நாட்டின் பெறுமதிமிக்க சொத்தான வில்பத்து சரணாலயத்துக்கு ஏதாவது அழிவை ஏற்படுத்தியிருந்தால் அதற்காக எந்தவொரு தண்டனையையும் ஏற்றுக்கொள்ளத் தயார் என்று அமைச்சர் ரிஷாட் பதியுதீன் நேற்று பாராளுமன்றத்தில் தெரிவித்தார்.

அறுவைக்காடு பிரதேசத்தில் 7,900 மில்லியன் ரூபா செலவில் முன்னெடுக்கப்படும் பாரிய திண்மக்கழிவகற்றல் திட்டத்துக்கு எதிர்ப்புத் தெரிவித்தமையாலேயே தனக்கு எதிராக வன அழிப்புக் குற்றச்சாட்டை முன்வைத்து பொய் பிரசாரங்கள் முன்னெடுக்கப்படுவதாகவும் அவர் தெரிவித்தார்.

27/2 நிலையியற் கட்டளையின் கீழ் ஜே.வி.பியின் தலைவர் அநுரகுமார திசாநாயக்க எழுப்பிய கேள்வியொன்றுக்குப் பதிலளிக்கும் போதே அமைச்சர் மேற்கண்ட விடயங்களைத் தெரிவித்தார்.

வில்பத்து சரணாலயம் மன்னார் மாவட்டத்தில் இல்லை. அநுராதபுரம் மற்றும் புத்தளம் மாவட்டங்களிலேயே சரணாலயம் உள்ளது. இவ்வாறான நிலையில் எல்.ரி.ரி.ஈயினரால் வெளியேற்றப்பட்ட மன்னார் மாவட்ட மக்களை அவர்களின் சொந்த இடங்களில் மீளக்குடியமர்த்தியமைக்கு எதிராக முன்னெடுக்கப்படும் பிரசாரம் யாரை திருப்திப்படுத்துவதற்கானது? என்றும் அவர் கேள்வியெழுப்பினார்.

தொடர்ந்தும் உரையாற்றிய அவர், 'அறுவைக்காடு பிரதேசத்தில் பாரிய திண்மக்கழிவகற்றல் திட்டமொன்று முன்னெடுக்கப்பட்டுள்ளது. ஏன் 70 கிலோமீற்றருக்கு அப்பால் குப்பைகளைக் கொண்டு செல்கின்றீர்கள். புதிய தொழில்நுட்பங்கள் உள்ள நிலையில் நீண்டதூரம் குப்பைகளைக் கொண்டுசெல்வது ஏன்? அங்குள்ள மக்கள் பல நாட்களாக வீதிகளில் இறங்கிப் பேராடிவருகின்றனர் என்ற விடயத்தை இரண்டு வாரங்களுக்கு முன்னர் நான் வெளிப்படுத்தியிருந்தேன். அதன் பின்னரே எனக்கு எதிராக வில்பத்து விவகாரம் குறித்த சேறுபூசும் போலிப் பிரசாரம் கட்டவிழ்த்துவிடப்பட்டுள்ளது. இதில் கூறப்படும் விடயங்கள் எதுவும் உண்மையில்லை.

1990ஆம் ஆண்டு இரண்டு மணி நேரத்தில் எல்.ரி.ரி.ஈயினரால் வடக்கிலிருந்து வெளியேற்றப்பட்ட முஸ்லிம் மக்கள் 2012ஆம் ஆண்டே மீண்டும் அவர்களின் சொந்த இடங்களுக்கு மீள்குடியேற்றத்துக்குச் சென்றனர். 2009ஆம் ஆண்டு யுத்தம் முடிவடைந்த பின்னர் வடக்கிலிருந்து இடம்பெயர்ந்த 3 இலட்சம் பேரையும் மீளக் குடியமர்த்துவதற்காக ஜனாதிபதி செயலணியொன்று அமைக்கப்பட்டது. அக்காலப் பகுதியில் மீள்குடியேற்ற அமைச்சராக நான் பொறுப்பு வகித்தேன். எனினும் 2010ஆம் ஆண்டு எனக்கு வேறு அமைச்சுப் பதவி கிடைத்த பின்னர், மீள்குடியேற்ற அமைச்சர்களாகப் பதவியேற்றவர்களின் காலப் பகுதியிலேயே முஸ்லிம்களின் மீள்குடியேற்றம் தொடர்பில் ஜனாதிபதி செயலணியின் ஊடாக தீர்மானிக்கப்பட்டது.

