ஆகாயத்திற்குச் சென்றாலும், நடுக் கடலுக்குச் சென்றாலும், மலையின் இடுக்கில் மறைந்துகொண்டாலும், எங்கு சென்று ஒளிந்துகொண்டாலும், தீய செயலைச் செய்தவர், அதன் விளைவுக்குத் தப்பவே முடியாது. இந்தப் பொன்மொழி புத்தர் உடையது. புத்தர் காலத்துக்குப் பின்னரும் ஒருவன் காலை செய்யும் தீவினை அவனை மாலை வந்து சூழும் என்ற வாழ்வியல் உண்மையை தமிழ்ப் புலவர்கள் தமிழ் அறநெறியாளர்கள் வற்புறுத்தி வந்துள்ளார்கள். அறக் கோட்பாட்டை வற்புறுத்தும் இலக்கியங்களை பதிணெண் கீழ்க் கணக்கு நூல்களில் தொகுத்துள்ளார்கள். இவை சங்கம் மருவிய காலப் பகுதியில் இயற்றப்பட்டவை. பதினெண் கீழ்க்கணக்கு நூல்களில் பதினொரு நூல்கள் அறநூல்கள். இவை தமிழர்களது அக்காலப் பண்பாட்டு விழுமியங்களை எடுத்துக் கூறுகின்றன.

சங்க கால இலக்கியங்கள் தமிழர்களின் வீரம், வெற்றி, ஈகை, கொடை போன்ற பண்புகளைப் போற்றுகின்றன. சங்க காலத்தில் பரத்தையர் உறவு, கள் அருந்துதல் கூடா ஒழுக்கம் எனக் கருதப்படவில்லை. "யவனர் குப்பியிற்கொண்டு வரப்பட்ட குளிர்ந்த நறுநாற்றத்தையுடைய தேறலைப் பொன்னாற் செய்யப்பட்ட புனைகலத்தின் கண் ஏந்தி நாடோறும் ஒள்ளிய வளையணிந்த மகளிர் ஊட்டிட உண்டு மகிழ்ச்சி மிக்கு இனிதாக நடப்பாயாக" என்று நன்மாறன் என்பானை நக்கீரர் வாழ்த்துகிறார்.

சங்க கால அவ்வையார் மிகுந்த அழகான பெண்ணாக அதே நேரத்தில் துணிச்சல் மிக்கவளாய் கள், மது போன்றவற்றை மாந்தியவளாய்த் தென்படுகிறாள். தன்னை மிகவும் ஆதரித்த அதிகமான் நெடுமான் அஞ்சி இறந்த போது கையறுநிலையாகப் பாடப்பட்ட பாடல் ஒன்றுளது.

சிறியகள் பெறினே எமக்கு ஈயுமன்னே!

பெரியகள் பெறினே

யாம்பாட தான்மகிழ்ந்து உண்ணுமன்னே! (புறம் 235)

குறைவாகக் கள் கிடைத்தால் எனக்குத் தந்துவிடுவானே! நிறைய கள் கிடைத்தால் நான் பாட அவன் மகிழ்ந்து அருந்துவானே! என ஒப்பாரி வைக்கிறார்.

சங்கம் மருவிய காலத்தில் காட்சிகள் மாறுகின்றன. பதிணெண் கணக்கு நூல்களில் முதல் நூலான திருக்குறளில் திருவள்ளுவர் பிறனில் விழையாமை, புலால் மறுத்தல், கள்ளுண்ணாமை,வரைவின் மகளிர், சூது போன்ற கூடா ஒழுக்கங்களைக் கடுமையாகக் கண்டிக்கிறார். இது பவுத்தம், சமணம் இரண்டின் தாக்கம் எனக் கொள்ளலாம்.

பிறர்க்கின்னா முற்பகல் செய்யின் தமக்குஇன்னா

(அறத்துப்பால், துறவறவியல், இன்னாசெய்யாமை)

பிறர் உயிர்களுக்கு நாம் ஒரு தீங்கினை(துன்பத்தினை) காலையில் இழைத்தால் நமக்கு ஒரு தீங்கு மாலையில் தானாக தேடி வரும். ஆதலால் பிறருக்குத் தீங்கு செய்யாதே என்று கூறுகிறார் திருவள்ளுவர்.

இதனையே இளங்கோ அடிகள் தாம் இயற்றிய சிலப்பதிகாரம் என்ற நூலில் மூன்று முக்கிய உண்மைகளை வற்புறுத்துகிறார்.

