தைப்பொங்கல் திருநாளை முன்னிட்டு பட்டம் விடும் போட்டி நேற்று மாலை வல்வெட்டித்துறையில் நடைபெற்றது. வல்வெட்டித்துறை உதயசூரியன் கடற்கரையில் நடந்த இந்தப் போட்டியில், பல்வேறு வடிவங்களில் உருவாக்கப்பட்ட பட்டங்கள் வானத்தில் பறக்கவிடப்பட்டன. இதனைக் காண ஆயிரக்கணக்கான மக்கள் குழுமியிருந்தனர். இந்தப் போட்டியில், 40 அடி நீளமுடைய ஓணான் பட்டம் முதலிடத்தைப் பெற்றுக் கொண்டது. இதனை வல்வெட்டித்துறை தீருவிலைச் சேர்ந்த மகேந்திரன் உருவாக்கி பறக்கவிட்டிருந்தார்.