மட்டக்களப்பு செங்கலடி பிரதேசத்தைச் சேர்ந்த இரட்டையர்கள் நேற்று முன்தினம்ஒன்று கூடி இரட்டையர் தின நிகழ்வை கொண்டாடினர். நேற்று முன்தினம் பிற்பகல் இடம்பெற்ற இந்நிகழ்வானது, கணபதிப்பிள்ளை கிராம அபிவிருத்தித் தலைவர் கு.ஜெயப்பிரியன் தலைமையில் நடைபெற்றது. இந்நிகழ்வில், சுமார் 18 ற்கு மேற்பட்ட இரட்டையர்கள் கலந்துகொண்டு சிறப்பித்திருந்தனர். 3 வயது தொடக்கம் 30 வயது வரையான இரட்டையர்கள் இதில் கலந்துகொண்டனர்.

செங்கலடி பிரதேசத்தில் சுமார் 30க்கும், மேற்பட்ட இரட்டையர்கள் இருப்பதாகவும், அவர்களை அடையாளப்படுத்தும் வகையில் இந்நிகழ்வு ஏற்பாடு செய்யப்பட்டதாக தெரிவிக்கப்பட்டுள்ளது. இதேவேளை, குறித்த நிகழ்வில், சிறப்பு அதிதியாக கலந்துகொண்ட செங்கலடி விவேகானந்த பாடசாலை அதிபர் கி.சிவலிங்கராஜா, இரட்டையர்களுக்கு பரிசில்களையும் வழங்கிவைத்தார்.