1) அரசியலில் தவறு செய்வோர்க்கு அறக்கடவுள் எமனாகும்

3) ஊழ்வினை தவறாது தன் பயனை ஊட்டும்

அவரவர் செய்யும் நல்வினைகள் தீவினைகள் எவையும் அவரை விட்டுப் போவது இல்லை “தினை விதைத்தவன் தினை அறுக்கிறான்; வினை விதைத்தவன் வினை அறுப்பான்” என்பது பழமொழி. ஒருவன் செய்யும் பழைய வினைகள் அவனைத் தேடி வந்து அடையும், தப்பித்துக் கொள்ள முடியாது.

எமது கெட்ட காலம் இலங்கை சுதந்திரம் அடைந்த பின்னர் அந்த நாட்டை ஆண்ட தலைவர்களுக்கு அறம் பற்றிய அறிவு இருக்கவில்லை. ஊழ்வினை பற்றிய புரிதல் இருக்கவில்லை. மகிந்த இராசபக்ச குடும்பத்துக்கு இருக்கவில்லை. குறிப்பாக முன்னாள் சனாதிபதி கோட்டாபய அவர்களுக்கு இருக்கவில்லை.

ஆட்சிக்கு வந்த இரண்டரை ஆண்டுகளில் அழகான ஒரு தீவை அதலபாதாளுக்குத் தள்ளி அதனைக் குட்டிச் சுவராக்கிவிட்டு இரவோடு இரவாக நாட்டை விட்டுத் தப்பி ஓடிவிட்டார். எவ்வளவு அவமானம்? எவ்வளவு மானக்கேடு? எத்துணை தலைக்குனிவு?

சென்ற மாதம் கூட "நான் 69.5 இலட்சம் மக்கள் வாக்களித்து சனாதிபதியாகத் தெரிவு செய்யப்பட்டவன். எனது பதவிக் காலம் முடியும்வரை பதவியில் நீடிப்பேன். தோற்றுப் போன சனாதிபதியாக நான் வெளியேற அணியமாக இல்லை" என வாதிட்டார். அப்படி வீராவேசமாகப் பேசியவர் இன்று அவமான முறையில் பலரும் பார்த்துச் சிரிக்கிற மாதிரி நாட்டை விட்டு ஓடித் தப்பியுள்ளார்.

யூலை 13 க்கு முன்னர் - குறைந்தது ஒரு மாதத்துக்கு முன்னர் - கோட்டாபய இராசபக்ச தனது பதவியில் இருந்து விலகியிருந்தால் மரியாதையோடு அவர் சென்றிருப்பார். பைத்தியக்காரன், கள்ளன், கொள்ளையன் என்ற வசைமொழிகளுக்கு இலக்கு ஆகாமல் தப்பியிருப்பார்.

முன்னாள் பிரதமர் மகிந்த இராசபக்சாவும் தொடக்கத்தில் இப்படித்தான் அடம் பிடித்தார். "நான் பிரதமர் பதவியில் இருந்து விலக மாட்டேன். விலகச் சொல்லிச் சனாதிபதி கேட்கவும் மாட்டார். மக்கள் ஆதரவு எனக்கு இருக்கிறது" என்றார். ஆனால் சனாதிபதி கோட்டாபய இராசபக்ச அவரைப் பதவி விலகுமாறு கேட்ட போது வேறு வழியின்றி பிரதமர் பதவியில் இருந்து விலகிவிட்டார்.

2009 ஆம் ஆண்டு மே 18 இல் இலங்கை இராணுவம் வி.புலிகளைப் போர்முனையில் தோற்கடித்த போது மகிந்த இராசபக்ச புகழின் உச்சத்தில் இருந்தார். போர் வெற்றிவிழாவை காலிமுகத் திடலில் தடபுடலாகக் கொண்டாடினார். அப்போது மகிந்த இராசபக்ச தன்னை இலங்கையின் மன்னன் ஆக முடிசூட்டிக் கொள்ள ஆசைப்பட்டிருந்தால் அவரது ஆசை நிறைவேறியிருக்கும். 2015 இல் நடந்த தேர்தலில் தோற்றாலும் 2020 இல் நடந்த தேர்தலில் மூன்றில் இரண்டு பங்கு பெரும்பான்மையுடன் அவரது கட்சி வெற்றிபெற்று ஆட்சி அமைத்தது. அவரது அமைச்சரவையில் அவரது குடும்பத்தை சேர்ந்த ஆறுபேர் இடம் பிடித்தார்கள்.

