தமிழ், ஹிந்தி என இரண்டு மொழிகளிலும் பிரபலமான நடிகையாக திகழ்ந்து வருகிறார் நடிகை எமி ஜாக்சன். நடிகர் ரஜினிகாந்த் உடன் எந்திரன் இரண்டாம் பாகமான ‛2.O' படத்தில் நடித்து வந்தவர், தன் போர்ஷனை முடித்துவிட்டு சொந்த ஊரான லண்டன் பறந்துவிட்டார். தற்போது இந்தியா-பிரிட்டிஷ் கூட்டு தயாரிப்பில் ‛பூகி மேன்' என்ற படம் உருவாக உள்ளது. இதில் எமி ஜாக்சன் முக்கியமான ரோலில் நடிக்கிறார். இந்தப்படத்திற்காக எமி ஜாக்சன், தன் உடல் எடையை அதிகரிக்க உள்ளார். சுமார் 10 கிலோ வரை எடையை அதிகரிக்க உள்ளார். விரைவில் படப்பிடிப்பு ஆரம்பமாக உள்ளது.