இறுதிக்கட்ட போரில் காணாமல் போனோர் மற்றும், ஆயுதப்படைகளிடம் சரணடைந்தோரின் பெயர்ப் பட்டியலை தாம் வெளியிடத்த தயார் என வெளியாகிய செய்திகளில் எந்த உண்மையும் இல்லை என்று காணாமல் போனோருக்கான அலுவலகத்தின் தலைவர் சாலிய பீரிஸ் தெரிவித்துள்ளார்.

கடந்த 2ஆம் திகதி முல்லைத்தீவில் காணாமல்போனோரின் உறவினர்களால் ஆர்ப்பாட்டம் ஒன்று நடத்தப்பட்டது. இதன் போது ஆர்ப்பாட்டக்காரர்களையும் சிவில் சமூக அமைப்பினரையும் முல்லைத்தீவு மாவட்ட செயலகத்தில் சந்தித்த காணாமல் போனோருக்காக அலுவலகத்தின் தலைவர் சாலிய பீரிஸ் உள்ளிட்ட குழுவினர் அலுவலகத்தின் அமைப்பு ரீதியான திட்டங்களையும் உபாய மார்க்கங்களையும் தெளிவுபடுத்தியிருந்தனர்.

எனினும், ஊடகங்களில் சரணடைந்தோரின், காணாமல் ஆக்கப்பட்டோரின் பெயர் பட்டியலை குறித்த அலுவலகத்தின் தலைவர் வெளியிடப்போவதாக தகவல்கள் வெளியாகியிருந்தன.

இதற்கு மறுப்புத் தெரிவிக்கும் வகையில் காணாமல் போனோர் தொடர்பிலான அலுவலகம் வெளியிட்டுள்ள ஊடக அறிக்கையில் இறுதிக்கட்ட போரில் காணாமல் போனோரினதும் ஆயுதப்படைகளிடம் சரணடைந்தோரினதும் பெயர்ப் பட்டியலை தாம் வெளியிடத்த தயார் என சாலிய பீரிஸ் குறிப்பிடவில்லை, எனவும் அலுவலகத்தில் அவ்வாறான தகவல்கள் அடங்கிய பெயர்ப் பட்டியல் கிடையாது என்றே அவர் குறிப்பிட்டதாகவும் குறிப்பிடப்பட்டுள்ளது.

இந்திய கடற்படைக்கு சொந்தமான ஐ.என்.எஸ். வேலா என்ற நீர்மூழ்கிக் கப்பல் இன்று கொழும்பு துறைமுகத்தை வந்தடைந்தது. 53 மாலுமிகளுடன் வந்துள்ள இந்த நீர்மூழ்கி கப்பல் எதிர்வரும் 13ஆம் திகதி வரை இங்கு தரித்திருக்கும் என அறிவிக்கப்பட்டுள்ளது.

பாதுகாப்புச் செயலாளர் எயார் வைஸ் மார்ஷல் சம்பத் துய்யகொந்த அறுகம்பை பிரதேசத்திற்கு விஜயம் செய்துள்ளார். அப்பகுதியின் தற்போதைய பாதுகாப்பு நிலைமை தொடர்பில் கண்காணிப்பதற்காக அவர் அங்கு சென்றுள்ளதாக பாதுகாப்பு அமைச்சு தெரிவித்துள்ளது.

பச்சிளம் குழந்தையை தூக்கி வீசி , இளம் தாயார் மீதும் அவரது கணவர் உள்ளிட்டவர்கள் மீதும் சுன்னாகம் பொலிஸார் மூர்க்கத்தனமாக தாக்குதல் நடத்தியுள்ளனர்.

பெண்ணொருவர் மண்வெட்டியால் தாக்கி கொலை செய்யப்பட்ட சம்பவம் நேற்று மாலை வவுனியா ஈச்சங்குளத்தில் இடம்பெற்றுள்ளது. தனிப்பட்ட தகராறு காரணமாக இந்த கொலை இடம்பெற்றுள்ளது. வவுனியா ஈச்சங்குளத்தில் அம்மிவைத்தான் பகுதியில் வசித்த 58 வயது பெண்ணே உயிரிழந்துள்ளார்.

யாழ். கோப்பாய் பகுதியில் ஊடகவியலாளர் ஒருவர் மீது இனந்தெரியாத நபர்களால் தாக்குதல் நடத்தப்பட்டுள்ளது. ஊடகவியலாளர் கோப்பாய் சந்தி அருகில் பயணித்த போது இன்று காலை குறித்த சம்பவம் இடம்பெற்றுள்ளது.

சுன்னாகம் பகுதியில் இடம்பெற்ற விபத்து சம்பவத்தினை தொடர்ந்து பொலிஸார் நடந்து கொண்ட விடயம் தொடர்பில் விசேட பொலிஸ் குழுவினர் விசாரணைகளை முன்னெடுத்துள்ளதாக யாழ்ப்பாண பிராந்திய உதவி பொலிஸ் அத்தியட்சகர் எம் எஸ் எம் ஜருள் தெரிவித்துள்ளார்.

தோட்டத் தொழிலாளர்களுக்கு குடியுரிமை வழங்குவதை எதிர்த்த ஜே.வி.பி அவர்களிடம் மன்னிப்பு கேட்க வேண்டும் என முன்னாள் ஜனாதிபதி ரணில் விக்கிரமசிங்க தெரிவித்துள்ளார்.

இந்தியா, தமிழகம் மண்டபம் அகதிகள் முகாமில் இருந்து 9 பேர் இந்திய நாட்டுப்படகு மூலம் ​நேற்று மாலை நெடுந்தீவை வந்தடைந்துள்ளனர்.

