Untitled Document
February 25, 2018 [GMT]
  • Welcome
  • Welcome
பிரித்தானியா பயணிப்போருக்கான புதிய விசா முறைக்கு கடும் எதிர்ப்பு!
[Wednesday 2013-06-26 14:00]

இலங்கை உட்பட சில நாடுகளில் இருந்து பிரித்தானியாவுக்கு செல்பவர்கள் 4500 ஸ்டேர்லிங் பவுண்களை பணமாக கட்ட வேண்டும் என்று பிரித்தானியாவால் அறிவிக்கப்பட்டதற்கு கடுமையான எதிர்ப்பு கிளம்பியுள்ளது. இப்படியான அறிவித்தலை கடந்த வார இறுதியில் பிரிட்டன் அறிவித்திருந்தது. இந்த நடவடிக்கையை கண்டித்திருந்த நைஜீரியாவின் செனட் சபை, இதற்கு பதிலடியாக தாமும் இப்படியான நிபந்தனையை விதிக்க நேரிடும் என்று கூறியுள்ளது. இது ஒரு பக்கசார்பான நடவடிக்கை என்று இந்திய தொழில்துறை நிறுவனங்களின் கூட்டமைப்பு கூறியுள்ளது.


காத்தான்குடி அரசியல்வாதிகளுக்கு எனது பெயரைக் கேட்டதும் ஜூரம் வந்துவிட்டதா? அஸாத்சாலி கேள்வி!
[Wednesday 2013-06-26 14:00]

நான் காத்தான்குடிக்கு வர இருப்பதாக கேள்விப்பட்டதுமே அங்குள்ள சில அரசியல்வாதிகளுக்கு கைகால்கள் உதறல் எடுத்துள்ளதாகவும், இன்னும் சிலருக்கு வயிற்றோட்டம் பிடித்துள்ளதாகவும் கேள்விபட்டு நான் ஆச்சரியமும் அதிர்ச்சியும் அடைந்தேன். எனது வருகை ஏன் காத்தான்குடி அரசியல்வாதிகளுக்கு இப்படி ஓர் நிலையை ஏற்படுத்தியுள்ளது? ஏன் அவர்கள் எனது வருகையை கேள்விப்பட்டு அச்சம் கொள்ள வேண்டும்? என்று கேள்வி எழுப்பியுள்ளார் தேசிய ஐக்கிய முன்னணியின் பொதுச் செயலாளர் அஸாத் சாலி.


13வது திருத்தச் சட்டத்தை பலவீனப்படுத்த விடமாட்டேன் - பிள்ளையான் தெரிவிப்பு!
[Wednesday 2013-06-26 14:00]

13 ஆவது திருத்த சட்டத்தை பலவீனப்படுத்தும் எந்த முயற்சியையும் எற்றுக் கொள்ள முடியாது என்று தமிழ் மக்கள் விடுதலைப் புலிகள் கட்சியின் தலைவரும், ஜனாதிபதியின் ஆலோகருமான சிவநேசதுரை சந்திரகாந்தன் தெரிவித்தார். கோறளைப்பற்று தெற்கு பிரதேச செயலகத்தின் எல்லையில் நிர்மாணிக்கப்பட்ட ரெஜி கலாசார மண்டப திறப்பு விழாவில் கலந்து கொண்டு உரையாற்றும்போதே அவர் இவ்வாறு கூறினார்.

அங்கு அவர் மேலும் தெரிவித்ததாவது:


விடுதலை செய்யப்பட்டார் தமிழினி!
[Wednesday 2013-06-26 14:00]

