மார்ச் 13ம் 14 ம் 15ம் திகதிகளில் டொரோண்டோ திரை அரங்குகளில் Dynevor Express Kumar Alagaratnam அவர்களின் பெரும் ஆதரவுடன் கயிறு திரைப்படம் வெளியீடு செய்யப்படுகிறது. உலகம் முழுவதும் நடந்த திரைப்பட விழாக்களில் கலந்து கொண்டு விருதுக்கு மேல் விருதுகளை அமைதியாக வென்று பாராட்டுக்களை பெற்ற கயிறு திரைப்படம் ஐ கணேஷ் இயக்கத்தில் ஈழத்து நாயகன் எஸ் ஆர் குணாவின் நடிபில் உருவாக்கம் பெற்றுள்ளது. ஸ்கைவே பிக்சர்ஸ் தயாரித்த இப்படத்தில் இணை தயாரிப்பாளராக ஈழத்து நாயகன் குணா செயல்பட்டுள்ளார். காவ்யா மாதவ், கந்தசாமி, சேரன்ராஜ் முக்கிய கதாபாத்திரங்களில் நடித்துள்ளனர். பிரித்வி மற்றும் விஜய் ஆனந்த் இப்படத்துக்கு இசையமைத்துள்ளனர். ஒளிப்பதிவு ஜெயன் உன்னிதன், எடிட்டிங் கார்த்திக் செய்துள்ளனர்.

இப்படம் அமெரிக்காவில் நடைபெற்ற தி கிரேட் சினிமா நவ் திரைப்பட விழாவில் சிறந்த படத்துக்கான விருது, மெக்சிகோவில் நடந்த 7 கலர்ஸ் பேச்சிலர்ஸ் சர்வதேச திரைப்பட விழாவில் சிறந்த நடிகருக்கான விருது உள்ளிட்ட 9 சர்வதேச விருதுகளை வென்றுள்ளது. ரஷ்யாவில் நடைபெற்ற யூரேசியா சர்வதேச மாதாந்திர திரைப்பட விழா, கொலம்பியா சினிமே லேப் மற்றும் இரானில் நடந்த சர்வதேச திரைப்பட விழாவில் சிறந்த படத்துக்கான இறுதிப்பட்டியலிலும் கயிறு திரைப்படம் இடம்பெற்றது.

சுருக்கமாக, இப்படம் உலகம் முழுவதும் நடந்த 24 திரைப்பட விழாக்களில் தன்னுடைய முத்திரையை பதிவு செய்திருக்கிறது. உலகம் முழுவதும் உள்ள சினிமா ரசிகர்களின் இதயங்களை ஆக்கிரமித்த பிறகு தற்போது அது யாருக்காக உருவாக்கப்பட்டதோ அந்த தமிழ் ரசிகர்களின் இதயங்களை வெல்ல வருகிறது.