க.த.தே.அ (NCCT) நடாத்திய இவ் விருந்தில் பல முக்கிய பிரமுகர்கள் கலந்து கொண்டு சிறப்பித்தனர். முக்கியமாக கனடிய நாட்டின் பிரதமர், மந்திரிமார், ஒன்ராரியோ மாகாணத்தின் தலைவர், டொரொண்டோ நகரத்தின் தலைவர் மற்றும் உபதலைவர்கள், மார்க்கம் நகரத்தின் தலைவர் மற்றும் உபதலைவர்கள் அத்துடன் பாராளுமன்ற உறுப்பினர்கள், மாகாண பாராளுமன்ற உறுப்பினர்கள், நகரசபை உறுப்பினர்கள், பாடசாலை டிரஸ்டி என பலர் இன் நிகழ்விற்குரிய வாழ்த்து செய்தியை அனுப்பி வைத்தனர். இன் நிகழ்வில் பல முக்கிய தலைவர்கள் மந்திரிமார் உட்பட ஐம்பதிற்கும் மேற்பட்ட வேற்றின மக்கள் பெருமளவில் கலந்து கொண்டனர்.

இன் நிகழ்வின் முக்கிய அங்கமாக க.த.தே.அ (NCCT) கடந்த வருடத்திலான தமது பலவிதமான செயற்பாட்டை வெளிக்கொணர்ந்திருந்தனர். கனடிய மக்களுக்கு நலன் சேர்க்கும் இரத்த தானம், இருதய மற்றும் பக்கவாதத்திற்கான அமைப்பிற்கான நன்கொடை திரட்டல், இல்லாதவர்களுக்கான உலர் உணவு கொடுத்தல் மற்றும் இவ்வருடத்தில் முக்கியமாக கனடிய மாவீரர்களுக்கான பொப்பி விற்கும் திட்டத்தை நடைமுறைப்படுத்தி இருந்தனர்.

க.த.தே.அ (NCCT) கடந்த வருடத்தில் ஆற்றிய மனித உரிமை சம்பந்தமான பணிகள் மற்றும் அரசியல் வேலைத்திட்டங்கள் என்பவற்றின் தரவுகளைக் கொடுத்திருந்தனர். கனடாவில் மூன்று கட்சிகளும் இன அழிப்பிற்குரிய அனைத்துலக விசாரணையைக் கோரியதென்பதை தமது வேலைத் திட்டத்தின் பெரு வெற்றியாக அறிவித்தனர். தமது அடுத்த வேலைத்திட்டதின் முதல் வெற்றியாக கனடாவின் எதிர்க் கட்சி தலைவர் தமிழர்கள் ஒரு தேசிய இனமாக அங்கீகரித்ததென்பதை ஒரு மைல் கல்லாக அறிவித்திருந்தனர். அத்துடன் தமது வேலைத்திட்டங்கள் வரும் காலத்திலும் தொடர்ச்சியாக வடிவமைக்கப்படும் என்பதை உறுதி கூறினர்.

இன் நிகழ்வின் இன்னுமொரு முக்கிய அங்கமான பரிசளிப்பு இடம்பெற்றது. தமது துறைகளில் முன்னிடம் வகித்தவர்களுக்கு பரிசில்கள் வழங்கப்பட்டது. சிறந்த பாடகர் தெரிவாக ஜெசிகா ஜுட்ஸ், சோஃபியா ராகுல் ஆகியோருக்கும், இளம் எழுத்தாளர் விருது ஜானத் விஜயசீலனுக்கும், இளம் விளையாட்டு வீரர் விருது பிரிந்தா ராமசாமிக்கும் மற்றும் ஊடகத்துறைக்குரிய விருது பி.விக்கினேஸ்வரனுக்கும் கொடுக்கப்பட்டது.

முடிவாக ஆர்.ஏ றிதம்ஸ் (RA Rhythms) பல இனிமையான பாடல்களைப் பாடி இராப் போசன விருதை இனிதே நிறைவு செய்தனர்.

நிகழ்வின் மேலதிக படங்களை பார்வையிட www.puthinamphotos.com