தமிழீழ விடுதலைப் புலிகளின் அரசியல் துறை மகளிர் பிரிவுத் தலைவியாக இருந்த தமிழினி என்று அழைக்கப்படும் சிவசுப்ரமணியம் சிவகாமி, இன்று புதன்கிழமை விடுதலை செய்யப்பட்டார். கிளிநொச்சி, பரந்தன் பிரதேசத்சைத் சேர்ந்த தமிழினி, பூந்தோட்டம் புனர்வாழ்வு முகாமில் புனர்வாழ்வு நடவடிக்கைகள் நிறைவுபெற்ற நிலையிலேயே இன்று விடுதலை செய்யப்பட்டுள்ளார். புனர்வாழ்வை நிறைவு செய்துகொண்ட நிலையில் விடுதலை செய்யப்பட்ட தமிழினி, அவரது தாயாரான சிவசுப்ரமணியம் சின்னம்மாவிடம் ஒப்படைக்கப்பட்டார் என்று புனர்வாழ்வு ஆணையாளர் பிரிகேடியர் தர்ஷன ஹெட்டியாரச்சி தெரிவித்தார்.


அமெரிக்காவை எதிர்க்கப் பயந்த நாடுகளே சிறிலங்காவுக்கு எதிராக ஐ.நாவில் வாக்களித்தன: - ஜி.எல்.பீரிஸ்
[Wednesday 2013-06-26 11:00]

அமெரிக்காவை எதிர்க்கப் பயந்த நாடுகளே ஐ.நா மனிதஉரிமைகள் சபையில் சிறிலங்காவுக்கு எதிரான தீர்மானத்துக்கு ஆதரவாக வாக்களித்தன. இதன் மூலமே அந்தத் தீர்மானம் வெற்றி பெற்றது என்று சிறிலங்கா வெளிவிவகார அமைச்சர் ஜி.எல்.பீரிஸ் தெரிவித்துள்ளார். அவுஸ்ரேலிய தொலைக்காட்சி ஒன்றுக்கு அளித்த செவ்வி ஒன்றிலேயே அவர் மேற்க்கண்டவாறு தெரிவித்துள்ளார். இது குறித்து அவர் தனது செவ்வியில் மேலும் தெரிவித்துள்ளதாவது...


இலங்கை குறித்த மத்திய அரசாங்கத்தின் கொள்கைகள் திருப்தி அளிக்கும் வகையில் இல்லை: - யஸ்வந்த் சிங்
[Wednesday 2013-06-26 11:00]

இலங்கை குறித்த இந்திய மத்திய அரசாங்கத்தின் கொள்கைகள் திருப்தி அளிக்கும் வகையில் இல்லை என பாரதீய ஜனதா கட்சி தெரிவித்துள்ளது. மத்திய அரசாங்கத்தின் பலவீனமான வெளியுறவுக் கொள்கைகளின் காரணமாக இலங்கையுடனான உறவுகளில் விரிசல் நிலைமை ஏற்பட்டுள்ளதாக பாரதீய ஜனதா கட்சியின் தலைவர் யஸ்வந்த் சிங் சுட்டிக் காட்டியுள்ளார். தேசிய பாதுகாப்பு மற்றும் அடையாளத்திற்கான அச்சுறுத்தல் என்ற தலைப்பில் நடைபெற்ற கருத்தரங்கொன்றில் கலந்து கொண்ட போது அவர் இதனைக் குறிப்பிட்டுள்ளார்.


கைதடி சிறுவர் இல்லத்திலிருந்து சிறுமி - களனியில் மீட்கப்பட்டார்!
[Wednesday 2013-06-26 11:00]

யாழ்ப்பாணம் கைதடி சிறுவர் இல்லத்திலிருந்து அண்மையில் தப்பியோடி காணாமற்பொன மூவரில் சிறுமியொருத்தி களனியில் உள்ள வீடொன்றில் வேலைக்காரியாக இருந்த நிலையில் மீட்கப்பட்டுள்ளதாக சாவகச்சேரி பொலிஸார் தெரிவித்தனர்.15 வயதான குறித்த சிறுமி அந்த வீட்டில் வேலைக்கு அமர்த்தப்படுவதற்கு முன்னர் துஷ்பிரயோகத்திற்கு உட்படுத்தப்பட்டுள்ளதாகவும் தெரிவிக்கப்படுகின்றது.


