மஹிந்த ஆதரவு அணியைச் சேர்ந்த பலரும் தேசிய அரசாங்கத்துடன் இணையவுள்ளதாக ஊடகங்களில் தொடர்ச்சியாக செய்திகள் வெளியாகி வரும் நிலையில் அதனைத் தடுக்கும் வகையில் மஹிந்த ராஜபக்ச தலைமையிலான கூட்டு எதிர்கட்சியினர் அவசர கலந்துரையாடல்களில் ஈடுபட்டுள்ளனர்.

பாகிஸ்தானிடமிருந்து போர்விமானங்களை கொள்வனவு செய்வது குறித்து இலங்கை இன்னமும் தீர்மானிக்கவில்லை என விமானப்படை பேச்சாளர் சமிந்த அல்விஸ் தெரிவித்துள்ளார். பாகிஸ்தான் பிரதமரின் இலங்கை விஜயத்தின்போது பாகிஸ்தானிடமிருந்து விமானங்களை கொள்வனவு செய்வதற்கான உடன்படிக்கை கைச்சாத்திடப்படலாம் என ஊடகங்களில் செய்திகள் வெளியாகியுள்ள நிலையிலேயே அவர் இதனை குறிப்பிட்டுள்ளார்.

கடமைகளை உரிய முறையில் மேற்கொள்ளத் தவறிய அமைச்சர்கள் பற்றி இரகசிய அறிக்கை ஒன்றை பிரதமர் ரணில் விக்கிரமசிங்க கோரியுள்ளார். அமைச்சுப் பதவிகளை பொறுப்பேற்றுக் கொண்ட பின்னர் தமது கடமைகளை உரிய முறையில் மேற்கொள்ளாத அனைத்து அமைச்சர்கள் பற்றியும் இரகசிய அறிக்கை ஒன்றை, பிரதமர் ரணில் விக்ரமசிங்கவிற்கு நெருக்கமான அரச உயர் அதிகாரிகள் தயாரிக்கவுள்ளனர்.

புதிய அரசியல் யாப்புக்கான யோசனைகளை முன்வைப்பதற்கான தமிழ் மக்கள் பேரவையின் உப குழுவில் முன்னாள் சட்டமா அதிபர் சிவா பசுபதி இடம்பெறவுள்ளார். இதற்கான அங்கீகாரத்தை பேரவை வழங்கியுள்ளது. பேரவையின் முதலாவது கன்னி அமர்வு நேற்று யாழ்ப்பாணத்தில் இடம்பெற்றபோது சிவா பசுபதியை சேர்ப்பதற்கான அங்கீகாரம் பெறப்பட்டதாக தெரிவிக்கப்பட்டுள்ளது.

லசந்த விக்ரமதுங்க, நடராஜா ரவிராஜ், ஜோசப் பரராஜசிங்கம், பிரகீத் எக்னெலிகொட உள்ளிட்ட சர்ச்சைக்குரிய படுகொலைச் சம்பவங்கள் தொடர்பிலான விசாரணைகளை முன்னெடுப்பதில் புலனாய்வு பிரிவினர் சிக்கல்களை எதிர்நோக்கி வருகின்றனர். இந்த கொலைகளை மேற்கொள்வதற்கு உத்தரவு பிறப்பித்த உயர் இராணுவ அதிகாரிகள் இன்னமும் குறித்த பதவிகளை வகித்து வருவதனால், விசாரணைகளுக்கு இவர்கள் இடையூறு ஏற்படுத்தி வருகின்றனர்.

வல்வெட்டித்துறையில் களவு மற்றும் கொள்ளைச் சம்பவங்களுடன் தொடர்புடையவர்கள் என்ற சந்தேகத்தில் 16, 20 வயதான இளைஞர்கள் இருவர் கைது செய்யப்பட்டுள்ளனர். இருவரையும் ஆதிகோயிலடியில் உள்ள அவர்களின் வீட்டில் வைத்து நேற்று பொலிஸார் கைது செய்தனர். அத்துடன் அவர்களின் வீட்டிலிருந்து களவாடப்பட்ட பொருட்களையும் பொலிஸார் கைப்பற்றியுள்ளனர்.

