Untitled Document
November 20, 2026 [GMT]
செம்மணிப் புதைகுழி குறித்து அருட்தந்தை பேனாட்டிடம் வாக்குமூலம் பெற நீதிமன்றம் உத்தரவு!
[Friday 2026-11-20 08:00]

செம்மணி மனிதப்புதைகுழி தொடர்பான தகவல்களை குற்றப்புலனாய்வுப்பிரிவினருக்கு வழங்குமாறு கனடாவில் வசித்துவரும் கத்தோலிக்க மதகுரு அருட்தந்தை அல்போன்சஸ் ஐ.பேர்னாட்டுக்கு யாழ்ப்பாணம் நீதிவான் நீதிமன்ற நீதிபதி எஸ்.லெனின்குமார் உத்தரவு பிறப்பித்துள்ளார்.

செம்மணி மனிதப்புதைகுழி தொடர்பான தகவல்களை குற்றப்புலனாய்வுப்பிரிவினருக்கு வழங்குமாறு கனடாவில் வசித்துவரும் கத்தோலிக்க மதகுரு அருட்தந்தை அல்போன்சஸ் ஐ.பேர்னாட்டுக்கு யாழ்ப்பாணம் நீதிவான் நீதிமன்ற நீதிபதி எஸ்.லெனின்குமார் உத்தரவு பிறப்பித்துள்ளார்.

  

செம்மணி-சித்துபாத்தி மனிதப்புதைகுழி வழக்கு விவகாரத்தில் முன்னெடுக்கப்படவேண்டிய அடுத்தகட்ட நடவடிக்கைகள் குறித்து ஆராயும் விதமாக நேற்று வியாழக்கிழமை (19) பி.ப 2.00 மணி முதல் மாலை 5.30 மணி வரை யாழ்ப்பாணம் நீதிவான் நீதிமன்றத்தில் நீதிவான் எஸ்.லெனின்குமார் தலைமையில் நடைபெற்ற கலந்துரையாடல் அமர்வில் வலிந்து காணாமலாக்கப்பட்டோரின் குடும்பத்தினர் உள்ளடங்கலாக பாதிக்கப்பட்ட தரப்பினர் சார்பில் சிரேஷ்ட சட்டத்தரணிகளான ஜனாதிபதி சட்டத்தரணி கே.எஸ்.இரத்னவேல், ஜனாதிபதி சட்டத்தரணி எம்.ஏ.சுமந்திரன், சட்டத்தரணிகளான வி.எஸ்.நிரஞ்சன், ஞா.ரணித்தா, மரியதாஸ் யூட் டினேஷ், கலாநிதி கு.குருபரன், எஸ்.மணிவண்ணன், க.சுகாஷ், தி.டிலக்ஷனா, பெனிஸ்லஸ் துஷான் மற்றும் ஜெ.நிஷாந்தன் உள்ளிட்ட சட்டத்தரணிகள் குழாமும் அரச தரப்பின் சார்பில் சட்ட மருத்துவ அதிகாரி எஸ்.பிரணவன், காணாமல்போனோர் பற்றிய அலுவலகத்தின் உறுப்பினர் மிராக் ரஹீம் மற்றும் குற்றப்புலனாய்வுப்பிரிவின் அதிகாரிகள் உள்ளிட்டோரும் பிரசன்னமாகியிருந்தனர்.

இவ்வமர்வில் கனடாவில் வசித்துவரும் கத்தோலிக்க மதகுரு அருட்தந்தை அல்போன்சஸ் ஐ.பேர்னாட் சார்பில் மன்றில் முன்னிலையான சட்டத்தரணி மரியதாஸ் யூட் டினேஷ், தனது கட்சிக்காரர் அருட்தந்தை பேர்னாட் செம்மணி மனிதப்புதைகுழி பற்றிய பல்வேறு தகவல்களை அறிந்திருப்பதாகவும், அத்தகவல்களை வழங்குவதற்குத் தயாராக இருப்பதாகக் குறிப்பிட்டு அவர் சார்பில் சத்தியக்கடதாசியை மன்றில் தாக்கல் செய்திருப்பதாகவும் அறிவித்தார்.

அவரது வாதத்தை செவிமடுத்த நீதிவான், செம்மணி-சித்துபாத்தி மனிதப்புதைகுழி தொடர்பில் தகவல் அறிந்தவர்கள் குற்றப்புலனாய்வுப் பிரிவினரிடம் அத்தகவல்களை வழங்கமுடியும் என்றும், அதற்கமைய அருட்தந்தை பேர்னாட் செம்மணி மனிதப்புதைகுழி குறித்து அவர் அறிந்த விடயங்களை குற்றப்புலனாய்வுப் பிரிவினரிடம் வழங்கலாம் என்று அறிவித்தார்.