முல்லை, கேப்பாபிலவில் இராணுவக் குடியிருப்பு - 2 ஆயிரத்து 26 ஏக்கர் காணி சுவீகரிப்பதற்கு திட்டம்!
[Wednesday 2013-06-26 10:00]

முல்லைத்தீவு - கேப்பாபிலவில் 4000 இராணுவக் குடும்பங்களைக் குடியமர்த்துவதற்காக 2 ஆயிரத்து 26 ஏக்கர் தமிழர்களது காணியைச் சுவீகரிப்பதற்கு இராணுவத்தினர் நடவடிக்கைகளை ன்னெடுத்துள்ளதாக அறியப்படுகிறது. முல்லைத்தீவு, கேப்பாபிலவு பிரதேசத்தில் போர் முடிவுற்ற பின்னர் இராணுவத்தினரால் பாரிய இராணுவ முகாம் அமைக்கப்பட்டது. இதன் சுற்றுவட்டாரத்தை அண்டிய கேப்பாபிலவில் பொது மக்களின் காணிகள் உட்பட 2 ஆயிரத்து 26 ஏக்கர் காணியைச் சுவீகரிப்பதற்கான நடவடிக்கைகள் முன்னெடுக்கப்பட்டுள்ளதாகத் கிராம சேவகர் வட்டாரங்களினூடாக தெரிய வருகிறது.


திருட்டில் ஈடுபட்ட இராணுவ சிப்பாய் உட்பட மூவர் பொலிஸாரால் கைது: யாழில் சம்பவம்
[Wednesday 2013-06-26 09:00]

தென் இலங்கையில் இருந்து சென்று யாழ்ப்பாணத்தில் திருட்டில் ஈடுபட்ட இராணுவ சிப்பாய் உட்பட மூவர் கைது செய்யப்பட்டுள்ளனர். இவர்களினால் திருடபட்ட பொருட்கள் பொலிசாரினால் பறிமுதல் செய்யப்பட்டு மூவரும் கைது செய்யப்பட்டுள்ளனர்.


13 ஆவது திருத்தம் குறித்து இந்தியாவுடன் அரசு பேச்சுவார்த்தை நடாத்த வேண்டும் - திஸ்ஸ
[Wednesday 2013-06-26 09:00]

இரு நாடுகளுக்கிடையே செய்துக்கொள்ளப்பட்ட இருபக்க ஒப்பந்தம் காரணமாகவே 13 ஆவது திருத்தம் கொண்டுவரப்பட்டது. எனவே, 13 ஆவது திருத்தம் தொடர்பில் இலங்கை அரசாங்கம் ஒருபக்க தீர்மானத்தை எட்டமுடியாது. 13 ஆவது திருத்தம் தொடர்பில் இலங்கை அரசாங்கம் இந்தியாவுடன் புதிய பேச்சுவார்த்தை ஒன்றுக்குப்போகவேண்டும் என்று பிரதான எதிர்க்கட்சியான ஐக்கிய தேசியக்கட்சி தெரிவித்துள்ளது. 13 ஆவது திருத்தத்தில் ஐக்கிய தேசியக்கட்சிக்கு முக்கிய பங்கிருந்தது. அப்படியாயின் 13 ஆவது திருத்தம் தொடர்பில் ஐக்கிய தேசியக்கட்சி ஏன் தனது நிலைப்பாட்டை வெளிப்படுத்தவில்லை என்று ஊடகவியலாளர் எழுப்பிய கேள்விக்கு பதிலளிக்கும் போதே அவர் மேற்கண்டவாறு தெரிவித்தார்.


