையில் நான் இங்கு பிறந்து வளர்ந்து இருப்பினும் என்னை சமூகம் சார்ந்து வளர்த்த நீங்கள் அபாரமாக வளர்த்து உள்ளீர்கள். நமது இனத்தின் கண்ணீர் நிறைந்த வரலாற்றை நமக்கு கடத்தி இருக்கின்றீர்கள் என்றார். நிகழ்வில் நாம் தமிழர் கட்சி உறுப்பினர் திரு.ஏழுமலை அவர்கள் பேசும்போது இங்கு கூடி இருக்கும் மக்களை கண்டு மகிழமுடியவில்லை காரணம் துன்பம் நிறைந்த நிகழ்வுக்கு நீதி கேட்டு நிற்கின்றோம்.

பல பல்துறை அறிஞர்களுடனான தனது கடந்தகால பட்டறிவை பகிர்ந்து கொண்ட அவர் இந்த துயரம் நிறைந்த கனலை மற்றைய சமூகத்தினருக்கும் கடத்தி விடவேண்டும் என்று கேட்டுக்கொண்டார். டூறம் தமிழ்ச் சங்க உபதலைவர், டூறம் அறிவியல் கலாச்சார சங்க தலைவர் திருமதி வசந்தா, ஈழமுரசு நிர்வாக ஆசிரியர் திரு.கண்ணன், நாடு கடந்த தமிழீழ அரசவை உறுப்பினர் திரு.ஜோ அன்ரனி, தமிழ்த்தேசிய செயற்பாட்டாளர் திரு.செல்வராசா என பலரும் உரையாற்றினர்.

இலங்கைத் தமிழ் பின்னணியைக் கொண்ட கனடா வாழ் பாடகி லக்ஷ்மி சிவநேஸ்வரலிங்கம் (Luksimi Sivaneswaralingam), 2026ஆம் ஆண்டுக்கான South Asian Music Accelerator (SAMA) இசை மேம்பாட்டுத் திட்டத்திற்குத் தெரிவாகியுள்ளார். கனடா முழுவதிலும் இருந்து தெரிவு செய்யப்பட்ட பத்து இசைக் கலைஞர்களில் ஒருவராக லக்ஷ்மி இடம்பெற்றுள்ளார்.

அனைத்துலகத் தமிழர் பேரவை (FGT), உலகத் தமிழர்களின் அறிவு, ஆற்றல், தொழில்சார் அனுபவம் மற்றும் பொருளாதார வளங்களை ஒருங்கிணைக்கும் நோக்கில், உலகளாவிய தமிழர் பொருளாதார மற்றும் சமூக வலையமைப்பையும் (Global Tamil Economic and Social Network), அதன் ஒருங்கிணைப்புக் குழுவையும் அறிமுகப்படுத்துவதில் மகிழ்ச்சியடைகிறது. உலகெங்கிலும் வாழும் தமிழ்ப் பேராசிரியர்கள், பொருளாதார நிபுணர்கள், தொழில்முனைவோர், முதலீட்டாளர்கள், தொழில்சார் வல்லுநர்கள் மற்றும் நிறுவனங்களை ஒன்றிணைத்து, பொருளாதார ஒத்துழைப்பை வலுப்படுத்துதல், தொழில்முனைவையும் வேலைவாய்ப்புகளையும் உருவாக்குதல், சமூக மேம்பாட்டை முன்னெடுத்தல் ஆகியவை இவ்வலையமைப்பின் முக்கிய நோக்கங்களாகும்.

அக்டோபர் மாதம் 24 மற்றும் 25ஆம் திகதிகளில், 90 Littles Road, Scarborough-வில் அமைந்துள்ள Malvern Family Resource Centreஇல், நண்பகல் 12 மணி முதல் இரவு 9 மணி வரை நடைபெற உள்ளது. புத்தகங்களின் காட்சிப்படுத்தல் மற்றும் விற்பனையுடன் இந்த ஆண்டு 10 நூல் அறிமுகங்கள், கலை இலக்கிய அமர்வுகள் என புத்தகங்களுடன் தொடர்புடைய பல்வேறு நிகழ்ச்சிகள் இடம்பெற உள்ளன.