அதேவேளை ஏற்கனவே நீதிமன்றத்தினால் வழங்கப்பட்ட அனுமதிக்கு அமைவாக கிருஷாந்தி குமாரசுவாமி படுகொலை வழக்கில் குற்றவாளியாக அடையாளங்காணப்பட்டு மரணதண்டனை அனுபவித்துவரும் லான்ஸ் கோப்ரல் சோமரத்ன ராஜபக்ஷவிடம் வாக்குமூலம் பெறப்பட்டதா என குற்றப்புலனாய்வுப்பிரிவின் அதிகாரிகளிடம் நீதிவான் எஸ்.லெனின்குமார் கேள்வி எழுப்பினார்.

அதற்குப் பதிலளித்த புலனாய்வுப்பிரிவு அதிகாரிகள், சோமரத்ன ராஜபக்ஷவிடமிருந்து வாக்குமூலத்தைப் பெற்றுக்கொண்டதாகவும், அவ்வாக்குமூலத்தில் 1996 ஆம் ஆண்டு காலப்பகுதியில் செம்மணி சோதனைச்சாவடியில் தான் பணியாற்றியதாகவும், அவ்வேளையில் தமிழீழ விடுதலைப்புலிகள் இயக்கத்தைச் சேர்ந்தவர்கள் என சந்தேகிக்கப்பட்டவர்கள் சிலர் அங்கு கொண்டுவரப்பட்டு கொல்லப்பட்டதாகவும், அவ்வாறு கொல்லப்பட்டவர்கள் புதைக்கப்பட்ட இடங்களை அடையாளம் காண்பிக்க முடியாது என்றும் சோமரத்ன ராஜபக்ஷ கூறியதாக மன்றுக்குக் குறிப்பிட்டனர்.

இதன்போது குறுக்கிட்ட ஜனாதிபதி சட்டத்தரணி எம்.ஏ.சுமந்திரன், சோமரத்ன ராஜபக்ஷவிடம் குற்றப்புலனாய்வுப்பிரிவு அதிகாரிகளால் பெறப்பட்ட வாக்குமூலம் தொடர்பில் கடந்த முதலாம் திகதி 'வீரகேசரி' பத்திரிகையில் வெளியான செய்தியின் உள்ளடக்கத்துக்கும் சோமரத்ன ராஜபக்ஷ கூறியதாக குற்றப்புலனாய்வுப்பிரிவு அதிகாரிகள் மன்றில் முன்வைத்துள்ள விடயங்களுக்கும் இடையில் முரண்பாடுகள் காணப்படுவதாக மன்றில் பதிவுசெய்தார்.

  
   Bookmark and Share Seithy.com



97 மேலதிக வாக்குகளால் நிறைவேறியது வரவுசெலவுத் திட்டம்!
[Friday 2026-11-20 19:00]

தேசிய மக்கள் சக்தி அரசாங்கத்தின் 2027 ஆம் ஆண்டுக்கான வரவு செலவுத் திட்டத்தின் இரண்டாம் வாசிப்பு, பாராளுமன்றத்தில் 97 மேலதிக வாக்குகளால் நிறைவேற்றப்பட்டுள்ளது.​



சாந்தபுரம் கூட்டுப் பாலியல் துஷ்பிரயோகத்திற்கு நீதி கோரிய போராட்டத்தை பொலிஸ் தடுத்தது ஏன்?
[Friday 2026-11-20 19:00]

கிளிநொச்சி – சாந்தபுரம் பகுதியில் 7 பேரால் கூட்டுப் பாலியல் துஷ்பிரயோகத்திற்கு உட்படுத்தப்பட்ட பெண்ணுக்கு நியாயம் கோரியும், சம்பந்தப்பட்டவர்களைக் கைது செய்ய வலியுறுத்தியும் மக்கள் போராட்டத்தில் ஈடுபட்டபோது பொலிஸார் அதற்கு இடையூறு ஏற்படுத்தி, நியாயம் கோரிய மக்களின் போராட்டத்தைத் தடுத்ததன் நோக்கம் என்னவென இலங்கைத் தமிழரசுக் கட்சியின் யாழ். மாவட்ட பாராளுமன்ற உறுப்பினர் சிவஞானம் சிறீதரன் கேள்வி எழுப்பினார்.