பம்பலப்பிட்டி வர்த்தகர் கொலை குறித்த ரகசிய வாக்குமூலத்தை குற்றப்புலானாய்வு பிரிவினருக்கு வழங்க நீதிபதி மறுப்பு!
[Wednesday 2013-06-26 09:00]

பம்பலப்பிட்டி வர்த்தகர் மொஹமட் சியாம் படுகொலை தொடர்பில் சந்தேகநபர்கள் இருவர் நீதவானின் அறையில் வைத்து ரகசிய வாக்குமூலங்களை நேற்று செவ்வாய்க்கிழமை வழங்கினர். அந்த வாக்குமூலத்தின் பிரதிகளை குற்றப்புலானாய்வு பிரிவு பொலிஸார் நீதவானிடம் கோரிநின்ற போதிலும் அதனை வழங்குவதற்கு நீதவான் மறுத்துவிட்டார். பம்பலப்பிட்டி வர்த்தகர் மொஹமட் சியாம் படுகொலை தொடர்பான வழக்கு கொழும்பு மேலதிக நீதவான் ஏ.எம்.சஹாப்தீன் முன்னிலையில் நேற்று செவ்வாய்க்கிழமை விசாரணைக்கு எடுத்துக்கொள்ளப்பட்டது. வழக்கின் பிரதான சந்தேகநபரான முன்னாள் பிரதி பொலிஸ் மா அதிபர் வாஸ் குணவர்தன நீதிமன்றத்தில் ஆஜர்படுத்தப்பட்டார். இந்நிலையில் கொலைக்கு பயன்படுத்தப்பட்டதாக கூறப்படும் இரண்டு வாகனங்கள், கையடக்கதொலைபேசி, தாக்குதல் நடத்துவதற்கு பயன்படுத்தப்பட்ட சுத்தியல், குறடு மற்றும் துப்பாக்கிகள் இரண்டு ஆகியவற்றை இரசாயன பகுப்பாய்வுக்கு அனுப்பி அறிக்கை பெற்றுக்கொள்வதற்கு அனுமதியளிக்குமாறு குற்றப்புலனாய்வு பிரிவினர் மன்றில் கோரி நின்றனர்.


மாத்தளை எலும்புக்கூடுகள் குறித்த வழக்கை விசாரணை செய்த நீதிபதி, கொழும்புக்கு திடீர் இடமாற்றம்
[Wednesday 2013-06-26 09:00]

மாத்தளை மருத்துவமனை வளாகத்தில் இருந்து மீட்கப்பட்ட மனித எலும்புக் கூடுகள் குறித்த வழக்கை விசாரணை செய்துவந்த நீதிபதி, திடீரென கொழும்புக்கு இடமாற்றம் செய்யப்பட்டார். சத்துரிகா டி சில்வா, கொழும்பு புதுக்கடை நீதவான் நீதிமன்றத்தின் மேலதிக நீதிபதியாக நியமிக்கப்பட்டு, நாளை அவர் பதவியேற்கவுள்ளார். அவர் இடம்மாற்றப்பட்டமை, மாத்தளை புதைகுழி குறித்த வழக்கைப் பாதிக்குமென கருதப்படுகிறது. மாத்தளை புதைகுழி குறித்து விசாரணை செய்வதற்காக மூன்று உறுப்பினர்களைக் கொண்ட ஆணைக்குழுவொன்றை ஜனாதிபதி மஹிந்த ராஜபக்ச நியமித்தமை குறிப்பிடத்தக்கது.


பணத்திற்காக தனது பாட்டியை கொலை செய்த நபர் பொலிஸாரால் கைது!
[Wednesday 2013-06-26 08:00]

எழுபது வயது நிரம்பிய மூதாட்டியின் கொலை தொடர்பாக அவரது பேரன் கொஸ்லாந்தை பொலிஸாரினால் கைது செய்யப்பட்டுள்ளார். பேரனின் கத்தி வெட்டுக்கு இலக்கான மூதாட்டி கொஸ்லாந்தை அரசினர் மருத்துவமனைக்கு கொண்டு செல்லப்பட்டு அங்கிருந்து பதுளை அரசினர் மருத்துவமனைக்கு மாற்றப்பட்டு தீவிர கிகிச்சைகுட்பட்டபோதிலும், சிகிச்சை பயனளிக்காமல் மரணமானார். கொஸ்லாந்தை ஊவா மாவலகம என்ற கிராமத்தைச் சேர்ந்த 70 வயது நிரம்பிய ஏ.எம்.பிரேமாவதி என்ற மூதாட்டியே இவ்வாறு வெட்டி படுகொலை செய்யப்பட்டவராவார். இதுதொடர்பாக கொஸ்லாந்தை பொலிஸார் தீவிர விசாரணைகளை மேற்கொண்டு மூதாட்டியின் பேரனை கைது செய்துள்ளனர். கொலைக்கு பயன்படுத்தப்பட்ட பெரிய கத்தியொன்றையும், பொலிஸார் மீடடுள்ளனர். மூதாட்டி தமது பேரனுக்கு பணம் கொடுக்க மறுத்தமையினாலேயே ஆத்திரம் கொண்ட பேரன் கத்தியால் வெட்டி படுகொலை செய்ததாக விசாரணைகளில் இருந்து தெரியவந்துள்ளது.


