வடமாகாண முதலமைச்சர் சி.வி.விக்கினேஸ்வரனுக்கு எதிராக முன்வைக்கப்பட்டுள்ள நம்பிக்கையில்லா தீர்மானத்துக்கு எதிராக, தமிழ் மக்கள் பேரவையின் ஏற்பாட்டில் இன்று நல்லூர் ஆலய முன்றலில் இருந்து மாபெரும் கவனயீர்ப்பு பேரணி ஒன்று முன்னெடுக்கப்பட்டது. முதலமைச்சருக்கு எதிராக கொண்டு வரப்பட்டுள்ள நம்பிக்கையில்லா தீர்மானத்தினை கைவிடுமாறு வலியுறுத்தி இந்த கவனயீர்ப்பு நிகழ்வு இடம்பெற்றது.

நல்லூர் கந்தசாமி ஆலய முன்றலில் ஆரம்பித்த பேரணி, யாழ் கோவில் உள்ள வடமாகாண முதலமைச்சர் வாசஸ்தலம் வரை சென்று நிறைவடைந்தது. அங்கு வடமாகாண முதலமைச்சர் சி.வி.விக்கினேஸ்வரன் கருத்து தெரிவிக்கையில் எமது கடமைதான் எமக்கு முக்கியம் அதனை தான் நீங்கள் உணர்த்தியுள்ளீர்கள் அதற்காக எமது இந்த பயணம் தொடரும் என்று தெரிவித்தார்.

அரசியல் தலைவர்கள், சிவில் சமூகத்தினர் , இளைஞர்கள், ஊடகவியாளர்கள், சமூக ஆய்வாளர்கள் நலன் விரும்பிகள் பலரும் இதில் கலந்து கொண்டனர்.