தமிழ்க் கனடிய கலை மற்றும் இசைத்துறையில் கடந்த 35 ஆண்டுகளாக தொடர்ச்சியான பங்களிப்பை வழங்கி வரும் திரு. வைரமுத்து சொர்ணலிங்கம் அவர்களுக்கு, 7வது ரொறன்ரோ தமிழ் சர்வதேச திரைப்பட விழா – 2026 இன் வாழ்நாள் சாதனையாளர் விருது (Lifetime Achievement Award) வழங்கி கௌரவிக்கப்பட்டது. ரொறன்ரோ தமிழ் சர்வதேச திரைப்பட விழாவின் 7வது ஆண்டு நிகழ்வுகள் கடந்த செப்டம்பர் 25 முதல் 27ஆம் திகதி வரை நடைபெற்றன. செப்டம்பர் 25ஆம் திகதி யோர்க் சினிமாவில் ஆரம்ப விழா இடம்பெற்றதுடன், தொடர்ந்து இரண்டு நாட்கள் பல்வேறு மொழிகளைச் சேர்ந்த திரைப்படங்கள் மற்றும் குறும்படங்கள் திரையிடப்பட்டன.

வடக்கு மாகாண பண்பாட்டலுவல்கள் அலகும் துணுக்காய் பண்பாட்டுப் பேரவையும் இணைந்து ஏற்பாடு செய்த “துணுக்காய் பிரதேச பண்பாட்டுப் பெருவிழா – 2026” நிகழ்வு 2026 செப்டெம்பர் 22ஆம் திகதி செவ்வாய்க்கிழமை காலை 9.00 மணிக்கு, துணுக்காய் பிரதேச செயலக மாநாட்டு மண்டபத்தில் அமைந்துள்ள “கலைத் திலகம் அமரர் புவனேஸ்வரி நடராசா அரங்கில்” கோலாகலமாக நடைபெற்றது. துணுக்காய் பிரதேச செயலாளர் இராமதாஸ் ரமேஸ் தலைமையில் நடைபெற்ற இந்நிகழ்வில், பிரதம விருந்தினராக சிவராஜசிங்கம் ஜெயகாந்த், மேலதிக மாவட்டச் செயலாளர் – காணி, முல்லைத்தீவு மாவட்ட செயலகம் கலந்து சிறப்பித்தார்.

மெத்ரேயி ராமகிருஷ்ணன் ஒரு தமிழ் கனடிய நடிகை. அவர் 2001ஆம் ஆண்டு கனடாவின் ஒன்டாரியோ மாகாணத்தில் உள்ள மிசிசாகாவில் பிறந்தார். அவரது பெற்றோர் இலங்கைத் தமிழர்கள். சிறுவயதிலிருந்தே நடிப்பில் ஆர்வம் இருந்தாலும், ஆரம்பத்தில் அவர் தொழில்முறை நடிகையாக இருக்கவில்லை. 2020ஆம் ஆண்டு Netflix-ல் வெளியான Never Have I Ever தொடரில் Devi Vishwakumar என்ற கதாபாத்திரத்தில் நடிக்க ஆயிரக்கணக்கானவர்கள் audition செய்தனர். மெத்ரேயியும் audition கொடுத்தார். இறுதியில், 15,000-க்கும் மேற்பட்ட விண்ணப்பதாரர்களில் இருந்து அவர் முக்கிய கதாபாத்திரத்திற்குத் தேர்வு செய்யப்பட்டார். இந்தத் தொடர்தான் அவருடைய முதல் பெரிய நடிப்பு வாய்ப்பு. Devi என்ற கதாபாத்திரம் மூலம் உலகம் முழுவதும் அவர் பிரபலமானார்.

12 நாட்கள் பசிமறந்து நல்லூர் வீதியில் உயிர்துறந்த தியாக தீபம் லெப். கேணல் திலீபன் அவர்களின் 39ஆம் ஆண்டு நினைவேந்தல் நிகழ்வுகள் தாயகத்திலும் புலம்பெயர் நாடுகளிலும் உணர்வுபூர்வமாக ஆரம்பமாகியுள்ளன. தியாக தீபம் திலீபன் அவர்கள், 1987ஆம் ஆண்டு செப்டம்பர் 15ஆம் திகதி முதல் 26ஆம் திகதி வரை, நல்லூர் ஆலய முன்றலில் நீராகாரம்கூட அருந்தாமல், அகிம்சை வழியில் தனது ஐந்து அம்சக் கோரிக்கைகளை முன்வைத்து உண்ணாவிரதப் போராட்டத்தை மேற்கொண்டார்.

