ரொறன்ரோ ஸ்காபறோவிலுள்ள பெரிய சிவன் கோவில் மகா மண்டபத்தில் எதிர்வரும் வெள்ளி, சனி மற்றும் ஞாயிறு தினங்களில் நடைபெறவுள்ள மாபெரும் நகைச்சுவை சிரிப்புடன் கூடிய இசைத் திருவிழா நிகழ்வுக்கான கலைஞர்கள் இன்று ரொறன்ரோவை வந்தடைந்தனர். டொரோண்டோ விமான நிலையத்தில் வந்திறங்கிய கலைஞர்களை நிகழ்வு ஏற்ப்பாட்டாளர்கள் வரவேற்றனர் . சகல கலைனர்களும் இரவு எட்டுமணியளவில் ஊடக பிரதிநிதிகளுடன் ஓர் உத்தியோகபூர்வமான சந்திப்பினை ஏற்படுத்தியிருந்தனர்.

நிகழ்வின் பிரதான ஏற்ப்பாட்டாளர் திரு- யோகராஜா தலைமையில் பல கனடிய தமிழ் ஊடக பிரதிநிதிகள் வியாபார தலைவர்கள், சிறப்பு பிரதிநிதிகள் மற்றும் கனேடிய இசையமைப்பாளர்கள், பாடகர்கள் என பலரும் சந்திப்பில் கலந்துகொண்டனர்.

ஊடக பிரதிநிதிகளுடனான சந்திப்பு The Estate Banquet and Event Centre மண்டபத்தில் நடைபெற்றது. முக்கிய நிகழ்வின் முக்கியத்துவம் அறிந்து மண்டபத்தின் அதிபரும் உரிமையாளருமான குணராஜா ராஜா அவர்கள் கலைனர் பட்டாளத்தினை புன்முறுவலுடன் வரவழைத்து அவர்களை VIP ஆசனத்தில் அமரச்செய்தார்கள். விழாவின் ஒருங்கிணைப்பு தலைவர் பாலசிங்கம் சிவபாலன் சகல ஏற்பாடுகளையும் திறம்பட கவனித்ததனை அவதானிக்க முடிந்தது.

இன்றைய சந்திப்பு நிகழ்வில் பங்குபற்றிய கலைஞர்கள் முறையே பின்னணிப்பாடகர்கள் சத்தியபிரகாஷ், அல்கா, புவனேஸ்வர் ஐயர், எழிலரசி மணவாளன், ஞானசம்பந்தன், பாடியராஜன் மற்றும் மோகன சுந்தரம் என ஒரு பெரிய நட்சத்திர கலைனர் பட்டாளம் மண்டபத்தில் காணப்பட்டார்கள்.

நாளை வெள்ளிக்கிழமையும் அதையடுத்த சனி ஞாயிறு தினங்களிலும் நடைபெறவுள்ள புதுவசந்தம் நிகழ்வுக்கான ஏற்பாடுகள் அனைத்தும் நடைபெற்றுள்ளதாக விழாவின் ஒருங்கிணைப்பாளா்கள் தெரிவித்துள்ளனர்.