நியமனம் வழங்கக் கோரி பத்து நாட்களாக போராட்டம் நடத்தி வரும் வடக்கு மாகாண வேலையற்ற பட்டதாரிகள் இன்று மனித சங்கிலிப் போராட்டத்தை முன்னெடுத்தனர். பட்டதாரிகள் தமது முகங்களைக் கறுப்புத் துணியால் கட்டியவாறு யாழ்.மாவட்ட செயலகத்திற்கு முன்பாக ஏ-9 வீதியில் முற்பகல் 10.30 மணி முதல் 11.30 மணி வரையில் குறித்த போராட்டத்தில் ஈடுபட்டனர்.

மேலும், வட மாகாணசபை மற்றும் மத்திய அரசாங்கத்திற்கு எதிராகப் பல்வேறு கோஷங்கள் எழுப்பியிருந்தனர். நிரந்தர நியமனம் வழங்கக் கோரி வேலையற்ற பட்டதாரிகளின் போராட்டம் கடந்த வாரம் 27ஆம் திகதி முதல் யாழ்.மாவட்டச் செயலகத்திற்கு முன்பாக இடம்பெற்று வருகிறமை குறிப்பிடத்தக்கது.