13ஆவது திருத்தம் குறித்த தமது நிலைப்பாட்டை முஸ்லிம் காங்கிரஸ் பகிரங்கப்படுத்த வேண்டும் - பிரபா
[Wednesday 2013-06-26 08:00]

13ஆவது திருத்த சட்டத்தில் மாற்றத்தைக் கொண்டு வருவதற்கான முயற்சிகள் தென்படுகின்றன. இது சம்பந்தமாக எனது எதிர்ப்பை ஏற்கனவே பகிரங்கமாக ஊடகங்களுக்கு தெரிவித்திருந்தேன். சிரேஷ்ட அமைச்சர்கள் உட்பட 6 அமைச்சர்கள் பகிரங்கமாக தமது எதிர்ப்பை தெரிவித்துள்ளனர். ஆனால் ஸ்ரீலங்கா முஸ்லிம் காங்கிரஸ் பகிரங்கமாக தங்களது நிலைப்பாட்டை அறிவிக்கவில்லை. அவர்களும் தங்களது எதிர்ப்பை வெளிப்படுத்துவார்களேயாயின் அரசாங்கத்திற்கு ஒரு பாரிய அழுத்தத்தைக் கொடுக்கக்கூடியதாக இருக்கும் என ஜனநாயக மக்கள் காங்கிரஸ் தலைவரும் கொழும்பு மாவட்ட நாடாளுமன்ற உறுப்பினருமான பிரபா கணேசன் ஊடகங்களுக்கு தெரிவித்துள்ளார்.


இராணுவ பயிற்சி தொடர்பில் இந்தியாவின் கோரிக்கைக்கு மறுப்பு தெரிவித்தது இலங்கை!
[Tuesday 2013-06-25 21:00]

இந்தியாவில் வெலிங்கடனில் பாதுகாப்பு சேவைகள் உத்தியோகத்தர் பயிற்சி நெறியில் பயிற்சி பெற்றுக்கொண்டிருந்த இலங்கையைச்சேந்த இரண்டு இராணுவ உத்தியோகத்தர்களை வேறு பயிற்சி நிறுவனத்திற்கு மாற்ற இந்தியா கேட்டபோதும் அந்த கோரிக்கையை அன்புடன் மறுத்துவிட்டதாக இலங்கை இன்று கூறியுள்ளது. தமிழ் நாட்டில் தமக்கு எதிராக தொடர்ந்து முன்னெடுக்கப்படும் எதிர்ப்பு காரணமாக இந்த இரண்டு அதிகாரிகளும் பயிற்சியை நிறைவு செய்யாமல் இலங்கைக்கு திரும்பினர். பாதுகாப்பு காரணமாக இந்த இரண்டு இலங்கை அதிகாரிகளையும் ஆந்திர பிரதேசத்திலுள்ள உயர் அதிகாரிகளை பயிற்றுவிக்கும் நிறுவனமொன்றுக்கு மாற்றுவதற்கு இந்தியா கோரிக்கையொன்றை முன்வந்த போதும் அதனை இலங்கை மறுத்துள்ளது.