காலி வீதி, அம்பலாங்கொடை - உரவத்த பிரதேசத்தில், இன்று பிற்பகல் இடம்பெற்ற துப்பாக்கிச் சூட்டில், கணவன் மனைவி இருவரும் உயிரிழந்துள்ளதாக, அம்பலாங்கொடை பொலிஸார் தெரிவிக்கின்றனர்.

வசீம் தாஜுதீன், லசந்த விக்ரமதுங்க ஆகியோரின் கொலைகள் மற்றும் பிரதீப் எக்னெலிகொட காணாமல் போன சம்பவங்களுக்கு காரணமானவர்களை அரசாங்கம் விசாரணை செய்து சட்டத்தின் முன் நிறுத்தும் என ஜனாதிபதி அனுரகுமார திஸாநாயக்க தெரிவித்துள்ளார்.

நவம்பர் 14 ஆம் திகதிக்கு பின்னர் எமது போராட்டம் ஆரம்பமாகும் என முன்னாள் ஜனாதிபதி ரணில் விக்ரமசிங்க தெரிவித்தார். டிஜிட்டல் தொழில்நுட்பத்தின் ஊடாக அனைத்து தொகுதிகளிலும் ஒரே நேரத்தில் உரையாற்றும் போதே அவர் மேற்கண்டவாறு குறிப்பிட்டார்.

கனடாவில் நடைமுறையில் இருந்து வந்த சர்வதேச மாணவர் விரைவு (Student Direct Stream) (SDS) விசா திட்டத்தைக் கைவிடுவதாக கனடா அரசு அறிவித்துள்ளது. இது தொடர்பில் கனேடிய அரசின் அதிகாரப்பூர்வ இணையதளத்தில் அறிவிப்பு ஒன்று வெளியிடப்பட்டுள்ளது.

ஜனநாயக தமிழ் தேசிய கூட்டணியின் வன்னி மாவட்ட வேட்பாளரும் தமிழீழ விடுதலை இயக்கத்தின் தலைவருமான செல்வம் அடைக்கலநாதன் வவுனியா நகரப் பகுதியில் பிரச்சாரத்தினை மேற்கொண்டார். வைரவ புளியங்குளம் பகுதியில் ஆரம்பமான இந்த பிரச்சார நடவடிக்கைகள், நகரின் பல்வேறு பகுதிகளிலும் முன்னெடுக்கப்பட்டது.

14.11.2024 அன்று நடைபெறவுள்ள சிறீலங்காவுக்கான பாராளுமன்றத் தேர்தலில் யாருக்கு வாக்களிப்பது என்ற முடிவை எடுப்பதில் தமிழ் மக்கள் கரிசனை கொள்ள வேண்டிய விடயங்கள் தொடர்பான தமிழ் சிவில் சமூக அமையத்தின் முன்வைப்பு.

மின்சார கட்டணத்தை 30 சதவீதத்திற்கு மேல் குறைப்பதற்கு நடவடிக்கை எடுக்கப்படும் என ஜனாதிபதி அனுரகுமார திஸாநாயக்க தெரிவித்துள்ளார்.

தேர்தலை முன்னிட்டு அனைத்து பல்கலைக்கழகங்களும் 13ஆம் மற்றும் 14 ஆம் திகதிகளில் மூடப்படும் என பல்கலைக்கழக மானியங்கள் ஆணைக்குழு அறிவித்துள்ளது

பொதுத் தேர்தல் கண்காணிப்பு நடவடிக்கைகளில் 50 வெளிநாட்டு கண்காணிப்பாளர்கள் ஈடுபடவுள்ளனர் என தேர்தல் ஆணைக்குழு தெரிவித்துள்ளது.ஐரோப்பிய ஒன்றியத்தின் தேர்தல் கண்காணிப்பாளர்கள் ஏற்கனவே இலங்கைக்கு வருகை தந்துள்ளனர் என ஆணைக்குழுவின் தவிசாளர் ஆர்.எம்.ஏ.எல் ரத்நாயக்க தெரிவித்துள்ளார்.

திரிபோஷா நிறுவனம் தொடர்பில் வெளியிடப்பட்ட சில செய்திகள் தொடர்பில் நிதியமைச்சு அறிவிப்பு ஒன்றை வெளியிட்டுள்ளது. அதற்கமைய, திரிபோஷா நிறுவனத்தை கலைக்க நடவடிக்கை எடுக்கப்படவில்லை என தெரிவிக்கப்பட்டுள்ளது. குழந்தைகள் மற்றும் கர்ப்பிணித் தாய்மார்களுக்கு திரிபோஷ வழங்கும் நிகழ்ச்சித் திட்டம் மேலும் பயனுள்ளதாக இருக்கும் என்றும் அந்த அறிவிப்பில் தெரிவிக்கப்பட்டுள்ளது.

வடக்கு மற்றும் வடமத்திய மாகாணங்களிலும் திருகோணமலை மாவட்டத்திலும் இன்று இடைக்கிடையே மழை பெய்யக்கூடும் என வளிமண்டலவியல் திணைக்களம் எதிர்வு கூறியுள்ளது.

பொதுத்தேர்தலில் வாக்களிக்க அனைத்து தனியார் மற்றும் பொது வங்கி மற்றும் நிதி ஊழியர்களுக்கு விடுமுறை அளிக்க வேண்டும் என, தேர்தல்கள் ஆணைக்குழு அறிவித்துள்ளது.