சிற்பாசாரியார் அமரர் இராமலிங்கம் வடிவேலுவின் ஞாபகார்த்த நிகழ்வு முல்லை மாற்றுத்திறனாளிகளுடன் ஒரு முன்மாதிரியான செயற்பாடு ஒன்றினை செய்திருந்தனர். யாழ் சங்கானையை சேர்ந்த சிற்பாசாரியார் அமரர் இராமலிங்கம் வடிவேலு அவர்களது 51ம் நாள் நினைவு நிகழ்வினை முல்லைத்தீவில் போரினால் கடும் பாதிப்புக்குள்ளான மாற்றுத்திறனாளிகளுடன் உணர்வு மிக்க ஒரு உறவாடலாக மேற்கொண்டிருந்தனர்.

23:10:16 அன்று முல்லைத்தீவு பொதுநோக்கு மண்டபத்தில் நிகழ்வும் இடம்பெற்றது. இந்த நிகழ்வில் மாற்றுவலு உடைய அமைப்பின் பொறுப்பினை தங்கி நிற்கும் சைலா அவர்களின் தலைமையில் நிகழ்வுகள் நடைபெற்றது. நிகழ்வுக்கு விருந்தினர்களாக முல்லைமாவட்ட கிராம உத்தியோகத்தர், முள்ளியவளை கிராம உத்தியோகத்தர் ப.தெய்வேந்திரன், சங்கானை சிவப்பிரகாச மகாவித்தியாலய அதிபர் இ.சிறீதரன் அவர்களும் மனிதஉரிமை செயற்பாட்டாளர் தி.நிரோஷ் மற்றும் ஊடகவியலாளர் மதிவாணன் அவர்களும் கலந்து சிறப்பித்தனர்.

முல்லைத்தீவு மாவட்டத்தின் பல இடங்களில் இருந்து மிகவும் பாதிக்கப்பட்ட 50 க்கும் அதிகமானவர்களை தேர்ந்தெடுத்து அவர்களுக்கான நிகழ்வாகவே அமரரின் நினைவுகளை சுமந்து நடைபெற்றது. நூறுக்கும் அதிகமானவர்கள் கலந்து கொண்டு சிறப்பித்தனர்.

50 க்கும் மேற்பட்ட பயனாளிகளுக்காக 2இலட்சம் ரூபாய் பெறுமதியிலான அத்தியாவசிய பொருட்களை வழங்கி வைத்திருந்தனர். அதன் பின்னர் கிளிநொச்சியில் கடந்த கால அழிவுகளால் பாதிக்கப்பட்டு மூளையில் பாதிப்புக்குள்ளான சிலருக்கும் கணவனை இழந்த பெண் பிள்ளைகளையும் சந்தித்து அவர்களுக்கும் சில பொருட்கள் வழங்கப்பட்டன.