பண்டிதை செல்வி யோகலட்சுமி சோமசுந்தரம் அவர்களின் பவள விழாவும் அவர் எழுதிய கட்டுரைகளின் தொகுப்பு நூல் வெளியீட்டு விழாவும் குருமன்காடு காளி கோவில் மண்டபத்தில் நேற்று இடம்பெற்றிருந்தது.

தமிழ்மணி அகளங்கன் தலைமையில் நடைபெற்ற நிகழவில் வவுனியா தேசிய கல்வியியற் கல்லூரியின் ஓய்வு நிலை பீடாதிபதி க.சுவர்ணராஜா அவர்கள் பிரதம விருந்தினராக கலந்து சிறப்பித்திருந்தார். யாழ் காரைநகரை பிறப்பிடமாக கொண்ட செல்வி யோகலட்சுமி சோமசுந்தரம் அவர்கள் வவுனியாவில் வாழ்ந்த காலப்பகுதியில் சிறந்த சொற்பொழிவாராகவும் வளவாளரகவும் தமிழ்ப்பேராசனாகவும் விளங்கியிருந்தார்.

வவுனியா தமிழ் மத்திய மகாவித்தியாலத்தின் ஆசிரியராக கடைமையாற்றியிருந்த இவர் பல பட்டதாரி மாணவர்களையும் உருவாக்கியிருந்தார்.உயர்தர பல்கலைக்கழக மாணவர்களுக்குரிய தமிழ் நூல்களையும் வெளியிட்டிருந்தார். இவர் தமிழுக்கும் சைவ சமயத்திற்கும் ஆற்றி வரும் பணிகளுக்காக கலாசார அமைச்சின் கலாபூசணம் விருது முதலமைச்சர் விருது கிடைத்தமை குறிப்பிடத்தக்கதாகும்.