மனைவியைக் கொலை செய்த இந்தியருக்கு கனடாவில் ஆயுள் தண்டனை!
[Tuesday 2013-06-25 20:00]

பிரிட்டிஷ் கொலம்பியா: மனைவியை கத்தியால் குத்தி கொலை செய்த இந்தியர் ஒருவருக்கு ஆயுள் தண்டனை விதித்து கனடா நீதிமன்றம் உத்தரவிட்டுள்ளது. கனடா, பிரிட்டிஷ் கொலம்பியா மாவட்டத்தில் உள்ள சர்ரே நகரைச் சேர்ந்த இந்தியர் மன்மீட்சிங். இவரது மனைவி ரவீந்தர் கவுர் பாகு. இவர் அங்குள்ள ஒரு பத்திரிகை அலுவலகத்தில் பணியாற்றி வந்தார். இந்நிலையில் மன்மீட் சிங்குக்கும் அவரது மனைவி ரவீந்தர் கவுர் பாகுக்கும் இடையே கருத்து வேறுபாடு ஏற்பட்டது. இதனால் ரவீந்தர் கவுர் பாகு தனது தோழி ஒருவரின் வீட்டில் வசித்து வந்தார். தனது கணவரிடம் இருந்து விவாகரத்து வேண்டும் என நீதிமன்றத்திலும் மனு தாக்கல் செய்திருந்தார். ஆனால், மன்மீட்சிங், பாகுவை தன்னுடன் வாழ வருமாறு தொடர்ந்து அழைத்து வந்தார். ஆனால் பாகு மறுத்து வந்தார்.


கூட்டமைப்புடன் ஜனநாயக மக்கள் முன்னணி கலந்துரையாடல்!
[Tuesday 2013-06-25 20:00]

தமிழ்த் தேசியக் கூட்டமைப்புக்கும் ஜனநாயக மக்கள் முன்னணிக்கும் இடையிலான கலந்துரையாடல் ஒன்று இன்று செவ்வாய்க்கிழமை மாலை இடம்பெற்றுள்ளது. இச்சந்திப்பு தொடர்பாக ஜனநாயக மக்கள் முன்னணியின் தலைவர் மனோ கணேசன் கூறுகையில்;


ரணில் எழுதிய புத்தகம் குறித்து குற்றப்புலனாய்வு பிரிவினர் விசாரணை!
[Tuesday 2013-06-25 19:00]

எதிர்க்கட்சித் தலைவர் ரணில் விக்ரமசிங்கவினால் எழுதப்பட்ட புத்தகம் பற்றி குற்றப்புலனாய்வு பிரிவு விசாரிப்பதை கண்டித்துள்ள ஐக்கிய தேசிய கட்சி, குற்றப்புலனாய்வு பிரிவு விசாரிப்பதற்கு வேறு பிரச்சினைகள் இல்லையா என கேட்டுள்ளது. கடந்த 2005ஆம் ஆண்டில் அரசியலும் தர்மமும் எனும் நூலை ரணில் விக்ரமசிங்க எழுதியிருந்தார். இதற்கு பிறைட் நவ்மன் பவுண்டேஸன் நிதி அனுசரணை வழங்கியிருந்தது. 'பௌத்தம் பற்றியும் நாட்டை ஆளுகையில் பௌத்தர்களின் போதனைகளை பிரயோகிப்பது எவ்வாறு என்பது பற்றியே இந்த புத்தகத்தில் கூறப்பட்டுள்ளது' என ஐக்கிய தேசிய கட்சியின் பொதுச் செயலாளர் திஸ்ஸ அத்தநாயக்க தெரிவித்தார். பௌத்தத்தை பாதுகாப்பது அரசின் பொறுப்பாகும். இது அரசியலமைப்பிலும் கூறப்பட்டுள்ளது. எனவே இந்த விசாரணை அரசியலமைப்பை மீறுவதாகும் எனவும் அவர் குறிப்பிட்டார்.