கட்டுநாயக்க விமான நிலையத்தில் நிறுத்தி வைக்கப்பட்டிருந்த விமானம் ஒன்றுடன் கனரக வாகனம் ஒன்று மோதியுள்ளது. சிவில் விமான சேவையின் 103வது ஆண்டு நிறைவை முன்னிட்டு இடம்பெற்ற நிகழ்வின் போதே இந்த சம்பவம் இடம்பெற்றுள்ளது. குறித்த கனரக வாகனம், கடந்த 28ஆம் திகதி இரவு இசைக்கருவிகளை ஏற்றிச் சென்ற போது ஏ 340 விமானத்தில் மோதியுள்ளது. இதன்போது விமானத்தின் இடதுபக்க இறக்கை பாரிய சேதத்துக்கு உள்ளாகியுள்ளது.

வட்டுவாகல், முள்ளிவாய்க்கால் கிழக்குப் பகுதியில் கடற்படை முகாம் அமைக்கவுள்ளதாகவும் இதனால், காணிகளை இழப்பவர்களுக்கு சிறந்த நஷ்டஈடு வழங்கப்படுமென பாதுகாப்பு அமைச்சின் மேலதிக செயலாளர் வசந்த பெரேரா உறுதியளித்த போதிலும், காணி உரிமையாளர்கள் அதற்கு எதிர்ப்புத் தெரிவித்துள்ளனர்.

இனப்பிரச்சினைக்கு தீர்வுகாணும் பொருட்டு தமிழ் மக்கள் பேரவையினால் அமைக்கப்பட்டுள்ள உபகுழுவின் முதலாவது உத்தியோகப்பூர்வ இன்று பிற்பகல் 3.30 மணியளவில் யாழ். நூலக கேட்போர் கூடத்தில் ஆரம்பமாகியது. கூட்டம் ஆரம்பிப்பதற்கு முன்னதாக நல்லூர் கந்தசுவாமி ஆலயம் மற்றும் மரியன்னை பெரிய கோவில் ஆகிய வணக்கஸ்தலங்களுக்கு சென்று உப குழுவினர் வழிபாடுகளில் ஈடுபட்டனர்.

ரஷ்ய ஜனாதிபதி விளாடிமிர் புட்டின் இலங்கைக்கான விஜயமொன்றினை மேற்கொள்ளலாம் என்றும் ஜனாதிபதி மைத்திரிபால சிறிசேன இதற்கான அழைப்பை விடுப்பார் என்றும் தகவல்கள் தெரிவிக்கின்றன. கொழும்பில் ரஷ்ய தூதரகத்தின் நிர்மாணப்பணிகள் நிறைவடைந்த நிலையில், தூதரகம் விரைவில் திறந்து வைக்கப்படவுள்ளது. இந்த தூதரகத்தினை ரஷ்ய ஜனாதிபதி விளாடிமிர் புட்டின் திறந்து வைக்க வேண்டும் என்ற எதிர்ப்பார்ப்பில், ஜனாதிபதி மைத்திரிபால சிறிசேன அவருக்கான அழைப்பினை விடுப்பார் என எதிர்ப்பார்க்கப்படுகின்றது.

திருகோணமலை ஐந்து மாணவர்கள் படுகொலையின் 10 ஆம் ஆண்டு நினைவு தினம் இன்று அனுஷ்டிக்கப்பட்டது. கடந்த 2006 ஜனவரி 2 ஆம் திகதி திருகோணமலை கடற்கரையில் ஐந்து தமிழ் மாணவர்கள் சுட்டுப் படுகொலை செய்யப்பட்டனர். இந்த படுகொலையின் 10 ஆம் ஆண்டு நினைவு அஞ்சலிகள், உட்துறைமுக வீதியில் அமைந்துள்ள மனித உரிமைகள் பாதுகாப்பு நிலையத்தில் இடம்பெற்றன.