கடந்த சில நாட்களாக முன்னெடுக்கப்படும் சேறுபூசும் பிரசாரம் அப்பட்டமான பொய்யாகும். சமூக ஊடகங்களின் ஊடாக போலிப் பிரசாரம் முன்னெடுக்கப்படுகிறது. எதிர்க்கட்சியினர் இப்பிரசாரங்களை முன்னெடுக்கவில்லை. யார் செய்கின்றார்கள் என்பது மக்களுக்கு நன்கு தெரியும்.

நானோ அல்லது நான் சார்ந்த சமூகமே எந்தவொரு தவறான செயற்பாட்டிலும் ஈடுபடவில்லை. வில்பத்த சரணாலயம் என்பது நாட்டின் அரியதொரு சொத்தாகும். அதனை அழிக்கும் வகையில் நான் செயற்பட்டிருந்தால் அதற்காக வழங்கப்படும் தண்டனையை ஏற்றுக்கொள்ளத் தயாராகவிருக்கின்றேன். தேவையற்ற போலிப் பிரசாரங்களை முன்னெடுப்பது தடுக்கப்பட வேண்டும் என்றும் அவர் கேட்டுக்கொண்டார்.

இலங்கைக்கு வரும் சுற்றுலாப் பயணிகளுக்கு விசா வசதிகளை வழங்க தனியார் நிறுவனத்திற்கு அனுமதி வழங்குவது இலங்கையின் சுற்றுலா வர்த்தகத்தை பாதிக்கும் என சுற்றுலா முகவர் நிறுவனங்களின் சம்மேளனம் ஜனாதிபதிக்கு அறிவித்துள்ளது.

இலங்கையை பொருளாதார நெருக்கடியிலிருந்து மீட்டெடுத்து, பொருளாதாரத்தை நிலைப்படுத்த ஜனாதிபதி ரணில் விக்ரமசிங்க முன்னெடுத்து வரும் வேலைத்திட்டம் மற்றும் அதற்காக மேற்கொள்ளப்படும் பொருளாதார மறுசீரமைப்புகளுக்கு ஜப்பான் வௌிவிவகார அமைச்சர் யோகோ கமிகாவா பாராட்டு தெரிவித்தார்.

இடைநிறுத்தப்பட்டுள்ள இலகு ரயில் போக்குவரத்து திட்டத்தை மீண்டும் ஆரம்பிக்க இலங்கை திட்டமிட்டுள்ளதாக, வெளிவிவகார அமைச்சர் அலி சப்ரி தெரிவித்துள்ளார்.

ஸ்ரீலங்கா பொதுஜன பெரமுனவை பிரதிநிதித்துவப்படுத்தி பாராளுமன்றத்திற்கு தெரிவு செய்யப்பட்ட இராஜாங்க அமைச்சர், லோகன் ரத்வத்தே, ஜனாதிபதி ரணில் விக்கிரமசிங்கவிற்கு இயன்றவரை ஆதரவளிப்பதாக அறிவித்துள்ளார்.

நாட்டின் பல பிரதேசங்களில் வெப்பநிலை இன்று அதிக அவதானம் செலுத்த வேண்டிய மட்டத்திற்கு மேலும் அதிகரிக்கக்கூடும் என வளிமண்டலவியல் திணைக்களம் எதிர்வு கூறியுள்ளது.

ஐக்கிய மக்கள் சக்தியின் எதிர்கால திட்டங்கள் குறித்து ஜப்பானிய வெளிவிவகார அமைச்சர் யோகோ கமிகாவாவுக்கு எதிர்க்கட்சித் தலைவர் சஜித் பிரேமதாஸ விளக்கமளித்துள்ளார்.

இந்தியாவில் நடைபெற்று வரும் மக்களவைத் தேர்தலை (பொதுத்தேர்தல்) பார்வையிடுவதற்கான' சர்வதேச தேர்தல் பார்வையாளர் திட்டம்' இந்திய தேர்தல் ஆணையகத்தின் ஏற்பாட்டில் இன்று ஆரம்பமானது. எதிர்வரும் 9 ஆம் திகதி வரை முன்னெடுக்கப்படவுள்ள இத்திட்டத்தில் இலங்கை சார்பில் 10 பேர் கொண்ட குழுவினர் பங்கேற்றுள்ளனர்.

என் அரசியல் பயணம் ஆளுந்தரப்பினருக்குப் பிடிக்கவில்லை. அதனால் அவர்கள் என்னைச் சிறையில் அடைக்கச் சகல வழிகளிலும் முயல்கின்றனர். சிறையில் அடைக்கும் அளவுக்கு நான் குற்றம் எதுவும் செய்யவில்லை என முன்னாள் ஜனாதிபதி மைத்திரிபால சிறிசேன தெரிவித்தார்.