யாழ் துன்னாலை சதாசகாய மாதா ஆலயத்தின் வருடாந்த திருவிழா நேற்று நிறைவடைந்தது. திருப்பலிகள் பங்குத்தந்தை விஜின்ரஸ் மற்றும் உதவி பங்குத்தந்தை பஸ்ரியான் அவர்களால் நடாத்தப்பட்டது. ஆலய வாசலிலே ஏற்றப்பட்ட மெழுகுவர்த்திகள் ஆசிர்வதிக்கப்பட்டு பவனியாக ஆலயத்திற்கு கொண்டு வரப்பட்டு திருப்பலி ஒப்புக்கொடுக்கப்பட்டது.

சர்வதேச வலிந்து காணாமல் ஆக்கப்பட்டோர் தினத்தை முன்னிட்டு, வலிந்து காணாமல் ஆக்கப்பட்ட எமது தமிழ் உறவுகளுக்கு நீதி கோரி, பிரித்தானிய இலங்கை உயர்ஸ்தானிகராலயத்தின் (Sri Lankan High Commission) முன்னால் மாபெரும் கண்டனப் போராட்டம் நடைபெற்றது. அதனைத் தொடர்ந்து, இலங்கை உயர்ஸ்தானிகராலயத்திலிருந்து பிரித்தானிய பிரதமரின் அலுவலகமான 10 Downing Street நோக்கி மாபெரும் போராட்ட ஊர்வலமாகச் சென்று, உறவுகளுக்கான நீதியையும் இப்படுகொலை நாடக அரங்கமும் இடம்பெற்றது.

தாயகத்தில் 1990ஆம் ஆண்டு தொடக்கம் இன்று வரை வலிந்து காணாமல் ஆக்கப்பட்ட எமது உறவுகளை நினைவுகூர்ந்தும், அவர்களுக்கான உண்மை, நீதி மற்றும் பொறுப்புக்கூறலை வலியுறுத்தியும், பிரித்தானியாவில் நேற்று ஆகஸ்ட் 30ஆம் திகதி நினைவேந்தல் நடைபயணமும் அமைதிவழிப் போராட்டமும் இடம்பெற்றது. நாடுகடந்த தமிழீழ அரசாங்கத்தின் ஏற்பாட்டில், லண்டன் Trafalgar Square மற்றும் லிவர்பூல் ஆகிய இடங்களில் நடைபெற்ற நிகழ்வுகளில், பெருமளவான தமிழ் சமூகத்தினர், ஆதரவாளர்கள் மற்றும் மக்கள் பிரதிநிதிகள் கலந்துகொண்டனர்.

கடந்த காலத்தில் மிகவும் பேசும் பொருளாக இருந்த பிக்மி முச்சக்கர வண்டி சங்கங்களால் அதிகம் பேசப்பட்டது அப்போது இது யாழ்ப்பாணத்தில் முன்னால் கடல்தொழில் அமைச்சர் திரு டக்ளஸ் தேவானந்தா அவர்கள் நடத்துவதாகவும் கூறப்பட்டது ஆனால் இறுதியில் வந்த தகவலின் அடிப்படையில் இந்த நிறுவனத்தின் ஒரு முக்கிய வழக்கறிஞர்களில் ஒருவரான திரு MA சுமந்திரன் அவர்கள் மறைமுகமாக நடத்துவது தெளிவாக தெரியவந்தது.

நாடுகடந்த தமிழீழ அரசாங்கத்தின் ஏற்பாட்டில், தியாக தீபம் லெப். கேணல் திலீபன் அவர்களின் நினைவாக 11வது ஆண்டு கோடைகால விளையாட்டு விழா, 02.08.2016 ஞாயிற்றுக்கிழமை Sutton பகுதியில் அமைந்துள்ள St Helier Open Space மைதானத்தில் சிறப்பாக நடைபெற்றது. இவ்விளையாட்டு விழாவில் கரப்பந்தாட்டம், வலைப்பந்தாட்டம், மென்பந்து துடுப்பாட்டம், சிறுவர்களுக்கான விளையாட்டுக்கள் மற்றும் ஆண், பெண் இருபாலருக்குமான பாரம்பரிய விளையாட்டுக்கள் உள்ளிட்ட பல்வேறு போட்டிகள் இடம்பெற்றன. இதன் மூலம் சிறுவர்கள் முதல் பெரியவர்கள் வரை பல்வேறு வயதுப் பிரிவினரும் ஆர்வத்துடன் பங்கேற்றனர்.

