Untitled Document
August 24, 2017 [GMT]
  • Welcome
  • Welcome
கிளிநொச்சி காணி விடுவிப்புக் கூட்டத்தில் மோதிக் கொண்ட அரச அதிகாரிகள்! Top News
[Friday 2017-04-21 08:00]

இராணுவ கட்டுப்பாட்டில் உள்ள பொது மக்களின் காணிகளை விடுவிப்பது தொடர்பாக கிளிநொச்சியில் நேற்று நடந்த கூட்டத்தின் பின்னர் வனவளத்திணைக்கள அதிகாரிக்கும் மாவட்டச் செயலாளருக்கும் இடையில் கடுமையான வாக்குவாதம் இடம்பெற்றது.

இராணுவ கட்டுப்பாட்டில் உள்ள பொது மக்களின் காணிகளை விடுவிப்பது தொடர்பாக கிளிநொச்சியில் நேற்று நடந்த கூட்டத்தின் பின்னர் வனவளத்திணைக்கள அதிகாரிக்கும் மாவட்டச் செயலாளருக்கும் இடையில் கடுமையான வாக்குவாதம் இடம்பெற்றது.

  

கிளிநொச்சி வனவளத்திணைக்களம் பல்வேறு அபிவிருத்தி நடவடிக்கைகளுக்கு இடையூறாக செயற்படுவதாக மாவட்டச்செயலகத்தில் இடம்பெற்ற கூட்டத்தின் போது மாவட்ட அரச அதிபர் சுந்தரம் அருமைநாயகம் வனவளத் திணைக்களத்தின் மாவட்ட பொறுப்பதிகாரியை கடிந்து கொண்டார்.

அரச காணிகள் அனைத்தும் தங்களுடைய வனவளத்திணைக்களத்திற்குரிய காணி என்றும் அதில் எந்த பணிகளை மேற்கொள்வதாக இருந்தாலும் தங்களின் அனுமதியை பெறவேண்டும் என்பதோடு, தங்களின் நடைமுறைக்கு அமைவாகவே செயற்பாடுகளை முன்னெடுக்க வேண்டும் என்றும் வனவளத்திணைக்கள அதிகாரி கூறியிருந்தார்.

ஆனால் 1992 ஆம் ஆண்டு 58 இலக்க தத்துவ உரிமம் மாற்றம் சட்டத்திற்கு அமைவாக அரச காணிக்கான அதிகாரம் பிரதேச செயலாளருக்கு வழங்கப்பட்டிருக்கின்றது அதன்படி செயற்பாடுகளை முன்னெடுக்கின்ற போது வனவளத் திணைக்களம் தடையாக இருக்கிறது எனக் குற்றம் சாட்டப்பட்டது

ஆனால் வனவளத் திணைக்களத்தின் மாவட்ட பொறுப்பதிகாரி 52001 சுற்று நிரூபத்திற்கு அமைவாக அனைத்து அரச காடுகளும், மற்றும் எதிர்காலத்தில் வனமாக மாறக் கூடிய நிலங்களும் வனவளத்திணைக்களத்திற்கு வழங்கப்பட்டுள்ளது. எனவே அதன்படியே நாங்கள் செயற்படுகின்றோம். 2009 வன திருத்தப்பட்ட சட்டத்தின் படி காடு என்பது தனியே மரங்களை கொண்ட பிரதேசங்கள் மட்டுமல்ல காடு என்பதற்கு அச் சட்டத்தில் தனியான வரைவிலக்கனம் கொடுக்கப்பட்டுள்ளது எனவே நாங்களும் எங்களது சட்டத்திட்டங்களுக்கு அமைவாகவே பணிகளை மேற்கொள்கின்றோம் எனத் தெரிவித்தார்.

இந்த நிலையில் குறித்த அதிகாரி மீது சட்டரீதியாக நீதிமன்றத்தை நாடி நடவடிக்கைகளை மேற்கொள்ளுமாறு பாராளுமன்ற உறுப்பினர் எம்ஏ. சுமந்திரன் மாவட்ட அரச அதிபருக்கு அறிவுறுத்தினார்.

