"ஈகைப்பேரொளி" முருகதாசனின் 7ம் ஆண்டு நினைவு நிகழ்வு இன்று பிரித்தானியாவில் இடம்பெற்றது. "ஈகைப்பேரொளி" முருகதாசனின் வித்துடல் விதைக்கப்பட்ட இடத்தில் அவரதும், மற்றும் 21 தியாகிகள் நினைவாகவும் அமைக்கப்பட்டுள்ள நினைவுக் கல்லறையில் நடைபெற்ற இந்த நிகழ்வில் மூன்று மாவீரர்களின் சகோதரன் திரு.கிருபா அவர்கள் பொதுச்சுடரினை ஏற்றிவைத்தார். தொடர்ந்து தாயவிடுதலைப் போரில் தம் இன்னுயிர்களை ஈகம் செய்த மாவேரர்களுக்காகவும், படுகொலை செய்யப்பட்ட மக்களுக்காகவும், தியாகிகளுக்காகவும் அகவணக்கம் செலுத்தப்பட்டது. தொடர்ந்து மலர் மாலையினை திரு.ரூபன் அவர்கள் அணிவிக்க மலர்ச் செண்டை "ஈகைப்பேரொளி" முருகதாசனின் தாயாரும், சகோதரியும் வைத்து வணங்கினர்.

21 தியாகிகள் நினைவுக் கல்லறைக்கான மலர் மாலையினை போராளி சங்கீதன் அவர்கள் அணிவிக்க மலர் வணக்க நிகழ்வை "ஈகைப்பேரொளி" முருகதாசனின் தந்தையார் திரு.வர்ணகுலசிங்கம் அவர்கள் ஆரம்பித்து வைத்தார். அதைத் தொடர்ந்து நிகழ்விற்கு வருகை தந்திருந்த மக்கள் வரிசைகிரமமாக சென்று விளக்கேற்றி மலர்வணக்கம் செலுத்தினர். இறுதியில் நினைவுரையை அடுத்து உறுதி ஏற்போடு நிகழ்வுகள் யாவும் நிறைவுபெற்றது. அங்கு நினைவுரையாற்றிய சங்கீதன் கூறுகையில் "ஈகைப்பேரொளி" முருகதாசனின் நினைவு சுமந்த இவ் வேளையில் அவரதும், அவரைப் போன்ற மற்றையவர்களும், மாவீரர்களும் திய்சகங்கள் எதற்காக இடம்பெற்றன என்பதை மனதில் நிறுத்தி நாம் அவர்களின் கனவுகளையும், சுதந்திர வேட்கையையும் சுமந்தவர்களாக உறுதியோடும், அர்ப்பணிப்போடும் தாயக விடுதலை நோக்கி பயனிப்போமாக என கூறினார்.