யாழ்ப்பாணம் மாணிப்பாய் இந்துக் கல்லூரியின் ஸ்தாபகர் தினமும் பரிசளிப்பு விழாவும் அண்மையில் கல்லூரியின் அதிபர் எம்.இந்திரபாலா அவர்களின் தலைமையில் நடைபெற்ற போது கல்வி இராஜாங்க அமைச்சர் வே.இராதாகிருஸ்ணன் பிரதம அதிதியாக கலந்து கொண்டார். இவர்களுடன் கௌரவ அதிதிகளாக சங்கிலிப்பாய் கோட்டக் கல்வி பணிப்பாளர் சிவானந்தராஜா வட மாகாண சபை உறுப்பினர் கஜதீபன் ஓய்வு நிலை மாவட்ட நீதிபதி வசந்தநேசன் உட்பட அயற் பாடசாலை அதிபர்கள் ஆசிரியர்கள் மாணவர்கள் உட்பட பெற்றோர்கள் கலந்து கொண்டார்கள்.

இதன்போது தரம் ஆறு தொடக்கம் கல்வி பொது தராதரம் வரை கல்விச் செயற்பாதுகளில் திறமைச் சித்தியை பெற்றவர்கள் 2015ம் ஆண்டு பொறியியல் முகாமைத்துவம் விஞ்ஞானம் கணிதம் போன்றவற்றில் பல்கலைக்கழ அனுமதி பெற்ற மாணவர்கள் ஆங்கிலம் மற்றும் தமிழ் மொழித்தினப் போடடிகளில் வெற்றி பெற்ற மாணவர்கள் நாடகப் போட்டிகளில் வெற்றிப் பெற்ற மாணவர்கள் விளையாட்டுத்துறையில் வெற்றியீட்டியவர்கள் மற்றும் சதுரங்க போட்டிகளில் வெற்றியீட்டிய மாணவர்களுக்கு சான்றிதழ்களும் வெற்றிக் கிண்ணங்களும் வழங்கப்பட்டன.

மேலதிக படத்தொகுப்பு - www.puthinamphotos.com