  
   Bookmark and Share Seithy.com



கட்சிகளின் தீர்மானங்கள் முதலமைச்சரைக் கட்டுப்படுத்தாது! - விக்னேஸ்வரன்
[Thursday 2017-08-24 09:00]

கட்சிகளின் தலைமைத்துவம் கூறுகின்றார்கள் என்ற ஒரே காரணத்துக்காக எனது தீர்மானங்களைப் பிறழச் செய்வதற்கு நான் தயாரில்லை என்று, வடமாகாண முதலமைச்சர் சி.வி.விக்னேஸ்வரன் தெரிவித்துள்ளார். தமிழீழ விடுதலை இயக்கத்தின் செயலாளர் நாயகம் ந.ஸ்ரீகாந்தா,செவ்வாய்க்கிழமை அனுப்பியிருந்த கடித்துக்கு, முதலமைச்சர் சி.வி. விக்னேஸவரன் நேற்று அனுப்பிவைத்துள்ள பதில் கடிதத்தில் இதனைத் தெரிவித்துள்ளார்.



சித்தங்கேணி கிணற்றில் பெண்ணின் சடலம்! - கொலை செய்யப்பட்டதாக சந்தேகம்
[Thursday 2017-08-24 09:00]

சித்தங்கேணி பகுதியிலுள்ள பாழடைந்த கிணற்றுக்குள் இருந்து இன்று காலை பெண்ணொருவரின் சடலம் கண்டுபிடிக்கப்பட்டுள்ளது. கடந்த இரண்டு நாட்களாக துர்நாற்றம் வீசுவதனை உணர்ந்த அயலவர்கள் அருகில் தேடுதல்களை மேற்கொண்டனர். இதன்போதே பாழடைந்த கிணற்றுக்குள் பெண்ணொருவரின் சடலம் இருப்பதும், அதிலிருந்தே துர்நாற்றம் வீசுவதும் அயலவர்களால் கண்டறியப்பட்டது.



கேப்பாப்புலவு இராணுவ முகாமை அகற்றுவதற்கு நிதி - அமைச்சரவை அங்கிகாரம்!
[Thursday 2017-08-24 09:00]

கேப்பாப்புலவு கிராமமக்களை மீள்குடி யேற்றுவதற்காக, அவ்விடத்தில் உள்ள இராணுவ முகாமை பிறிதோர் இடத்தில் ஸ்தாபிப்பதற்குத் தேவையான நிதியை ஒதுக்கிக் கொள்வதற்கு அமைச்சரவை அங்கிகாரம்அளித்துள்ளது. சிறைச்சாலைகள் மறுசீரமைப்பு, புனர்வாழ்வளிப்பு, மீள்குடியேற்ற மற்றும் இந்துமத அலுவல்கள் அமைச்சர் டி.எம்.சுவாமிநாதனால் தாக்கல் செய்யப்பட்ட அமைச்சரவைப் பத்திரத்துக்கே அங்கிகாரம் கிடைத்துள்ளது.



அலரி மாளிகையில் அச்சுறுத்தப்பட்டாரா சட்டமா அதிபர்?
[Thursday 2017-08-24 09:00]

அலரி மாளிகையில் சட்டமா அதிபரை ஐ.தே.க நாடாளுமன்ற உறுப்பினர்கள் அச்சுறுத்தியதாக விஜேதாஸ ராஜபக்ஷ சுமத்தியுள்ள குற்றச்சாட்டை பிரதியமைச்சர் அஜித் பி பெரேரா நிராகரித்துள்ளார். சட்டமா அதிபரை அலரிமாளிகைக்கு அழைத்து ஐக்கிய தேசியக் கட்சியின் பின்வரிசை நாடாளுமன்ற உறுப்பினர்கள், அவரை அச்சுறுத்தியதாக நேற்று பதவி விலகிய அமைச்சர் விஜேதாஸ ராஜபக்ஷ குற்றம் சுமத்தியிருந்தார்.



அவன்கார்ட் வழக்கு மீள் விசாரணை!
[Thursday 2017-08-24 09:00]

அவன்கார்ட் வழக்கில் யார் தலையீடு செய்தர்கள் என்பது மீள்விசாரணையில் தெரியவரும் என அமைச்சரவை இணைப் பேச்சாளர் ராஜித சேனாரத்ன தெரிவித்துள்ளார். அரசாங்கத் தகவல் திணைக்களத்தில் நேற்று நடைபெற்ற செய்தியாளர் சந்திப்பில் அவர் இதனைக் குறிப்பிட்டுள்ளார்.



