வவுனியா குருமன் காட்டில் அமைந்துள்ள ஹோட்டல் பிரின்சஸ் றோஸ் இல் கடந்த ஞாயிற்று கிழமை 1973 ஆம் ஆண்டு பேராதனை பல்கலைகழக கலைப்பிரிவின் மாணவர்களின் பசுமை நிறைந்த நிகழ்வுகளை பகிர்ந்து கொள்ளும் ஒன்று கூடல் நிகழ்வு சிறப்பாக இடம் பெற்றது இந்நிகழ்வில் கனடா.அவுஸ்ரேலியா,லண்டன் இலங்கை ஆகிய நாடுகளில் வசிக்கும் 56 மாணவர்களில் 26க்கு மேற்பட்ட மாணவர்கள் கலந்து கொண்டனர்.இந் நிகழ்வில் கலந்து கொண்ட பழைய மாணவர்கள் அனைவரும் பேராசிரியர்களாகவும் ,விரிவுரையாளராகவும் தொழில் அதிபர்களாகவும், கல்விமான்களாகவும் விளங்குகின்றமை குறிப்பிடத்தக்கதாகும்.இந்நிகழ்வு வரலாற்று நிகழ்வாகவே பார்க்கப்படுகின்றது.கலந்து கொண்டவர்கள் தாங்கள் கல்வி பயிலும் காலத்தில் தங்களுக்கு ஏற்பட்ட பசுமையான நிகழ்வுகளையும் நிறைவேறமுடியாத ஆசைகளையும் தமது இலட்சியங்களையும் தாங்கள் அடைந்த வெற்றிகளையும் பல்கலைகழக பகிடிவதை அனுபவங்களையும் எடுத்து கூறினார். அவர்களுடைய பகிர்வுகள் மிகவும் சுவாரஷ்யமாக இருந்தது.

இந்நிகழ்வினை தலைமையேற்று நடாத்திய மெய்யநாதன் அவர்கள் தான் படிக்கும் காலத்தில் ஏற்பட்ட அனுபவங்களை நகைச்சுவையுடன் எடுத்து கூறினார்.அதனை தொடர்ந்து வரவேற்புரையினை நிகழ்த்திய பேரின்பநாயகம் -இன்பநாயகம் அவர்கள் பல்கலை கழகத்தில் தனக்கு ஏற்பட்ட உணர்வுகளை பற்றியும் மறக்க முடியாத முதல் விரிவுரை பற்றியும் எடுத்து கூறியதோடு ஏனைய மாணவ சமூகங்களுக்கு இந்நிகழ்வு முன்னுதாரணமாக இருக்கும் என தெரிவித்தார் அத்துடன் தான் இன்று ஒரு தொழில் அதிபராக விளங்குவதற்கு தான் கற்ற கல்வியே அடிப்படையாக அமைந்திருந்ததுடன் இன்று கொட்டில் எப்படி ஹோட்டல் ஆனதோ அதே போல எனது வாழ்க்கையும் சொந்த முயற்சியினால் இன்ப ஜெயமாக ஆண்டவன் அருளால் பல சோதனைகளை கடந்து சாதனை செய்து வாழ்ந்து வருகின்றேன் என்றார்.

இந்நிகழ்வில் யாழ் பல்கலை கழக புவியியல் துறை பேராசிரியர் ராஜேஸ்வரன்,பேராதனை பல்கலைக்கழக பொருளியல் துறை விரிவுரையாளர் ஞானேஸ்வரன் மற்று இலங்கையை சேர்ந்த மெய்யநாதன்,செல்வராஜா ,மரியம் பீவி சோமசேகரம், ஜெகதாம்பிகை ,நாகேந்திரம் கனடாவை சேர்ந்த தொழில் அதிபர் பே.இன்பநாயகம் ஜெயசீலி தம்பதிகள் ,லண்டனை சேர்ந்த யோகேஸ்வரன்,கனடாவை சேர்ந்த இலங்கநாதன் ,சதானந்தன் ,தனேஸ்வரி,அவுஸ்ரேலியாவை சேர்ந்த அருந்தவராஜா ,என பல பழைய மாணவர்கள் கலந்து தமது பசுமையான நினைவுகளை மீட்டனர்.சிறப்பு நிகழ்வாக நிருத்திய சுருதி நடனப்பள்ளி மாணவிகளின் சிறப்பு நடன நிகழ்வும் மலேசிய சன் சிங்கரும் தமிழ் நாட்டில் எல்லா இசையமைப்பாளருக்கும் பின்னணி பாடகராகவும் வளர்ந்து வரும் இளம் பாடகருமான அபிஷேக் அய்யரின் இனிமையான பாடல்களும் இடம்பெற்றன.