நாடாளுமன்ற உறுப்பினர் ஹிருனிக்கா பிரேமசந்திர விரைவில் கைது செய்யப்படலாம் என்று எதிர்ப்பார்க்கப்படுகிறது. சட்டமா அதிபர் திணைக்கள தரப்புக்கள் இதனை தெரிவித்துள்ளன. ஹிருனிக்காவின் பாதுகாப்பு வாகனத்தில் தெமட்டகொடையில் வைத்து இளைஞர் ஒருவர் கடத்தப்பட்டமை தொடர்பிலேயே இந்த கைது இடம்பெறவுள்ளது. குறித்த இளைஞர் கடத்தப்பட்டவேளையில் அங்கிருந்த 11 வயது சிறுமியின் வாக்குமூலத்தின்படி இளைஞர் கடத்தப்பட்ட ஹிருனிக்காவின் முன்னிலையில் நிறுத்தப்பட்டமை தெரியவந்துள்ளதாக முன்னதாக பொலிஸார் தெரிவித்திருந்தனர்.

சிறிலங்காவின் சிறைகளில் தொடர்ந்தும் தடுத்து வைக்கப்பட்டுள்ள போர்க்கைதிகளின் விடுதலையினை வலியுறுத்தி நாடுகடந்த தமிழீழ அரசாங்கத்தினால் முன்னெடுக்கப்பட்டு வரும் தபால் அட்டையில் மக்கள் ஆர்வத்துடன் ஒப்பமிட்டு வருகின்றனர். புத்தாண்டு நாளன்று வழிபாடுகளில் ஈடுபட்ட தமிழ்மக்கள் (லண்டன்) , தபால் அட்டைப் பரப்புரையில் ஈடுபட்டிருந்த செயற்பாட்டாளர்களிடம் ஆர்வத்துடன் கைதிகளின் விடுதலையினை வலியுறுத்தி ஒப்பமிட்டுள்ளனர். கைதிகளின் விடுதலைக்கான நம்பிக்கைதரும் நடத்தைகள் சிறிலங்கா அரச தரப்பில் இல்லாத நிலையில், இவ்விவகாரத்தினை அனைத்துலக சமூகம் நோக்கி கொண்டு செல்லும் பொருட்டு இத்தபால் அட்டைப் பரப்புரையினை நாடுகடந்த தமிழீழ அரசாங்கம் கடந்த டிசெம்பர் 15ம் திகதி முதல் தொடங்கியிருந்தது.

அரசாங்கத்திற்கு எதிர்ப்பு தெரிவித்து நாடு தழுவிய ரீதியில் கறுப்புக்கொடி வாரம் அனுஷ்டிக்க ஏற்பாடுகள் செய்யப்பட்டுள்ளதாக ஒன்றினைந்த எதிர்கட்சிகளின் பாராளுமன்ற உறுப்பினர் உதயகம்மன்பில தெரிவித்துள்ளார். எதிர்வரும் 8ம் திகதிக்குள் ஊர்ஊராக,வீடு வீடாக இந்த விடயத்தை கொண்டு செல்லப் போவதாக அவர் மேலும் தெரிவித்துள்ளார்.

காணாமல்போனவர்கள் தொடர்பிலான முறைப்பாடுகளை விசாரணை செய்து வரும் பரணகம ஆணைக்குழு ஜனாதிபதி மைத்திரிபால சிறிசேனவை சந்திக்கவுள்ளது. பரணகம ஆணைக்குழுவின் அடுத்தகட்ட நகர்வுகள் மற்றும் செயற்பாடுகள் தொடர்பிலேயே இந்த சந்திப்பு ஏற்பாடு செய்யப்பட்டுள்ளது. பரணகம ஆணைக்குழுவின் பதவிக்காலம் எதிர்வரும் பெப்ரவரி மாதம் 16ஆம் திகதியுடன் முடிவுக்கு வருகின்றது. இந்தநிலையில் ஆணைக்குழுவின் ஆயுட்காலத்தை மேலும் 6 மாதங்களுக்கு நீடிக்குமாறு ஜனாதிபதியிடம் கோரிக்கை விடுக்கவுள்ளதாகவும் செய்திகள் வெளியாகியுள்ளன.