தமிழ் தாயகத்தின் எதிர்காலம் குறித்த விவாதம், நிலப்பரப்பின் அளவு என்ற கேள்வியோடு மட்டும் நின்றுவிடக் கூடாது. புவியியல் ரீதியாகச் சிறிய ஒரு நாடு, திறமையான நிறுவனங்கள், சர்வதேச சந்தைகளுக்கான அணுகல், கல்வியறிவு பெற்ற மக்கள் மற்றும் தனது சொந்தப் பொருளாதாரக் கொள்கைகளை வகுக்கும் திறன் ஆகியவற்றைக் கொண்டிருக்கும்போது, ​​கணிசமான பொருளாதார செல்வாக்கை உருவாக்க முடியும் என்பதை சர்வதேச அனுபவம் காட்டுகிறது. சுவிஸ் வரலாற்றாசிரியர் ஜேக்கப் டானரின் Krisen und Konjunkturen des Kapitalismus in der Schweiz des 20. Jahrhunderts என்ற ஆய்வு, இந்தக் கேள்வியைக் கருத்தில் கொள்வதற்கான ஒரு சுவாரஸ்யமான உதாரணத்தை வழங்குகிறது.

கடந்த செவ்வாய்க்கிழமை, ஆகஸ்ட் 4 அன்று, ஸ்காபரோ ரூஜ் பார்க் சட்டமன்ற உறுப்பினரும் சுகாதார இணை அமைச்சருமான விஜய் தணிகாசலம் அவர்கள், துணை முதல்வரும் சுகாதார அமைச்சருமான சில்வியா ஜோன்ஸ் மற்றும் ஸ்காபரோ சட்டமன்ற உறுப்பினர்கள் ரேமண்ட் சோ, டேவிட் ஸ்மித் ஆகியோருடன் இணைந்து, ஸ்காபரோ சுகாதார வலையமைப்பின் சென்டினரி மருத்துவமனையில் புதிய மற்றும் விரிவாக்கப்பட்ட அவசர சிகிச்சைப் பிரிவுக்கான கட்டுமானப் பணிகளை அதிகாரப்பூர்வமாகத் தொடங்கி வைத்தார்.

கனடியத் தமிழர் பேரவை (CTC), சர்வதேச மருத்துவ சுகாதார நிறுவனம் (IMHO) கனடா மற்றும் இலங்கை அகதிகள் மறுவாழ்வுக் கழகம் (OfERR) ஆகிய அமைப்புகள் ஒன்றிணைந்து, 16ஆவது ஆண்டு தமிழ் கனடிய நடைப்பயணத்தை ஜூலை 29, 2026 அன்று உத்தியோகபூர்வமாகத் தொடங்கியுள்ளன. ஒற்றுமை, நம்பிக்கை மற்றும் உயரிய நோக்கத்தை மையமாகக் கொண்டுள்ள இப்பிரச்சாரம், ஒட்டுமொத்த சமூகத்தையும் ஒரு மனிதாபிமான இலக்கின் கீழ் திரட்டியுள்ளது. இந்த ஆண்டுக்கான நடைப்பயணம் வரும் செப்டம்பர் 13, 2026 ஞாயிற்றுக்கிழமையன்று, ஒன்ராறியோவின் பிக்கரிங் நகரில் உள்ள பிரெஞ்சுமேன்ஸ் பே, மில்லினியம் ஸ்கொயர் பூங்காவில் (Millennium Square Park, Frenchman’s Bay in Pickering, Ontario) நடைபெறவுள்ளது. இந்தியாவில் பல வருடங்களாக இடம்பெயர்ந்து வாழ்ந்து, தற்போது தாமாகவே முன்வந்து தங்களின் சொந்த ஊரான திருகோணமலைக்குத் திரும்பும் 30 தமிழ் குடும்பங்கள் மற்றும் தனிநபர்களின் மறுவாழ்வுக்கு ஆதரவளிப்பதே இந்த ஆண்டுக்கான முதன்மை நோக்கமாகும்.