தமிழீழ விடுதலை போராட்டத்தின் முகல் தற்கொடையாளர் தியாகி பொன் சிவகுமாரன் அவர்களின் 42ஆம் ஆண்டின் நினைவுகளை சுமந்து சுவிட்சர்லாந்தின் தமிழ் இளையோர் அமைப்பினரால் 13.03.2016 அன்று Dorfmatt Halle Rotkreuz என்னும் இடத்தில் உள்ளரங்க உதைபந்தாட்ட சுற்றுப்போட்டி நடாத்தப்பட்டது. காலை 8.45 மணியளவில் தியாகி பொன் சிவமுமாரனின் நினைவுகளுடனும், சம்பிரதாய நிகழ்வுகளுடனும் தொடங்கிய போட்டியில் சுவிட்சர்லாந்தைச் சேர்ந்த 20 உதைபந்தாட்ட கரகங்கள் பங்கெடுத்து கொண்டன. மகிழ்வுடனும், சுறுசுறுப்புடனும் விளையாட்டு வீரர்கள் கலந்து கொண்டதால் போட்டிகள் யாவும் விறுவிறுப்பாகவும் சிறப்பாகவும் நிறைவேற்றப்பட்டது.

இவ்வுள்ளரங்க உதைபந்தாட்ட சுற்றுப்போட்டியில் முதலாம் இடத்தை SC Young Star Lyss அணியினரும், இரண்டாம் இடத்தை Illam Sruthaikal அணியினரும் மற்றும் மூன்றாம் இடத்தை SC Thaiman அணியினரும் பெற்றுக்கொண்டனர். அத்தோடு சிறந்த பந்துகாப்பாளர் Thaiman SC Zug அணியினைச் சேர்ந்த மகி அவர்களும் மற்றும் சிறந்த விளையாட்டு வீரராக Young Star Lyss அணியினைச் சேர்ந்த ஜெசி அவர்களும் தெரிவு செய்யப்பட்டார்கள். சுமார் 19.30 மணியளவில் போட்டிகள் யாவும் சிறப்பாக இடம்பெற்று முடிந்தது.

தமிழ் இளையோர் அமைப்பு - சுவிட்சர்லாந்து