வவுனியா தாண்டிக்குளம் விவசாயக்கல்லூரியில் இராணுவத்தினரால் சுட்டுப்படுகொலை செய்யப்பட்ட 5 மாணவர்களின் 10ஆம் ஆண்டு நினைவு தினம் வவுனியா தாண்டிக்குளம் விவசாயக்கல்லூரியில் இன்று காலை நடைபெற்றது. அஞ்சலி நிகழ்வுகளை அடுத்த மாணவர்கள் இரத்ததானம் செய்தனர்.

கடந்த 2006 ஆம் ஆண்டு இதே தினம் வெளிக்களப் பயிற்சியில் மாணவர்கள் ஈடுபட்டுக் கொண்டிருந்த வேளை கிளைமோர் தாக்குதல் இடம்பெற்றது. இதனையடுத்து மாணவர்கள் சிலர் நிலத்தில் படுத்தபோது, நிலத்தில் படுத்த மாணவர்களை இராணுவத்தினர் அழைத்து சுட்டுக் கொலை செய்திருந்தனர் என்பது குறிப்பிடத்தக்கது.