ஆனால் இன்று மகிந்த இராசபக்ச குடும்பத்தைச் சேர்ந்தவர்கள் ஒவ்வொருவராக அரசியல் களத்தில் இருந்து அகற்றபட்டு வருகிறார்கள். கடந்த மே 09 இல் பசில் இராசபக்ச தனது நிதி அமைச்சர் பதவி, நா.உறுப்பினர் பதவி இரண்டிலும் இருந்து விலகிக் கொண்டார். யூன் 09 இல் மகிந்த இராசபக்ச பிரதமர் பதவியில் இருந்து விலகினார். இப்போது கோட்டாபய இராசபக்ச தனது சனாதிபதி பதவியை விட்டு விலகத் தள்ளப்பட்டுள்ளார்.

சரியாகவோ பிழையாகவோ மகிந்த இராசபக்சவும் கோட்டாபய இராசபக்சாவும் பலரது கொலைகளோடு தொடர்புள்ளவர்கள் என்ற பிம்பம் பொதுவெளியில் இருக்கிறது. சண்டே லீடர் வார ஏட்டின் பிரதம ஆசிரியர் லசந்தா விக்கிரமதுங்க, ஊடகவியலாளர் ஏக்னேலிகொட, ரக்பி விளையாட்டு வீரர் வசிம் தாயுதீன், நா.உறுப்பினர் ரவிராஜ் கொலைகளோடு கோட்டாபய தொடர்பு படுத்தப் பட்டுள்ளார். மேலும் அவர்களது ஆட்சியில் 13 ஊடகவியலாளர்கள் கொல்லப்பட்டதாக ஊடகவியலாளர்களைப் பாதுகாப்பதற்கான குழு குற்றம் சாட்டியள்ளது. பலர் அச்சுறுத்தப்பட்டனர், கடத்தப்பட்டனர் மற்றும் சித்திரவதை செய்யப்பட்டனர். இவர்களில் பெரும்பான்மையினர் தமிழ் ஊடகவியலாளர்கள் ஆவர்.

விடுதலைப் புலிகளுக்கு எதிரான கடைசிக் கட்டப் போரில் மருத்துவமனைகள், பள்ளிக்கூடங்கள் முறையான இராணுவ இலக்குகள் என்று மார்தட்டியவர் கோட்டாபய இராசபக்ச. சரணடைந்த தளபதிகள், போராளிகள் எல்லோரையும் சுட்டுத்தள்ளுமாறு கட்டளையிட்டவர்.

சென்ற தேர்தலில் 69 இலட்சம் வாக்குகள் பெற்று வெற்றிபெற்ற கோட்டாபய இன்று நாட்டில் இல்லை. நாட்டை விட்டு ஓடிவிட்டார். தேர்தலில் படு தோல்வியடைந்து தேசியப் பட்டியலில் வந்த விக்கிரமசிங்க பதில் சனாதிபதியாகி விட்டார். இதைத்தான் ஊழின் விளையாட்டு என்று சொல்வதா?

காலிமுகத் திடலில் இளைஞர்களால் மேற்கொள்ளப்படும் போராட்டம் இலங்கை அரசியலில் பாரிய மாற்றத்தை ஏற்படுத்தி வருகிறது. அரசியல்வாதிகள் ஊழல்வாதிகள் நாட்டின் செல்வத்தை கொள்ளையடித்தவர்கள் வீட்டுக்குப் போக வேண்டும் என்ற கோரிக்கைகள் பொதுமக்களது ஆதரவைப் பெற்றிருக்கிறது. குறிப்பாக இந்தப் போராட்டம் சிங்களவர், தமிழ் மற்றும் முஸ்லிம் மக்களை ஒன்று படுத்தியுள்ளது. இன, மத மற்றும் மொழி வேறு பாடின்றி எல்லோரும் இலங்கையர் என மக்களை மாற்றி யோசிக்க வைத்துள்ளது.

1948 இல் இலங்கை சுதந்திரம் பெற்ற பிறகு மிக மோசமான பொருளாதார, அரசியல் நெருக்கடிகளுக்கு இன்று முகம் கொடுத்து வருகிறது. ஏப்ரில் 01 இல் தொடங்கப்பட்ட போராட்டம் பல மாதங்களாக நடந்து வருகின்றன. வெளிநாட்டு நாணயக் கையிருப்பு குறைந்து போனதால், குடிமக்கள் தங்கள் வாழ்க்கையை நடத்த முடியாமல் திணறி வருகின்றனர். எரிபொருள் நிலையங்களுக்கு வெளியே பாம்பு வரிசைகள், உணவு மற்றும் மருந்துகளுக்கான போராட்டம் நாட்டில் அன்றாடக் காட்சியாகிவிட்டது. வரிசையில் காத்திருந்தோரில் இதுவரை 19 பேர் அகால மரணம் அடைந்துள்ளார்கள்.