துறைமுக நகர காணித் துண்டுகள் அடுத்த ஆண்டு ஏலம்!
[Thursday 2017-08-24 09:00]

துறைமுக நகர காணித்துண்டுகளை ஏலத்தில் விடும் வேலைத்திட்டம் அடுத்த ஆண்டு ஆரம்பமாகும் என்று மேல்மாகாண அபிவிருத்தி அமைச்சர் பாட்டலி சம்பிக்க ரணவக்க தெரிவித்துள்ளார். மீகொட பிரதேசத்தில் நடைபெற்ற நிகழ்வொன்றில் கலந்து கொண்டு கருத்துத் தெரிவித்தபோதே அவர் இவ்வாறு தெரிவித்துள்ளார்.



இலங்கையில் 15 வீதமானோருக்கு குழந்தைப்பேறு இல்லை!
[Thursday 2017-08-24 09:00]

இலங்கையில் 15 சதவீதத்துக்கும் அதிகமானோர், பிள்ளைப்பேறு அற்ற நிலையில் உள்ளனர் என இணங்காணப்பட்டுள்ளதாக, சுகாதார, அமைச்சினால், அமைச்சரவையின் கவனத்துக்கு கொண்டு வரப்பட்டுள்ளது. இவற்றைக் கருத்தில் கொண்டு, பிள்ளைப்பேறு அற்ற தன்மை (மலட்டுத்தன்மை) தொடர்பில் அறிவுறுத்தும் வேலைத்திட்டத்தை நாடளாவிய ரீதியில் முன்னெடுப்பதற்கு அமைச்சரவை அங்கிகாரம் அளித்துள்ளது.



பொலித்தீன் தடை அடுத்தவாரம் முதல் அமுல்!
[Thursday 2017-08-24 09:00]

நாட்டில் பொலித்தீன் பாவனையை தடைசெய்யும் வகையில் எடுக்கப்பட்டுள்ள தீர்மானம் எதிர்வரும் செப்டம்பர் மாதம் 1 ஆம் திகதி முதல் அமுலுக்கு வரவுள்ளது. இருப்பினும் 2018 ஜனவரி 1 ஆம் திகதி தொடக்கமே அதற்கான சோதனை நடவடிக்கைகள் முன்னெடுக்கப்படும் என அமைச்சர் ராஜித சேனாரத்ன தெரிவித்தார்.



சுமந்திரன் கொலை முயற்சி - சந்தேக நபர்களுக்கு விளக்கமறியல் நீடிப்பு!
[Thursday 2017-08-24 09:00]

நாடாளுமன்ற உறுப்பினர் எம்.ஏ.சுமந்திரன் கொலை முயற்சி வழக்கு சந்தேகநபர்கள் ஐவரின் விளக்கமறியல் நீடிக்கப்பட்டுள்ளது. இந்த வழக்கு நேற்று கிளிநொச்சி நீதிவான் மன்றில் விசாரணைக்கு எடுத்துக்கொள்ளப்பட்டது. இதன்போது எதிர்வரும் 4ஆம் திகதி வரையில் விளக்கமறியலை நீடித்து நீதிமன்று உத்தரவிட்டது.



வடக்கு மாகாணசபையின் புதிய அமைச்சர்கள் பதவியேற்பு! Top News
[Wednesday 2017-08-23 18:00]

வடமாகாண சுகாதாரம் மற்றும் விவசாய அமைச்சர்களாக சிவநேசன் மற்றும் குணசீலன் ஆகியோர் வடமாகாண ஆளுநர் முன்னிலையில் இன்று சத்தியபிரமாணம் செய்து கொண்டனர். வடமாகாண ஆளுநர் அலுவலகத்தில் இன்றையதினம் அமைச்சுப் பதவிகள் பொறுப்பேற்கும் நிகழ்வு இடம்பெற்றது.



பதவியில் இருந்து நீக்கப்பட்டார் விஜேதாச ராஜபக்ச! Top News
[Wednesday 2017-08-23 18:00]

ஐக்கிய தேசிய கட்சியின் தலைமைத்துவத்தின் கோரிக்கைக்கு அமைய ஜனாதிபதி மைத்திரிபால சிறிசேன அமைச்சர் விஜேதாச ராஜபக்சவை பதவி நீக்கம் செய்ய இன்று நடவடிக்கை எடுத்துள்ளார். அமைச்சர் விஜேதாச ராஜபக்சவை நீதி மற்றும் புத்தசாசன அமைச்சிலிருந்து பதவி நீக்கம் செய்யும் கடிதம் ஜனாதிபதி செயலகத்தால் அவருக்கு அனுப்பப்பட்டது. இதையடுத்து விஜேதாச ராஜபக்ச தனக்கு வழங்கப்பட்டிருந்த வாகனத்தை அமைச்சில் ஒப்படைத்து அமைச்சிலிருந்து வெளியேறினார்.