தைப்பொங்கல் தினத்தை வழிபாட்டுத் தினமாக அனுஷ்டிக்குமாறும், எவ்வித கொண்டாட்டங்களிலும் ஈடுபட வேண்டாம் எனவும் அகில இலங்கை இந்து மாமன்றம் தெரிவித்துள்ளது. ஜனாதிபதி மைத்திரிபால சிறிசேன தலைமையில், தேசிய தைப்பொங்கல் விழா எதிர்வரும் 15ம் திகதி யாழ்ப்பாணத்தில் நடத்துவதற்கு அரசாங்கம் தீர்மானித்துள்ளதுடன், அதற்கான ஏற்பாடுகளும் நடைபெற்று வருகின்றது.

அம்பாந்தோட்டை மஹிந்த ராஜபக்ச துறைமுகத்திற்கு 13 ஆயிரம் வாகனங்கள் நேற்று வந்தடைந்ததாக துறைமுக அதிகாரசபை தகவல்கள் தெரிவிக்கின்றன. மீள் ஏற்றுமதிக்காகவே சுமார் 13 ஆயிரம் வாகனங்களே நேற்று அம்பாந்தோட்டையை வந்தடைந்தன. இவ்வாறு பெருமளவான வாகனங்கள் இலங்கை துறைமுகத்துக்கு கொண்டுவரப்பட்டுள்ளமை இதுவே முதல் தடவை என துறைமுக அதிகாரசபை தெரிவித்துள்ளது.

முல்லைத்தீவு வட்டுவாகலில் இறால்பிடியில் ஈடுபடுவதற்கு கடற்படையினரும் இராணுவத்தினரும் தடை விதித்துள்ளதாக, பாதுகாப்பு அமைச்சின் மேலதிக செயலாளர் வசந்த பெரேராவிடம் முல்லைத்தீவு கடற்றொழிலாளர்கள் தெரிவித்துள்ளனர். கரைதுறைப்பற்று பிரதேச செயலகத்தில் இன்று இடம்பெற்ற கூட்டத்திலேயே இவ்வாறு தெரிவித்துள்ளனர்.

12 இலக்கங்களைக் கொண்ட புதிய தேசிய அடையாள அட்டை நேற்று முதல் அறிமுகம் செய்யப்பட்டுள்ளதாக, ஆட்பதிவு திணைக்களம் தெரிவித்துள்ளது. 16 வயதை பூர்த்தி செய்துள்ள இலங்கை பிரஜைகள் அனைவரும் ஆட்பதிவு திணைக்களத்தில் தம்மை பதிவு செய்து, அடையாள அட்டையை பெற்றுக் கொள்ள வேண்டும். இதுவரையில் 9 இலக்கங்களும், ஆங்கில எழுத்தும் கொண்ட அடையாள அட்டைகள் விநியோகிகப்பட்டு வந்தன.

உயிலங்குளம் - அடம்பன் பிரதான வீதியில் இடம்பெற்ற விபத்தில் பரப்புக்கடந்தான் கிராமத்தைச் சேர்ந்த குடும்பஸ்தர் ஒருவர் உயிரிழந்துள்ளதாக மன்னார் பொலிஸ் நிலைய போக்குவரத்துப்பிரிவு பொறுப்பதிகாரி ஆர்.ஆர்.சுமனசேகர, தெரிவித்தார். நேற்று வெள்ளிக்கிழமை இரவு 8.10 மணியளவில் ஏற்பட்ட இவ் விபத்தில் பரப்புக்கடந்தான் கிராமத்தைச் சேர்ந்த ஜோசப்பு சந்தியோகு (வயது 51) எனும் குடும்பஸ்தரே உயிரிழந்துள்ளதாவும் அவர் கூறினார்.

ஆட்சி மாற்றத்தை ஏற்படுத்தி ஓராண்டு நிறைவை அரசாங்கம் கொண்டாடுகின்ற நிலையில், வடக்கு கிழக்கில் யுத்தத்தில் பாதிக்கப்பட்ட மக்கள் இன்றும் தமது நிலங்களை எதிர்பார்த்து காத்திருக்க வேண்டிய நிலைமை ஏற்பட்டுள்ளது என்று ஜேவிபி தலைவர் அனுரகுமார திசாநாயக்க தெரிவித்தார்.