ஒரு நிதியமைச்சர், ஒரு பிரதமர், ஒரு சனாதிபதியை வீட்டுக்கு அனுப்பியாகி விட்டது. இது போராட்டக்காரர்களுக்கு கிடைத்த பெரிய வெற்றி. ஆனால் எதிர்ப்பாளர்கள் சனாதிபதியின் வெளியேற்றத்தில் மட்டும் திருப்தி அடைகிறார்களா? இப்போது பதில் சனாதிபதி இரணில் விக்கிரமசிங்க அவர்களும் பதவி விலகிவிட்டு வீட்டுக்குச் செல்லுங்கள் என்ற கோரிக்கை வலுத்து வருகிறது.

அவர்களுக்குப் விடை அளிப்பது போல பதில் சனாதிபதி அவசரகாலச் சட்டத்தை நாடுமுழுதிலும் பிரகடனப்படுத்தி மேற்கு மாகாணத்தில் மட்டும் ஊரடங்க உத்தரவைப் பிறப்பித்துள்ளார். இதனை அடுத்து வீதிகளில் இராணுவம் கவச வாகனங்களில் நடமாடத் தொடங்கியுள்ளது. ஊரடங்க உத்தரவை மீறிய நூற்றுக் கணக்கான பொதுமக்கள் காவல்துறையால் கைது செய்யப்பட்டுள்ளர்.

இது இவ்வாறிருக்க கொழும்பின் காலி முகத்திடலில் உள்ள போராட்டத் தளத்தின் செயற்பாட்டாளர்கள் ஆறு அம்ச செயல் திட்டத்தை வெளியிட்டுள்ளார்கள். யூலை முற்பகுதியில் வரையப்பட்ட செயல் திட்டத்தில் சனாதிபதி மற்றும் பிரதமர் பதவி விலக வேண்டும் என்பது முதன்மையான கோரிக்கையாகப் பட்டியலிடப்பட்டுள்ளது. போராட்டக்காரர்கள் முன்வைத்த கோரிக்கைகள் பின்வருமாறு.

1. சனாதிபதி கோட்டாபய இராசபக்ச உடனடியாக நடைமுறைக்கு வரும் வகையில் பதவி விலக வேண்டும்.

2. பிரதமர் இரணில் விக்கிரமசிங்க மற்றும் முழு அரசாங்கமும் உடனடியாக நடைமுறைக்கு வரும் வகையில் பதவி விலக வேண்டும். இதில் அனைத்து அமைச்சரவை, அமைச்சரவை அல்லாத துணை மற்றும் திட்ட அமைச்சர்கள் அடங்குவர்.

3. இராசபக்ச - விக்ரமசிங்க ஆட்சி பதவி விலகியதைத் தொடர்ந்து 'மக்கள் போராட்டத்தின் பொருளாதார, சமூக மற்றும் அரசியல் நோக்கங்கள் மற்றும் வேட்கைகளுக்குத் துணைபுரியும் இடைக்கால அரசாங்கம் நிறுவப்பட வேண்டும்.'

4. புதிய அரசியலமைப்பு நடைமுறைக்கு வரும் வரை, சனாதிபதியின் நிறைவேற்று அதிகாரங்களைக் குறைத்தல், அனைவருக்கும் சமமான சட்டம், சனநாயக நிறுவனங்களை வலுப்படுத்துதல் மற்றும் தற்போதுள்ள அரசியலமைப்பை சனநாயகப்படுத்துதல் ஆகியவற்றை உள்ளடக்கிய நடவடிக்கைகள் எடுக்கப்பட வேண்டும்.

5. மக்கள் இறையாண்மையை ஒப்புக்கொள்ளம் புதிய அரசியலமைப்பு உருவாக்கப்பட வேண்டும். வாழ்வதற்கான உரிமையை அடிப்படை உரிமையாக நிறுவ வேண்டும். நிறைவேற்று அதிகாரம் கொண்ட சனாதிபதி முறை ஒழிக்கப்பட வேண்டும். நியாயமான தேர்தலுக்கு உரிய நடைமுறையை ஏற்படுத்த வேண்டும்.