குற்றம் நிரூபிக்கப்படும் வரை அமைச்சர் சிவனேசன் நிரபராதியே! -முதலமைச்சர்
[Wednesday 2017-08-23 18:00]

புதிதாக பதவிப் பிரமாணம் செய்துள்ள வடமாகாணசபை அமைச்சர் சிவனேசன் மீதான குற்றங்கள் நிரூபிக்கப்படவில்லை. அவர் மீதான குற்றச்சாட்டுக்கள் நிரூபிக்கப்படும் வரை அவர் நிரபராதியே என வடக்கு மாகாண முதலமைச்சர் சீ.வி.விக்னேஸ்வரன் தெரிவித்துள்ளார்.



உண்ணாவிரத்தில் ஈடுபட்டுள்ள தமிழ் அரசியல் கைதிகள் மூவருக்கும் எதிரான சாட்சியப்பதிவுகள் அடுத்த மாதம்! Top News
[Wednesday 2017-08-23 18:00]

அநுராதபுரம் சிறைச்சாலையில் உண்ணாவிரத போராட்டத்தில் ஈடுபட்டுள்ள தமிழ் அரசியல் கைதிகள் மூவருக்கும் எதிரான சாட்சியப்பதிவு, எதிர்வரும் செப்டெம்பர் 25,26,27ஆம் திகதிகளில் இடம்பெறும் என வவுனியா மேல் நீதிமன்ற நீதிபதி பாலேந்திரன் சசி மகேந்திரன் இன்று உத்தரவிட்டார். அன்றையதினத்தில் சகல சாட்சியாளர்களும் மன்றுக்கு சமுகமளிக்க வேண்டும் என்றும் அவர் உத்தரவிட்டார்.



டெங்கு ஆபத்தினால் யாழ். பல்கலைக்கழக விஞ்ஞான பீடத்துக்கு பூட்டு!
[Wednesday 2017-08-23 18:00]

யாழ்ப்பாண பல்கலைக்கழகத்தின் விஞ்ஞான பீடம் டெங்கு நோய் ஆபாயத்தினால் எதிர்வரும் 4 ஆம் திகதி வரை மூடப்பட்டுள்ளதாக, யாழ். பல்கலைக்கழக துணைவேந்தர் அறிவித்துள்ளார். விஞ்ஞான பீட மாணவர்களாலும், பெற்றோர்களாலும் விடுக்கப்பட்ட கோரிக்கையை கருத்தில் கொண்டே யாழ். பல்கலைக்கழக துணைவேந்தர் எதிர்வரும் 4 ஆம் திகதி வரை விஞ்ஞான பீடம் மூடப்படும் என துணைவேந்தர் அறிவித்துள்ளார்.



நடிகர் தனுசுக்கு எதிராக யாழ்ப்பாணத்தில் கையெழுத்து வேட்டை! Top News
[Wednesday 2017-08-23 18:00]

வேலையில்லா பட்டதாரி 2 படத்தில் சிகரட் புகைக்கும் காட்சிகளில் நடித்தமையால், நடிகர் தனுசுக்கு எதிராக யாழ்ப்பாணத்தில் கையெழுத்து வேட்டை நடத்தப்பட்டது. மாரி திரைப்படத்தில் புகைத்தல் காட்சிகளில் நடித்திருந்த நடிகர் தனுஷிற்கு எதிராக உலகளாவிய ரீதியில் பாரிய எதிர்ப்புகள் எழுந்தன. இதனைத்தொடர்ந்து, தனுஷ் தனது திரைப்படங்களில் புகைக்கும் காட்சிகளில் நடிக்க மாட்டேன் என அன்புமணி ராம்தாஸ்க்கு கடிதம் மூலம் உறுதியளித்திருந்தார்.



யாழ்ப்பாணத்தில் மீண்டும் வாள்வெட்டு! - இளைஞன் படுகாயம்
[Wednesday 2017-08-23 18:00]

உரும்பிராய் சந்தியில் நேற்றிரவு மோட்டார் சைக்கிளில் வந்த மர்ம நபர்கள், இளைஞர் ஒருவரை வெட்டி விட்டு தப்பிச் சென்றுள்ளனர். மோட்டார் சைக்கிளில் வந்தவர்களினால் கூர்மையான ஆயுதத்தினால் இளைஞன் மீது தாக்குதல் மேற்கொண்டுள்ளது. தாக்குதலுக்குள்ளான நபர் யாழ். போதனா வைத்தியசாலையில் அனுமதிக்கப்பட்டுள்ளதாக யாழ்ப்பாணம் பொலிஸார் தெரிவித்துள்ளனர்.



