நடிகர் கமல்ஹாசன் நடிப்பை தாண்டி பல விஷயங்களை தமிழ் சினிமா ரசிகர்கள் தெரிந்துகொள்ள காரணமாக இருந்தவர். நிறைய தொழில்நுட்ப விஷயங்களை முதல் ஆளாக அறிமுகம் செய்து வந்தார். நடிப்பு, நடனம், கதை, திரைக்கதை, பாடல்கள் என அனைத்திலும் மாஸ் காட்டக்கூடியவர். இப்போது இந்தியன் 2, தக் லைஃப், கல்லி 2898 என தொடர்ந்து நிறைய படங்கள் நடித்து வருகிறார்.

சினிமாவில் இதுவரை நாயகனாக 233 படங்களில் நடித்துள்ள இவர் இடையில் சினிமாவில் நடிக்காமல் அரசியல் என பிஸியாக இருந்தார்.

விக்ரம் படம் மூலம் மீண்டும் நடிக்க தொடங்கியவரின் படங்கள் லிஸ்ட் நீண்டுகொண்டே போகிறது.

இந்த நிலையில் கமல்ஹாசன் கல்கி 2898 படத்தில் நடிப்பதற்காக ரூ. 100 கோடி வரை சம்பளம் வாங்க இருப்பதாக கூறப்பட்ட நிலையில் அதில் இல்லை என சில முக்கிய தகவல்கள் தெரிவிக்கின்றன.

தற்போது சமூக வலைதளங்களில் வலம் வரும் தகவல் என்னவென்றால் இந்த படத்தில் அவர் மொத்தமாக 15 நிமிடங்கள் மட்டுமே வருகிறாராம். அதற்காக அவர் ரூ. 20 கோடி சம்பளம் பேசியிருக்கிறாராம்.

ஒரு 15 நிமிடத்திற்கு ரூ. 20 கோடியா என ரசிகர்கள் ஆச்சரியத்தில் வாயடைத்து போயிருக்கின்றனர்.