அரசியல் தீர்வு சம்பந்தமாக ஆராய்வதற்கான தமிழ் மக்கள் பேரவையின் உப குழுவில் வடமாகாண முதலமைச்சர் விக்னேஸ்வரன் சார்பாக இலங்கையின் முன்னாள் சட்ட மா அதிபரும் விடுதலைப்புலிகளின் அரசியல் விவகார குழுவின் உறுப்பினராக பணியாற்றியவருமான சிவா பசுபதி நியமிக்கப்படுவார் என்று நம்பகமாக அறியவருகிறது. தமிழ் மக்கள் பேரவையின் 2 ஆவது கூட்டம் கடந்த வாரம் யாழ்ப்பாணத்தில் நடைபெற்றபோது அரசியல் தீர்வு சம்பந்தமாக ஆராயும்பொருட்டு அமைக்கப்பட்ட உபகுழுவில் 15 பேர் இடம்பெறுவர் என்றும் அதில் இருவர் வட மாகாண முதலமைச்சர் சார்பாக நியமிக்கப்படுவர் என்றும் அறிவிக்கப்பட்டிருந்தது. அரசியல் கட்சிகள் சார்பாக ஒவ்வொரு அரசியல் கட்சிகளும் இருவரை இக்கூட்டத்தில் முன்மொழிந்திருந்தார்கள்.

இந்த ஆண்டு இறுதிக்குள் இனப்பிரச்சினைக்குத் தீர்வு காணப்படும் என அரசாங்கத்தின் ஊடகப்பேச்சாளரும் அமைச்சருமான ராஜித சேனாரத்ன தெரிவித்தார். கடந்த ஆண்டு ஆரம்பம் நாட்டுக்கும் மக்களுக்கும் மிகவும் முக்கியமான ஆண்டாக அமைந்தது. யுத்தம் முடிவுக்கு கொண்டு வரப்பட்டு ஐந்து ஆண்டுகளில் நாட்டையும் மக்களையும் அடக்குமுறைக்கு உட்படுத்தி நாட்டை சர்வாதிகாரத்தின் பக்கம் கொண்டு சென்ற மஹிந்த ராஜபக்ச அரசாங்கத்தை வீழ்த்தி ஜனநாயக, மக்கள் நலன் பேணும் அரசாங்கத்தை உருவாக்கியுள்ளோம்.

சாவகச்சேரி- தனங்கிளப்பு சந்தியில் மோட்டார் சைக்கிளும், முச்சக்கரவண்டியும் நேருக்கு நேர் மோதி விபத்துக்குள்ளானதில் இளைஞர் ஒருவர் உயிரிழந்தார். நேற்று மாலை 4.45 மணியளவில் இடம்பெற்ற இவ் விபத்தில் கந்தம்மான் வீதி தனங்கிளப்பை சேர்ந்த இராசதுரை குமார் (வயது 26) என்பவரே பலியானவராவார்.

முன்னாள் ஜனாதிபதி மஹிந்த ராஜபக்சவின் சீனப் பயணம் குறித்து அமெரிக்கா கண்காணித்து வருவதாகத் தெரிவிக்கப்படுகிறது. இந்த மாதத்தின் இரண்டாம் வாரமளவில் முன்னாள் ஜனாதிபதி மஹிந்த ராஜபக்ச சீனாவிற்கு செல்லவுள்ளார். மஹிந்தவின் சீன விஜயம் குறித்து ஏற்கனவே அமெரிக்காவின் முக்கிய ஊடகங்கள் தகவல்களையும் அறிக்கைகளையும் வெளியிட்டுள்ளன.