ஒன்றிணைந்த பிரகடனத்தின் சுருக்கம் குறித்து நேற்று அரகலய பிரதிநிதிகள் குழு ஊடகங்களுக்கு விளக்கமளித்ததுடன், மக்களின் குரல்களுக்கு செவிசாய்த்து விரைவில் செயற்படுமாறு புதிய பிரதமருக்கு அழைப்பு விடுத்துள்ளனர்.

இலங்கை தற்போது முகம் கொடுக்கும் பொருளாதாரம் மற்றும் அரசியல் நெருக்கடிக்குத் தீர்வு காண வேண்டும் என்றால் மதசார்பற்ற, சுதந்திரம், சமத்துவம், சட்டத்தின் ஆட்சி போன்ற சனநாயக விழுமியங்களை உள்ளடக்கும் புதிய யாப்பு வரையப்பட வேண்டும் என்ற கோரிக்கை தமிழ்மக்களைப் பொறுத்தளவில் வரவேற்கத்தக்கது.

நாட்டை ஆள்வோர் ஒவ்வொரு நாளும் நாட்டு மக்களின் குறைகளைக் கேட்டு அவற்றைக் களைய வேண்டும். அல்லது அந்த நாட்டின் வளங்கள் சிறிது சிறிதாக அழிந்து போகும். செங்கோன்மையின் சிறப்பை ஆராய்ந்து ஆட்சி மேற்கொள்ளாத ஆட்சியாளர் நாட்டிற்கு இன்றியமையாத உணவுப் பொருட்களையும் ஈடுபாடுடைய மக்களையும் ஒட்டு மொத்தமாக இழக்க நேரிடும்.

குடிமக்களை அன்புடன் பேணிப் போற்றும் ஆட்சியாளரின் திருவடிகளை பற்றுக் கோடாகக் கொண்டு நாட்டு மக்கள் அனைவரும் மகிழ்ச்சியுடன் வாழ்வார். ஆட்சி நெறிமுறை தவறாது காத்திடும் செங்கோல் சிறப்பே ஆரசைக் காக்கும். மறுபுறம் அரச அறம் சாராது நீதிநெறி செலுத்தாத மன்னன் தாழ்ந்த நிலையில் நின்று தானே கெடுவான் ஆட்சியாளரின் கொடுமைக்கு ஆளாகி அத்துன்பத்தைப் போக்கிக் கொள்ள இயலாது அழுத கண்ணீர் ஆட்சியாளரின் வன்மையை அழித்தொழிக்கும் படைக் கருவியாகும்.

பல்லாயிரம் தமிழ்மக்களது சாவுக்குக் காரணமாக இருந்த கோட்டாபய இராசபக்சாவை இன்று ஊழ்வினை தேடி வந்து பிறந்த நாட்டை விட்டே துரத்தி விட்டது!

கனடாவில் பிறந்து வளர்ந்த இளம் ஈழத்தமிழ்ச் சிறுமியான செல்வி தியா இளங்கீரன் அவர்கள், கனடாவில் முதன்முறையாகக் கந்த சஷ்டி கவசத்தைத் தனது இனிய குரலில் பாடி இசை வடிவில் வெளியிட்டிருப்பது பெருமகிழ்ச்சியும் பாராட்டுக்குரியதுமான ஒரு சிறப்பான நிகழ்வாகும். முருகப்பெருமானின் அருளையும், பக்தியின் மகத்துவத்தையும் எடுத்துரைக்கும் கந்த சஷ்டி கவசம், தமிழர்களின் இல்லங்களிலும் உள்ளங்களிலும் நீங்காத இடம்பிடித்துள்ள ஓர் அருள்மிகு பக்திப் பாடலாகும். அத்தகைய புனிதமான பாடலை, இளமையின் இனிமையும் பக்தியின் ஆழமும் கலந்த தனது மழலைக் குரலில் தியா அவர்கள் பாடியிருப்பது கேட்போர் மனங்களில் பக்திப் பரவசத்தை ஏற்படுத்துகின்றது.

இலங்கைத் தமிழ் பின்னணியைக் கொண்ட கனடா வாழ் பாடகி லக்ஷ்மி சிவநேஸ்வரலிங்கம் (Luksimi Sivaneswaralingam), 2026ஆம் ஆண்டுக்கான South Asian Music Accelerator (SAMA) இசை மேம்பாட்டுத் திட்டத்திற்குத் தெரிவாகியுள்ளார். கனடா முழுவதிலும் இருந்து தெரிவு செய்யப்பட்ட பத்து இசைக் கலைஞர்களில் ஒருவராக லக்ஷ்மி இடம்பெற்றுள்ளார்.