எதிர்த்து வாக்களிக்க தமிழரசு முடிவு செய்தது ஏன்?
[Friday 2026-11-20 19:00]

2027 ஆம் ஆண்டிற்கான வரவு செலவுத் திட்டத்திற்கு எதிராக வாக்களிக்கத் தீர்மானித்துள்ளதாக இலங்கைத் தமிழரசுக் கட்சி தெரிவித்துள்ளது.



இந்த மாதம் பணவீக்கம் 9 சதவீதத்தை எட்டும்!
[Friday 2026-11-20 19:00]

இந்த மாத இறுதிக்குள் முதன்மைப் பணவீக்கம் 9 சதவீதத்தை எட்டக்கூடும் என இலங்கை மத்திய வங்கி ஆளுநர் கலாநிதி நந்தலால் வீரசிங்க தெரிவித்துள்ளார்.



காற்றின் தரம் மோசம்- முக கவசம் அணிய பரிந்துரை!
[Friday 2026-11-20 19:00]

நாட்டின் பல மாவட்டங்களில் காற்றின் தரம் குறைவடைந்துள்ளது தொடர்பில் மத்திய சுற்றாடல் அதிகாரசபை விசேட அறிவிப்பொன்றை வெளியிட்டுள்ளது.



கடினமான போராட்டங்களில் சிவாஜிலிங்கத்தின் அனுபவங்கள் ஒரு வழிகாட்டும் ஒளியாகத் தொடரும்!
[Friday 2026-11-20 19:00]

தமிழ் மக்களின் விடுதலை அபிலாசைகளை நனவாக்கும் முயற்சிகளில், தெற்கின் ஜனநாயக சக்திகள் மற்றும் உழைக்கும் வர்க்க இயக்கங்களுடன் இணைந்து தொடர்ந்து செயற்பட்ட வடக்கின் சிறந்த பிரதிநிதியாக எம்.கே. சிவாஜிலிங்கம் திகழ்ந்தார் என நவ சம சமாஜக் கட்சி (NSSP) மற்றும் ஐக்கிய சோசலிச கட்சி (USP) ஆகியன இணைந்து வெளியிட்டுள்ள கூட்டு ஊடக அறிக்கையில் தெரிவித்துள்ளன.



இன்று ஒரே நாளில் தங்கத்தின் விலை 7000 ரூபாவினால் சரிவு!
[Friday 2026-11-20 19:00]

இலங்கையிலும் தங்கத்தின் விலை இன்று 7,000 ரூபாயினால் குறைவடைந்துள்ளதாக தகவல்கள் தெரிவிக்கின்றன. கொழும்பு செட்டியார்த் தெருவின் இன்று (20) முற்பகல் 10.00 மணிக்குப் வௌியாகியுள்ள தரவுகளின் அடிப்படையில், 24 கரட் தங்கம் பவுண் ஒன்றின் விலை 345,000 ரூபாயாகவும், 22 கரட் தங்கம் பவுண் ஒன்றின் விலை 317,400 ரூபாயாகவும் பதிவாகியுள்ளது.



உயர்நீதிமன்றத்தின் வியாக்கியானம் சபாநாயகருக்கு கிடைத்தது!
[Friday 2026-11-20 19:00]

ஒழுங்கமைக்கப்பட்ட குற்றத் தடுப்புச் சட்டமூலம் தொடர்பில் உயர் நீதிமன்றத்தினால் வழங்கப்பட்ட வியாக்கியானம் சபாநாயகரிடம் கையளிக்கப்பட்டுள்ளதாக சபாநாயகர் அலுவலகம் அறிவித்துள்ளது.



20 இலட்சத்தைக் கடந்த சுற்றுலாப் பயணிகள்!
[Friday 2026-11-20 19:00]

இந்த ஆண்டில் நாட்டிற்கு வருகை தந்த சுற்றுலாப் பயணிகளில் 20 இலட்சமாவது சுற்றுலாப் பயணி இன்று நாட்டை வந்தடைந்துள்ளார்.