வடக்கு, கிழக்கில் 11 000 வீடுகள் அமைக்கப்பட்டு 32 முகாம்களில் வாழ்ந்துவரும் மக்களுக்கு 6 மாதத்திற்குள் பகிர்ந்தளிக்கப்படும் என சிறைச்சாலைகள் மறுசீரமைப்பு புனர்வாழ்வு மற்றும் மீள்குடியேற்ற அமைச்சர் டி.எம்.சுவாமிநாதன் தெரிவித்தார். விரைவில் செய்து முடிக்க வேண்டிய பல கட மைகள் எமக்கு உள்ளன. அவற்றில் பிரதானமாக வடகிழக்கு மக்களுக்கான வீடுகளை அமைத்துக் கொடுத்து அவர்களுக்கு சிறந்த வாழ்கை சூழலை ஏற்படுத்திக் கொடுக்க வேண்டியுள்ளது.

அரசியலமைப்பு திருத்தம் மேற்கொள்ளும் நோக்கில் எதிர்வரும் 26ம் திகதி நாடாளுமன்றம் கூடவுள்ளது. புதிய அரசியலமைப்பு உருவாக்குவதற்கு 225 நாடாளுமன்ற உறுப்பினர்களையும் உள்வாங்கும் வகையில் நாடாளுமன்றத் தெரிவுக்குழு நிறுவப்படவுள்ளது. எதிர்வரும் 26ம் திகதி நடைபெறும் நாடாளுமன்ற அமர்வானது, ஒட்டுமொத்த நாடாளுமன்றமும் அரசியலமைப்புப் பேரவையாக மாற்றம் பெற்றதாக அமையும்.

பிரதமர் ரணில் விக்கிரமசிங்கவை ஆடைகள் எதுவும் இன்றி துரத்தியடிப்போம் என பொதுபல சேனாவின் பொதுச்செயலாளர் ஞானசார தேரர் தெரிவித்துள்ளார். கொழும்பில் இடம்பெற்ற ஊடகவியலாளர்கள் உடனான சந்திப்பில் கலந்து கொண்டு உரையாற்றிய போதே அவர் இவ்வாறு தெரிவித்துள்ளார். ரணில் விக்ரமசிங்கவின் அரசாங்கம் புதிய அரசியலமைப்பு ஒன்றை உருவாக்கும் முயற்சிகளை மேற்கொண்டுள்ளது. அது குறித்து நாங்கள் மிகவும் உன்னிப்பாக அவதானித்துக் கொண்டிருக்கின்றோம்.

கடந்த காலத்தில் அதிகாரத்தில் இருந்த அனைத்து ஆட்சியாளர்களும் ஒவ்வொரு வகையில் நாட்டுக்கு நல்லதையே செய்துள்ளதாக தெரிவித்துள்ள ஜனாதிபதி மைத்திரிபால சிறிசேன, எல்லா ஜனாதிபதிகள் பற்றிக் குறிப்பிட்ட போதும் சந்திரிகா குறித்து எதுவும் கூறவில்லை. 2016ம் ஆண்டின் புதுவருடப் பிறப்பையொட்டி பொதுமக்களுடன் வாழ்த்துக்களைப் பரிமாறிக் கொள்ளும் நிகழ்வு நேற்று பொலன்னறுவையில் நடைபெற்றது.

பேராதனை பல்கலைக்கழக மாணவர்களுக்கும் பேராதனை நகரவாசிகளுக்கும் இடையில் ஏற்பட்ட மோதலில் ஒன்பது பேர் காயமடைந்தனர். நேற்று முன்தினம் நள்ளிரவு 12 மணிக்கு புது வருடம் பிறக்கும் போது பேராதனை வர்த்தக நிலையமொன்றில் மருத்துவ பீட இறுதியாண்டு மாணவர்கள் சிலர் சிகரெட் வாங்க முற்பட்டுள்ளனர். இதன்போது ஏற்பட்ட வாய்த்தர்க்கமே இதற்குக் காரணமாகும். கூடுதலான விலைக்கு சிகரட் விற்கப்பட்டதனால் ஆத்திரமடைந்த மாணவர்கள் வாய்த்தர்க்கத்தில் ஈடுபட்டுள்ளனர். இது பின்னர் மோதலாக மாறியிருக்கிறது.