அனைத்துலகத் தமிழர் பேரவை (FGT), உலகத் தமிழர்களின் அறிவு, ஆற்றல், தொழில்சார் அனுபவம் மற்றும் பொருளாதார வளங்களை ஒருங்கிணைக்கும் நோக்கில், உலகளாவிய தமிழர் பொருளாதார மற்றும் சமூக வலையமைப்பையும் (Global Tamil Economic and Social Network), அதன் ஒருங்கிணைப்புக் குழுவையும் அறிமுகப்படுத்துவதில் மகிழ்ச்சியடைகிறது. உலகெங்கிலும் வாழும் தமிழ்ப் பேராசிரியர்கள், பொருளாதார நிபுணர்கள், தொழில்முனைவோர், முதலீட்டாளர்கள், தொழில்சார் வல்லுநர்கள் மற்றும் நிறுவனங்களை ஒன்றிணைத்து, பொருளாதார ஒத்துழைப்பை வலுப்படுத்துதல், தொழில்முனைவையும் வேலைவாய்ப்புகளையும் உருவாக்குதல், சமூக மேம்பாட்டை முன்னெடுத்தல் ஆகியவை இவ்வலையமைப்பின் முக்கிய நோக்கங்களாகும்.

அக்டோபர் மாதம் 24 மற்றும் 25ஆம் திகதிகளில், 90 Littles Road, Scarborough-வில் அமைந்துள்ள Malvern Family Resource Centreஇல், நண்பகல் 12 மணி முதல் இரவு 9 மணி வரை நடைபெற உள்ளது. புத்தகங்களின் காட்சிப்படுத்தல் மற்றும் விற்பனையுடன் இந்த ஆண்டு 10 நூல் அறிமுகங்கள், கலை இலக்கிய அமர்வுகள் என புத்தகங்களுடன் தொடர்புடைய பல்வேறு நிகழ்ச்சிகள் இடம்பெற உள்ளன.

தமிழ்க் கனடிய கலை மற்றும் இசைத்துறையில் கடந்த 35 ஆண்டுகளாக தொடர்ச்சியான பங்களிப்பை வழங்கி வரும் திரு. வைரமுத்து சொர்ணலிங்கம் அவர்களுக்கு, 7வது ரொறன்ரோ தமிழ் சர்வதேச திரைப்பட விழா – 2026 இன் வாழ்நாள் சாதனையாளர் விருது (Lifetime Achievement Award) வழங்கி கௌரவிக்கப்பட்டது. ரொறன்ரோ தமிழ் சர்வதேச திரைப்பட விழாவின் 7வது ஆண்டு நிகழ்வுகள் கடந்த செப்டம்பர் 25 முதல் 27ஆம் திகதி வரை நடைபெற்றன. செப்டம்பர் 25ஆம் திகதி யோர்க் சினிமாவில் ஆரம்ப விழா இடம்பெற்றதுடன், தொடர்ந்து இரண்டு நாட்கள் பல்வேறு மொழிகளைச் சேர்ந்த திரைப்படங்கள் மற்றும் குறும்படங்கள் திரையிடப்பட்டன.

வடக்கு மாகாண பண்பாட்டலுவல்கள் அலகும் துணுக்காய் பண்பாட்டுப் பேரவையும் இணைந்து ஏற்பாடு செய்த “துணுக்காய் பிரதேச பண்பாட்டுப் பெருவிழா – 2026” நிகழ்வு 2026 செப்டெம்பர் 22ஆம் திகதி செவ்வாய்க்கிழமை காலை 9.00 மணிக்கு, துணுக்காய் பிரதேச செயலக மாநாட்டு மண்டபத்தில் அமைந்துள்ள “கலைத் திலகம் அமரர் புவனேஸ்வரி நடராசா அரங்கில்” கோலாகலமாக நடைபெற்றது. துணுக்காய் பிரதேச செயலாளர் இராமதாஸ் ரமேஸ் தலைமையில் நடைபெற்ற இந்நிகழ்வில், பிரதம விருந்தினராக சிவராஜசிங்கம் ஜெயகாந்த், மேலதிக மாவட்டச் செயலாளர் – காணி, முல்லைத்தீவு மாவட்ட செயலகம் கலந்து சிறப்பித்தார்.