இந்த வருடத்தின் முதல் நான்கு மாதத்திற்குள் 2 ஆயிரத்து 771 இலங்கையர்கள் வேலைவாய்ப்புகளுக்காக இஸ்ரேலுக்கு சென்றுள்ளனர் என வெளிநாட்டு வேலைவாய்ப்பு பணியகம் தெரிவித்துள்ளது.

ஜனாதிபதி ரணில் விக்ரமசிங்கவுக்கும் ஸ்ரீலங்கா பொதுஜன பெரமுனவின் முன்னாள் தேசிய அமைப்பாளர் பசில் ராஜபக்சவுக்கும் இடையில் இன்று விசேட சந்திப்பொன்று இடம்பெறவுள்ளது. கொழும்பு – மஹகமசேகர மாவத்தையில் உள்ள ஜனாதிபதியின் உத்தியோகபூர்வ இல்லத்தில் இந்த சந்திப்பு இடம்பெறவுள்ளது.

பொது வேட்பாளரை நிறுத்த வேண்டும் என நேற்று யாழ்ப்பாணத்தில் நடைபெற்ற ஊடக சந்திப்பில் சுரேஷ் பிரேமச்சந்திரன் தெரிவித்தார்.

வாக்காளர்களுக்கு இலஞ்சம் வழங்குவதற்காக அரசாங்கம் அரசசொத்துக்களை பயன்படுத்துகின்றது என பவ்ரல் அமைப்பின் நிறைவேற்று பணிப்பாளர் ரோகண ஹெட்டியாராச்சி தெரிவித்துள்ளார்.

எதிர்வரும் 15ஆம் திகதி நாடாளுமன்றம் கலைக்கப்படும் என கொழும்பு அரசியல் வட்டாரத்தில் பேசப்பட்டு வருவதாக கொழும்பு ஊடகமொன்று தெரிவித்துள்ளது.

எதிர்வரும் ஜனாதிபதித் தேர்தலில் முன்னிலை சோஷலிசக் கட்சியும் களமிறங்கும் என்று அந்தக் கட்சியின் செயலாளர் குமார் குணரத்தினம் தெரிவித்தார்.

ஜப்பானிய வெளிவிவகார அமைச்சர் யோகோ கமிகாவா இரண்டு நாட்கள் உத்தியோகபூர்வ விஜயமொன்றை மேற்கொண்டு இலங்கை வந்துள்ளார்.

எதிர்வரும் ஜனாதிபதித் தேர்தலில் வெற்றிபெறும் வேட்பாளரை ஸ்ரீலங்கா பொதுஜன பெரமுன முன்வைக்கும் என முன்னாள் ஜனாதிபதி மஹிந்த ராஜபக்ஷ தெரிவித்துள்ளார்.

வவுனியா - புதுக்குளம் ஆரம்பப் பாடசாலையின் அதிபரின் பணி ஓய்வு நாளை முன்னிட்டு அவரை கௌரவிக்கும் நிகழ்வுகள் குறித்த பாடசாலையில் ஏற்பாடு செய்யப்பட்டிருந்தது. இதன்போது மாணவர்கள், பெற்றோர்கள் மற்றும் ஆசிரியர்கள் அதிபரை பல்லக்கில் சுமந்து செல்ல ஏற்பாடு செய்திருந்தனர்.

முழங்காவில் கடற்படை முகாமில் பணியாற்றிய கடற்படை சிப்பாய் ஒருவர் நேற்றைய தினம் கடமையில் ஈடுபட்டுக் கொண்டிருந்த கடல் பரப்பில் பாதுகாப்பு அறையில் வைக்கப்பட்டிருந்த துப்பாக்கியை எடுத்து தன்னைத் தானே சுட்டு உயிரைமாய்த்துக் கொண்டுள்ளார்.

யாழ்ப்பாணம் ஆவரங்கால் கிழக்கு பகுதியில் வீடொன்றின் மீது பெற்றோல் குண்டு தாக்குதல் நடத்தப்பட்டுள்ளது. தாக்குதலுக்கான காரணம் தெரிய வராத நிலையில் சம்பவம் தொடர்பாக அச்சுவேலி பொலிஸார் விசாரணைகளை ஆரம்பித்துள்ளனர்.

இலங்கை வங்குரோத்து நிலையிலிருந்து மீண்டுவிட்டது என்ற உத்தரவாதத்தை சர்வதேசம் வழங்கிய பின்னரே ஜனாதிபதி தேர்தலில் களமிறங்கும் அறிவிப்பை ரணில் விக்ரமசிங்க உத்தியோகபூர்வமாக அறிவிக்கவுள்ளார்.