கனடியத் தமிழர் நினைவெழுச்சி அகவம், 20.11. 2016 ஞாயிற்றுக் கிழமை முன்னெடுத்த மாவீரர் பெற்றோர் குடும்ப மதிப்பளிப்பு, மிக உணர்வு பூர்வமாக நடைபெற்றது. இந்த மதிப்பளிப்பு நாளுக்குக் கடந்த ஆண்டுகளை விடவும் பெருந் தொகையான மாவீரர்களின் பெற்றோர்கள், சகோதரர்கள், உறவினர்கள், குடும்ப அங்கத்தவர்கள் வருகை தந்து, வணக்கம் செய்தமை குறிப்பிடத் தக்கதாகும். தாய் மண்ணுக்காகவும், மக்களுக்காகவும் தம்மைக் கொடை செய்த எமது பிள்ளைகளை நினைவில் ஏந்தி நின்று, வீர வணக்கம் செய்து. தமது பிள்ளைகளின் ஒளிப் படங்களுக்கு முன் நீர் சொரிந்து, காந்தள் மலர் வைத்து வணங்கி நின்றமை எல்லோர் மனங்களையும் நெகிழ வைத்தது. தமது பிள்ளைகளின் நினைவுகளைப் பெற்றோர்கள,; சகோதரர்கள் நினைவுரைகளாக எடுத்துரைத்தனர்.

இங்கு பிறந்து வளர்ந்து வரும் சிறுவர்கள், தமது மாமா, சித்தப்பபா, என்ற உறவு முறையோடும், எமது மாவீரர்கள் என்ற உணர்வோடும் தாயகப் பாடல்களைப் பாடியும், மழலைப் பேச்சைப் பேசியும் தமது உணர்வுகளைப் பகிர்ந்து நின்றமை அடுத்த தலைமுறையினரின் தாயகப் பற்றை இனம் காட்டி நின்றது. கனடியத் தமிழர் நினைவெழுச்சி அகவம் முன்னெடுத்;த மாவீரர் பெற்றோர் குடும்ப மதிப்பளிப்பு நாளன்று வரிசையாக, அடுக்கப்பட்டிருந்த மாவீரர்களின் ஒளிப்படங்களை அங்கு திரண்டிருந்த மக்கள் அனைவரும் வணங்கி நின்றனர்.

கனடியத் தமிழர் நினைவெழுச்சி அகவம்.

தொடர்பு இலக்கம். 647 980 5219.