மெத்ரேயி ராமகிருஷ்ணன் ஒரு தமிழ் கனடிய நடிகை. அவர் 2001ஆம் ஆண்டு கனடாவின் ஒன்டாரியோ மாகாணத்தில் உள்ள மிசிசாகாவில் பிறந்தார். அவரது பெற்றோர் இலங்கைத் தமிழர்கள். சிறுவயதிலிருந்தே நடிப்பில் ஆர்வம் இருந்தாலும், ஆரம்பத்தில் அவர் தொழில்முறை நடிகையாக இருக்கவில்லை. 2020ஆம் ஆண்டு Netflix-ல் வெளியான Never Have I Ever தொடரில் Devi Vishwakumar என்ற கதாபாத்திரத்தில் நடிக்க ஆயிரக்கணக்கானவர்கள் audition செய்தனர். மெத்ரேயியும் audition கொடுத்தார். இறுதியில், 15,000-க்கும் மேற்பட்ட விண்ணப்பதாரர்களில் இருந்து அவர் முக்கிய கதாபாத்திரத்திற்குத் தேர்வு செய்யப்பட்டார். இந்தத் தொடர்தான் அவருடைய முதல் பெரிய நடிப்பு வாய்ப்பு. Devi என்ற கதாபாத்திரம் மூலம் உலகம் முழுவதும் அவர் பிரபலமானார்.

12 நாட்கள் பசிமறந்து நல்லூர் வீதியில் உயிர்துறந்த தியாக தீபம் லெப். கேணல் திலீபன் அவர்களின் 39ஆம் ஆண்டு நினைவேந்தல் நிகழ்வுகள் தாயகத்திலும் புலம்பெயர் நாடுகளிலும் உணர்வுபூர்வமாக ஆரம்பமாகியுள்ளன. தியாக தீபம் திலீபன் அவர்கள், 1987ஆம் ஆண்டு செப்டம்பர் 15ஆம் திகதி முதல் 26ஆம் திகதி வரை, நல்லூர் ஆலய முன்றலில் நீராகாரம்கூட அருந்தாமல், அகிம்சை வழியில் தனது ஐந்து அம்சக் கோரிக்கைகளை முன்வைத்து உண்ணாவிரதப் போராட்டத்தை மேற்கொண்டார்.

யாழ் துன்னாலை சதாசகாய மாதா ஆலயத்தின் வருடாந்த திருவிழா நேற்று நிறைவடைந்தது. திருப்பலிகள் பங்குத்தந்தை விஜின்ரஸ் மற்றும் உதவி பங்குத்தந்தை பஸ்ரியான் அவர்களால் நடாத்தப்பட்டது. ஆலய வாசலிலே ஏற்றப்பட்ட மெழுகுவர்த்திகள் ஆசிர்வதிக்கப்பட்டு பவனியாக ஆலயத்திற்கு கொண்டு வரப்பட்டு திருப்பலி ஒப்புக்கொடுக்கப்பட்டது.

சர்வதேச வலிந்து காணாமல் ஆக்கப்பட்டோர் தினத்தை முன்னிட்டு, வலிந்து காணாமல் ஆக்கப்பட்ட எமது தமிழ் உறவுகளுக்கு நீதி கோரி, பிரித்தானிய இலங்கை உயர்ஸ்தானிகராலயத்தின் (Sri Lankan High Commission) முன்னால் மாபெரும் கண்டனப் போராட்டம் நடைபெற்றது. அதனைத் தொடர்ந்து, இலங்கை உயர்ஸ்தானிகராலயத்திலிருந்து பிரித்தானிய பிரதமரின் அலுவலகமான 10 Downing Street நோக்கி மாபெரும் போராட்ட ஊர்வலமாகச் சென்று, உறவுகளுக்கான நீதியையும் இப்படுகொலை நாடக அரங்கமும் இடம்பெற்றது.

தாயகத்தில் 1990ஆம் ஆண்டு தொடக்கம் இன்று வரை வலிந்து காணாமல் ஆக்கப்பட்ட எமது உறவுகளை நினைவுகூர்ந்தும், அவர்களுக்கான உண்மை, நீதி மற்றும் பொறுப்புக்கூறலை வலியுறுத்தியும், பிரித்தானியாவில் நேற்று ஆகஸ்ட் 30ஆம் திகதி நினைவேந்தல் நடைபயணமும் அமைதிவழிப் போராட்டமும் இடம்பெற்றது. நாடுகடந்த தமிழீழ அரசாங்கத்தின் ஏற்பாட்டில், லண்டன் Trafalgar Square மற்றும் லிவர்பூல் ஆகிய இடங்களில் நடைபெற்ற நிகழ்வுகளில், பெருமளவான தமிழ் சமூகத்தினர், ஆதரவாளர்கள் மற்றும் மக்கள் பிரதிநிதிகள் கலந்துகொண்டனர்.

