இலங்கை தேசிய கல்வியியல் கல்லூரிகளின் 15 வது தேசிய விளையாட்டு போட்டி பண்டாரவலை ஊவா தேசிய கல்வியற் கல்லூரியில் தற்போது நடைபெற்று கொண்டு இருக்கின்றது. இதன் ஆரம்ப நிகழ்வினை கல்வி இராஜாங்க அமைச்சர் வே.இராதாகிருஸ்ணன் உத்தியோகபூர்வமாக (15) ஆரம்பித்து வைத்தார். தொடர்ந்து 15.16.17 ஆம் திகதி வரை நடைபெரும் இந்த விளையாட்டு போட்டி ஊவா தேசிய கல்லூரியின் தலைவி எம்.சி.விக்ரமசேகர தலைமையில் நடைபெற்றுக் கொண்டு இருக்கின்றது. 17 ஆம் திகதி பரிசளிப்பு நடைபெறும்.

நாடளாவிய ரீதியில் காணப்படும் 19 தேசிய கல்வியற் கல்லூரிகளின் வீர வீராங்கனைகள் இந்த போட்டிகளில் கலந்துக் கொள்கின்றனர் இதில் மொத்தமாக 56 போட்டிகள் நடாத்தபடவுள்ளன. 990 போட்டியாளர்கள் கலந்துக் கொள்கின்றனர். வருடாந்தம் நடைபெரும் இந்த விளையாட்டு போட்டி சுமார் மூன்று வருடங்களுக்கு பின்னர் நடைபெருகின்றது. இந்த போட்டிகளில் இன மத மொழி பேதமின்றி வடக்கு கிழக்கு உட்பட அனைத்து பிரதேசங்களிலும் இருக்கும் ஆசிரியர் பயிலுனர்கள் கலந்துக் கொள்கின்றனர். நாட்டின் இன ஒற்றுமைக்கு கல்வி வளர்ச்சிக்கும் வழிகாட்;டியாக இருக்கும் ஆசிரிய பயிலுனர்களுக்கு இவ்வாறான சந்தர்ப்பம் இடைத்தமை பாரிய வரபிரசாதமாகும்.