கிளிநொச்சியில் கடந்த திங்கட்கிழமை ஆரம்பிக்கப்பட்டு இரவு பகலாக இடம்பெற்று வரும் காணாமல் போனவர்களின் உறவினர்களின் போராட்டத்திற்கும், பரவிப்பாஞ்சான் மக்களின் நிலம் மீட்பு போராட்டத்திற்கும் கிளிநொச்சி சந்தை வர்த்தகர்கள் ஆதரவு தெரிவித்து பேரணியை நடத்தினர்.

இன்று காலை சந்தையின் வர்த்தக நிலையங்களை மூடிவிட்டு சந்தையிலிருந்து, காணாமல் போனவர்களின் உறவினர்களுடைய போராட்டம் இடம்பெற்றுக்கொண்டிருக்கும் கந்தசுவாமி ஆலயத்திற்கு ஊர்வலமாக சென்ற வர்த்தகர்கள் கவனயீர்ப்பு போராட்டத்தில் கலந்து கொண்டனர்.