கடந்த காலத்தில் மிகவும் பேசும் பொருளாக இருந்த பிக்மி முச்சக்கர வண்டி சங்கங்களால் அதிகம் பேசப்பட்டது அப்போது இது யாழ்ப்பாணத்தில் முன்னால் கடல்தொழில் அமைச்சர் திரு டக்ளஸ் தேவானந்தா அவர்கள் நடத்துவதாகவும் கூறப்பட்டது ஆனால் இறுதியில் வந்த தகவலின் அடிப்படையில் இந்த நிறுவனத்தின் ஒரு முக்கிய வழக்கறிஞர்களில் ஒருவரான திரு MA சுமந்திரன் அவர்கள் மறைமுகமாக நடத்துவது தெளிவாக தெரியவந்தது.

நாடுகடந்த தமிழீழ அரசாங்கத்தின் ஏற்பாட்டில், தியாக தீபம் லெப். கேணல் திலீபன் அவர்களின் நினைவாக 11வது ஆண்டு கோடைகால விளையாட்டு விழா, 02.08.2016 ஞாயிற்றுக்கிழமை Sutton பகுதியில் அமைந்துள்ள St Helier Open Space மைதானத்தில் சிறப்பாக நடைபெற்றது. இவ்விளையாட்டு விழாவில் கரப்பந்தாட்டம், வலைப்பந்தாட்டம், மென்பந்து துடுப்பாட்டம், சிறுவர்களுக்கான விளையாட்டுக்கள் மற்றும் ஆண், பெண் இருபாலருக்குமான பாரம்பரிய விளையாட்டுக்கள் உள்ளிட்ட பல்வேறு போட்டிகள் இடம்பெற்றன. இதன் மூலம் சிறுவர்கள் முதல் பெரியவர்கள் வரை பல்வேறு வயதுப் பிரிவினரும் ஆர்வத்துடன் பங்கேற்றனர்.

தமிழ் தாயகத்தின் எதிர்காலம் குறித்த விவாதம், நிலப்பரப்பின் அளவு என்ற கேள்வியோடு மட்டும் நின்றுவிடக் கூடாது. புவியியல் ரீதியாகச் சிறிய ஒரு நாடு, திறமையான நிறுவனங்கள், சர்வதேச சந்தைகளுக்கான அணுகல், கல்வியறிவு பெற்ற மக்கள் மற்றும் தனது சொந்தப் பொருளாதாரக் கொள்கைகளை வகுக்கும் திறன் ஆகியவற்றைக் கொண்டிருக்கும்போது, ​​கணிசமான பொருளாதார செல்வாக்கை உருவாக்க முடியும் என்பதை சர்வதேச அனுபவம் காட்டுகிறது. சுவிஸ் வரலாற்றாசிரியர் ஜேக்கப் டானரின் Krisen und Konjunkturen des Kapitalismus in der Schweiz des 20. Jahrhunderts என்ற ஆய்வு, இந்தக் கேள்வியைக் கருத்தில் கொள்வதற்கான ஒரு சுவாரஸ்யமான உதாரணத்தை வழங்குகிறது.

கடந்த செவ்வாய்க்கிழமை, ஆகஸ்ட் 4 அன்று, ஸ்காபரோ ரூஜ் பார்க் சட்டமன்ற உறுப்பினரும் சுகாதார இணை அமைச்சருமான விஜய் தணிகாசலம் அவர்கள், துணை முதல்வரும் சுகாதார அமைச்சருமான சில்வியா ஜோன்ஸ் மற்றும் ஸ்காபரோ சட்டமன்ற உறுப்பினர்கள் ரேமண்ட் சோ, டேவிட் ஸ்மித் ஆகியோருடன் இணைந்து, ஸ்காபரோ சுகாதார வலையமைப்பின் சென்டினரி மருத்துவமனையில் புதிய மற்றும் விரிவாக்கப்பட்ட அவசர சிகிச்சைப் பிரிவுக்கான கட்டுமானப் பணிகளை அதிகாரப்பூர்வமாகத் தொடங்கி வைத்தார்.