பிரித்தானிய மண்ணில் உருவாக்கம் பெற்றுவரும் உலகத்தமிழர் வரலாற்று மையத்தின் அறிமுக நிகழ்வும், பிரமுகர்களுடனான் சந்திப்பும் லண்டனில் இடம்பெற்றது. நேற்ரைய தினம் லண்டன் கில்டன் விடுதியில் மாலை 7:00 மணிக்கு ஆரம்பமான இந்த நிகழ்வில் பொதுச்சுடரேற்றப்பட்டு அகவணக்கம் செலுத்தி நிகழ்வுகள் ஆரம்பமாயின. முதல் மாவீரன் லெப்.சங்கர் அவர்களின் தந்தை திரு. சின்னத்துரை செல்வச்சந்திரன், வைத்தியக் கலானிதி திரு.சோமசுந்தரராஜாவும் அவரது பாரியாரும், மூன்று மாவீரர்களின் சகோதரனும், தேசிய செயற்பாட்டாளருமான திரு.உருத்திராபதி சேகர், கணக்காளரும் நீண்டகால தேசிய செயற்பாட்டாளருமான சக்தி ஆன்மீகச் சுடரொளி நா. சீவரட்ணம் (ACA, ACMA) மற்றும், உலகத் தமிழர் வரலாற்று மையத்தின் நிர்வாகசபை உறுப்பினர் திரு கலைரஜன் அவர்களும் பொதுச்சுடரினை ஏற்றிவைத்தனர்.

தொடர்ந்து வணக்க நடனம், உலகத் தமிழர் வரலாற்று மையத்தின் நோக்கம், அமைவிடம், அதன் பணி, நகர்ந்துவந்த பாதை என்பன தொடர்பாக பொறியியலாளர், கணக்காளர், சட்டவாளர், நிர்வாக சபை உறுப்பினர்கள், ஆலோசனை சபை உறுப்பினர்கள் மற்றும் போராளீகளின் விளக்க உரைகள் இடம்பெற்றன.

உலகத் தமிழர் வலராற்று மையத்தின் எதிர்கால செயற்திட்டங்களைச் நகர்த்திச் செல்ல தேவையான ஆலோசனைகளையும், நிதியையும் பெற்றுக்கொள்ளும் நோக்குடன் நடாத்தப்பட்ட இந்த நிகழ்வில், பிரித்தானியாவில் வசித்துவரும் துறை சார் காலானிதிகள், வைத்தியர்கள், சட்டவாளர்கள், கணக்காளர்கள், தொழிலதிபர்கள், புத்திஜீவிகள், உட்பட 300 க்கும் மேற்பட்ட பிரமுகர்கள் கலந்து சிறப்பித்திருந்தனர்.

இந்த நிகழ்வில் உலகத் தமிழர் வரலாற்று மையத்தின் நிர்வாக சபை, கணக்கு விபரங்கள், அமைவிடம், வரைபடம் உள்ளிட்ட பல தகவல்களைக் கொண்ட விளக்க கோவை ஒன்று அனைவரிடமும் வழங்கப்பட்டமை குறிப்பிடத்தக்கது. அத்துடன் இந்த நிகழ்வு இடம்பெற்றுக்கொண்டிருக்கும் போதே பல பிரமுகர்கள் பெருந்தொகையான நிதியை இந்த உலகத் தமிழர் வரலாற்று மையத்திற்கு வழங்க சம்பதம் தெரிவித்திருந்தமை இச் செயற்திட்டத்திற்கு வலுச்சேர்ப்பதாகவும், உலகத் தமிழர் வரலாற்று மைய உருவாக்கத்தின் நோக்கத்தையும், இலக்கையும் அடையமுடியும் என்ற நம்பிக்கையை ஏர்படுத்துவதாக அமைந்தது.

இறுயில் இரவு 11:00 மணியளவில் உறுதியேற்புடன் நிகழ்வுகள் இனிதே நிறைவுபெற்றது.

இந்த நிகழ்வு தொடர்பானதும், உலகத் தமிழர் வரலாற்று மையம் தொடர்பானதுமான முழுமையான விபரங்கள் மக்களின் கைகளுக்கு வந்துசேர ஆவன செய்யப்படும்.

நன்றி

செய்திப்பிரிவு

உலகத் தமிழர் வரலாற்று மையம்