சாமர சம்பத்தின் பிணை மனு நிராகரிப்பு!
[Friday 2026-11-20 19:00]

இராஜாங்க அமைச்சராகக் கடமையாற்றிய காலப்பகுதியில், மூன்று நிறுவனங்களுக்குப் பொஸ்பேட் இறக்குமதி செய்வதற்காக உரிய நடைமுறைகளைப் பின்பற்றாது அனுமதிப்பத்திரங்களை வழங்கி, 84 இலட்சம் ரூபாய் இலஞ்சம் பெற்றதாகக் கூறப்படும் குற்றச்சாட்டின் பேரில் விளக்கமறியலில் வைக்கப்பட்டுள்ள பதுளை மாவட்ட பாராளுமன்ற உறுப்பினர் சாமர சம்பத் தசநாயக்கவின் பிணைக் கோரிக்கையை நிராகரித்த கொழும்பு பிரதான நீதவான் அசங்க எஸ். போதரகம, சந்தேகநபரை மீண்டும் விளக்கமறியலில் வைக்குமாறு இன்று உத்தரவிட்டார்.



ஐரோப்பிய ஒன்றியம் நிபந்தனை விதிக்க முன்னரே பயங்கரவாத தடைச்சட்டம் ரத்துச் செய்யப்படும்!
[Friday 2026-11-20 08:00]

பயங்கரவாத தடைச்சட்டத்தை இரத்துச் செய்வது தொடர்பில் ஜி.எஸ்.பி. பிளஸ் வரிச்சலுகையை மையப்படுத்தி ஐரோப்பிய ஒன்றியம் நிபந்தனை விதிப்பதற்கு முன்னரே அந்த சட்டத்தை இரத்துச் செய்ய உரிய நடவடிக்கைகள் எடுக்கப்பட்டுள்ளன. தற்போது அறிமுகப்படுத்தப்பட்டுள்ள பயங்கரவாதத்தில் இருந்து அரசை பாதுகாக்கும் சட்டமூலத்தில் பயங்கரவாத தடைச்சட்டத்தின் அம்சங்கள் உள்ளடக்கப்படவில்லை. ஜனநாயகம்,மனித உரிமைகளை பாதுகாத்துக் கொண்டு பூகோள பயங்கரவாத சவால்களுக்கு முகங்கொடுக்கும் வகையில் பயங்ககரவாதத்தில் இருந்து அரசை பாதுகாக்கும் சட்டமூலம் ஆக்கப்பட்டுள்ளது. இந்த சட்டமூலம் குறித்து உயர்நீதிமன்றம் வழங்கியுள்ள திருத்தங்களை செயற்படுத்துவோம் என வெளிவிவகாரம், வெளிநாட்டு வேலைவாய்ப்பு மற்றும் சுற்றுலாத்துறை அமைச்சர் விஜித்த ஹேரத் தெரிவித்தார்.



கொள்கை வட்டிவீதத்தை உயர்த்தியது மத்திய வங்கி!
[Friday 2026-11-20 08:00]

நவம்பர் மாதத்தில் நாணயக் கொள்கையை உயர்த்துவதற்கு இலங்கை மத்திய வங்கி தீர்மானித்துள்ளது. நேற்று (24) நடைபெற்ற நாணயக் கொள்கைச் சபைக் கூட்டத்தில் இந்த தீர்மானம் எட்டப்பட்டுள்ளது.



இரண்டாம் வாசிப்பு மீது இன்று வாக்கெடுப்பு!
[Friday 2026-11-20 08:00]

2027 ஆம் ஆண்டுக்கான வரவு செலவுத் திட்டத்தின் இரண்டாம் வாசிப்பு மீதான வாக்கெடுப்பு இன்று மாலை 6.00 மணிக்கு நடைபெறவுள்ளது.



3 சட்டமூலங்களை முழுமையாக மீளப்பெறக் கோரி கூட்டுப் பிரகடனம்!
[Friday 2026-11-20 08:00]

பயங்கரவாதத்தில் இருந்து அரசை பாதுகாக்கும் சட்டமூலம், பயங்கரவாதத் தடைச் சட்டம், ஒழுங்கமைக்கப்பட்ட குற்றச்செயல்களைத் தடுக்கும் சட்டமூலம் ஆகியவற்றைத் திருத்தங்களுடன் நடைமுறைப்படுத்துவதை ஏற்க முடியாது என்றும், அவற்றை முழுமையாக மீளப்பெற வேண்டும் என்றும் வலியுறுத்தி சிவில் அமைப்புகள் உள்ளிட்ட பல்வேறு தரப்பினர் கூட்டு பிரகடனத்தில் கைச்சாத்திட்டுள்ளனர்.



அரச நிறைவேற்று அதிகாரிகள் இன்று ஒரு நாள் வேலைநிறுத்தம்!
[Friday 2026-11-20 08:00]

தற்போது முன்வைக்கப்பட்டுள்ள 2027 வரவு செலவுத் திட்டத்தில் தமது கோரிக்கைகளுக்குத் தீர்வு கிடைக்காததன் காரணமாக, இன்று (20) நாடளாவிய ரீதியில் ஒருநாள் அடையாள வேலைநிறுத்தப் போராட்டத்தில் ஈடுபட அரச நிறைவேற்று அதிகாரிகளின் ஒன்றிணைந்த குழு தீர்மானித்துள்ளது.



