தமிழுக்கு என்று உலகத்தில் ஒரே ஒரு பல்கலைக்கழகம்தான் உள்ளது. சோழ நாட்டின் தலைநகராக விளங்கிய தஞ்சாவூரில் அமைந்துள்ளது தமிழ்ப் பல்கலைக்கழகம். கனடாவில் கடந்த 30 ஆண்டுகளாய் இயங்கி வரும் கனடா தமிழ்க் கல்லூரியும் தமிழ்ப் பல்கலைக் கழகமும் கடந்த ஆண்டு இணைந்து பணியாற்றும் ஒப்பந்தம் ஒன்றை ஏற்படுத்தியிருந்தனர்.

அதன் வழியாகத் தமிழ்ப் பல்கலைக்கழகத்தின் சான்றிதழ், பட்டயம், பட்டப் படிப்புகளைப் படிக்கும் வாய்ப்பைக் கனடா தமிழ்க் கல்லூரி ஊடாகக் கனடாவில் வாழுகின்ற தமிழர்கள் பெற்றிருக்கிறார்கள். கடந்த ஆண்டு தொடக்கப்பட்ட சான்றிதழ் வகுப்புகளில் 75க்கும் மேற்பட்ட தமிழ் மாணவர் இணைந்திருந்தார்கள். அவர்களுக்கான தேர்வு கடந்த மே 27, 2023 அன்று ஒரே இடத்தில் நடத்தப்பட்டது. அப்பொழுது எடுக்கப்பட்ட நிழற்படங்கள்.