நாடாளுமன்றத்தில் 20 ஆவது திருத்தச்சட்ட மூலம்!
[Wednesday 2017-08-23 18:00]

20 ஆவது அரசியலமைப்புத் திருத்தச் சட்டமூலம் பாராளுமன்றத்தில் இன்று பகல் தாக்கல் செய்யப்பட்டது. அமைச்சர் கயந்த கருணாதிலகவினால் இந்த சட்டமூலம் தாக்கல் செய்யப்பட்டுள்ளது. மாகாணசபைத் தேர்தல்களை ஒரே நாளில் நடத்தும் வகையில் இந்த திருத்தச்சட்டமூலம் கொண்டு வரப்படவுள்ளது.



மட்டக்களப்பு விபத்தில் இளைஞன் பலி! Top News
[Wednesday 2017-08-23 18:00]

மட்டக்களப்பு - களுதாவளை பகுதியில், பாதசாரிக் கடவையின் அருகிலே, இன்று காலை இடம்பெற்ற விபத்தில் மோட்டார் சைக்கிளில் சென்று கொண்டிருந்த இளைஞன் ஒருவர் உயிரிழந்தார். மோட்டார் சைக்கிளில் சென்று கொண்டிருந்த இளைஞன், முன்னே சென்ற பிக்கப் ரக வாகனத்தை முந்திச் செல்ல முற்பட்ட வேளையில், அந்த வாகனத்தில் மோதி கீழே வீழ்ந்த போது, எதிரே வந்த தனியார் பஸ்ஸொன்று, மோட்டார் சைக்கிளுக்கு மேல் ஏறியமையால், இவ்விபத்து இடம்பெற்றது.



ஆவா குழு சந்தேக நபர்களுக்கு வெள்ளிக்கிழமை அடையாள அணிவகுப்பு!
[Wednesday 2017-08-23 18:00]

கொக்குவில் பகுதியில் பொலிஸார் இருவரை வெட்டி படுகாயப்படுத்திய குற்றச்சாட்டில் கைது செய்யப்பட்ட ஆவா குழுவைச் சேர்ந்த 7 சந்தேகநபர்களையும் எதிர்வரும் வெள்ளிக்கிழமை அடையாள அணிவகுப்புக்கு உட்படுத்த யாழ். நீதிவான் நீதிமன்றம் உத்தரவு பிறப்பித்துள்ளது.



சிறிய தந்தையால் துன்புறுத்தப்பட்ட 4 வயது சிறுவன் காயங்களுடன் மீட்பு! Top News
[Wednesday 2017-08-23 18:00]

வவுனியா - குருமன்காடு பகுதியில், சிறிய தந்தையால் அடித்து துன்புறுத்தப்பட்டு, காயங்களுக்குள்ளாகிய 4 வயது சிறுவன், வவுனியா வைத்தியசாலையில் அனுமதிக்கப்பட்டுள்ளார். சிறுவன் குறித்த நபரால் அடித்து துன்புறுத்தலுக்குள்ளாகி வந்த நிலையில், நேற்று மாலை, மீட்கப்பட்டு பொலிஸ் நிலையத்தில் ஒப்படைக்கப்பட்டுள்ளார்.


Mahesan-Remax-169515-Seithy
Easankulasekaram-Remax-300716
Tharsi-home-15-10-2016
SELVI-HOMES-09-02-17
Elankeeran-debt-solution-25-06-2016
<b>  கனடா-ரொரன்டோவில்  ஜூலை 29ம் 30ம்தி கதிகளில் நடைபெற்ற World Tamil Badminton Federation 5th annual tournament நிகழ்வின் படத்தொகுப்பு.</b> படங்கள்-குணா
<b>  கனடா-ரொரன்டோவில்  ஜூலை 7ம் 8ம் 9ம்தி கதிகளில் நடைபெற்ற குதூகலம் 2017 நிகழ்வின் படத்தொகுப்பு.</b> படங்கள்-குணா
<b> 30-06-2017 அன்று கனடா-ரொரன்டோவில் நடைபெற்ற மின்னல் 2017 நிகழ்வின் படத்தொகுப்பு.</b> படங்கள்-குணா