பிரகீத் எக்னெலிகொட வழக்கு - சாட்சி விசாரணைகளை நிறைவு செய்ய மேல் நீதிமன்றம் உத்தரவு!
[Friday 2026-11-20 08:00]

ஊடகவியலாளர் பிரகீத் எக்னெலிகொட கடத்தப்பட்டு காணாமல் ஆக்கப்பட்ட சம்பவம் தொடர்பில் கொழும்பு விசேட மூவரடங்கிய மேல் நீதிமன்றத்தில் தாக்கல் செய்யப்பட்டுள்ள வழக்கின் சாட்சி விசாரணைகளை முழுமையாக நிறைவு செய்வதற்கு மேல் நீதிமன்றம் நேற்று உத்தரவிட்டுள்ளது.



சொரணதோட்ட பிரதேச சபையிலும் என்பிபி வரவுசெலவுத் திட்டம் தோல்வி!
[Friday 2026-11-20 08:00]

தேசிய மக்கள் சக்தியின் ஆளுகையின் கீழுள்ள சொரணாதோட்ட பிரதேச சபையின் 2027ஆம் ஆண்டிற்கான வரவு செலவுத் திட்டத்தின் இரண்டாம் வாசிப்பு 4 மேலதிக வாக்குகளால் தோல்வியடைந்துள்ளது.



சாதாரண தரப் பரீட்சை டிசம்பர் 8ஆம் திகதி ஆரம்பம்!
[Friday 2026-11-20 08:00]

2026ஆம் ஆண்டுக்கான கல்விப் பொதுத் தராதர சாதாரண தரப் பரீட்சை டிசம்பர் 8ஆம் திகதி முதல் 17ஆம் திகதி வரை நடைபெறவுள்ளதாகப் பரீட்சைகள் திணைக்களம் அறிவித்துள்ளது.



மேல் மாகாணத்தில் இந்த ஆண்டு 371 தீவிபத்துகளில் 26 பேர் பலி!
[Friday 2026-11-20 08:00]

மேல் மாகாணத்தில் மட்டும் இந்த ஆண்டு 371 தீப்பரவல் சம்பவம் இடம்பெற்றுள்ளதாகவும், அவற்றில் 26 பேர் உயிரிழந்துள்ளதாகவும் தீயணைப்புச் சேவைத் திணைக்களம் தெரிவித்துள்ளது.



ஒருவரைக் கடத்தி கொலை செய்த ஈபிடிபி உறுப்பினர்கள் 8 பேருக்கு மரண தண்டனை!
[Thursday 2026-11-19 18:00]

மட்டக்களப்பு- ஏறாவூர் பொலிஸ் பிரிவுக்குட்பட்ட பகுதியைச் சேர்ந்த தேவதாஸ் சுரேஸ்குமார் என்பவரைக் கடந்த 2008ஆம் ஆண்டு வானில் கடத்திச் சென்று கொலை செய்த சம்பவம் தொடர்பாக ஈபிடிபி உறுப்பினர்களான 8 பேருக்கு மட்டக்களப்பு மேல் நீதிமன்ற நீதிபதி ரி.ஜே. பிரபாகரன், மரண தண்டனை விதித்துத் தீர்ப்பளித்தார்.


Karan Remax-2010
Vaheesan-Remax-2016
 gloriousprinters.com 2021
Mahesan-Royallepage-01-01-2025-Seithy
Asiaan-Salon-2022-seithy
Kugeenthiran-200-2022-seithy
<b> Dec 30 2024 அன்று கனடா  ரொரன்டோவில் நடைபெற்ற  நெடுந்தீவு மக்கள் ஒன்றியம் -கனடா ஒளிவிழா நிகழ்வின் படத்தொகுப்பு.</b> படங்கள் - குணா
<b> Sep 11 2021 அன்று கனடா  ரொரன்டோவில் நடைபெற்ற Toronto Tamils Food Fest நிகழ்வின் படத்தொகுப்பு.</b> படங்கள் - குணா
<b> Sep 05 2020 அன்று கனடா  ரொரன்டோவில் நடைபெற்ற Majestic City திறப்புவிழா நிகழ்வின் படத்தொகுப்பு.</b> படங்கள் - குணா