வெலிங்டனில் பயிற்சி பெற்று வந்த இலங்கை இராணுவ அதிகாரிகள் திரும்ப பெறப்பட்டனர் - வணிகசூர்ய
[Tuesday 2013-06-25 18:00]

தமிழ்நாடு, வெலிங்டன் இராணுவ பயிற்சி கல்லூரியில் பயிற்சி பெற்றுவந்த இலங்கை இராணுவ அதிகாரிகள் இருவரும் இன்று நாடு திரும்பியுள்ளதாக தெரிவிக்கப்படுகிறது. ஈழத்தமிழர்களைக் கொன்று குவித்த இலங்கை இராணுவ அதிகாரிகள் மற்றும் வீரர்களுக்கு தமிழ்நாட்டில் பயிற்சி அளிக்கக் கூடாது என்று அனைத்து தரப்பினரும் எதிர்ப்பு தெரிவித்து வருகின்றனர். இந்நிலையில், இலங்கை இராணுவு வீரர்களுக்கு தமிழகத்தில் எந்த பகுதியிலும் பயிற்சி அளிக்கப்படமாட்டாது என்று பாதுகாப்புத்துறை அமைச்சர் ஏ.கே.அந்தோணி உறுதி அளித்திருந்தார். ஆனால், இலங்கைக்கான இராணுவப் பயிற்சியை மத்திய அரசு நிறுத்தவில்லை. கமாண்டர் எம்.எஸ்.பண்டார தசநாயகே, மேஜர் சி.எஸ்.ஹரிஸ்சந்திர ஹெட்டிரச்சிகே ஆகிய அதிகாரிகளுக்கு கடந்த மே மாதம் 27ம் திகதி முதல் வெலிங்டன் ராணுவ பயிற்சி கல்லூரியில் பயிற்சி அளிக்கப்பட்டு வந்தது. இதற்கு கடுமையான எதிர்ப்பு கிளம்பியது.


புலம்பெயர் தமிழர்களிடம் இருந்து கூட்டமைப்பு விடுபட வேண்டும் - ஹக்கீம் ஆலோசனை
[Tuesday 2013-06-25 18:00]

தமிழ்த் தேசிய கூட்டமைப்பு புலம்பெயர் தமிழர்களிடம் இருந்து விடுபட வேண்டும் என்றும், அவர்கள் சொந்தக்காலில் நின்று அரசியல் நடத்த வேண்டும் என்று இலங்கையின் நீதி அமைச்சரும், ஸ்ரீலங்கா முஸ்லிம் காங்கிரசின் தலைவருமான ரவூப் ஹக்கீம் ஆலோசனை கூறியுள்ளார். கல்முனையில் நடந்த கூட்டம் ஒன்றில் உரையாற்றிய போதே அவர் இவ்வாறு கூறியுள்ளார். ஸ்ரீலங்கா முஸ்லிம் காங்கிரஸ் ஒரு வழக்கமான ஒரு கட்சியல்ல. ஒரு விடுதலை இயக்கம். அது சமூகத்தின் உரிமை விடயங்களில் வலுவான தீர்மானங்களை எடுக்கும். இது இந்தக் கட்சியின் இயல்பு. ஸ்ரீலங்கா முஸ்லிம் காங்கிரஸ், கிழக்கு மாகாணசபைத் தேர்தலில் ஒரு புரட்சிகரமான தீர்மானத்தை எடுக்கும் என்று கருதப்பட்டது. ஆனால் நாம், எதிர்காலத்தை கருத்தில் கொண்டு ஒரு தீர்க்கமான முடிவை எடுத்தோம். தூரநோக்குடன் நாம் எடுத்த தீர்மானத்தை பலரும் விமர்சித்தனர். எமது தாற்பரியத்தை தமிழ் தேசிய கூட்டமைப்பினால் புரிந்து கொள்ள முடியாது.


கலாச்சார சீரழிவை ஏற்படுத்துபவர்கள் தொடர்பில் முறையிட யாழ்.பொலிஸ் நிலையத்தில் விசேட பிரிவு!
[Tuesday 2013-06-25 15:00]

யாழில் கலாசார சீரழிவை ஏற்படுத்துபவர்கள் தொடர்பில் யாழ்.பொலிஸ் நிலையத்தில் முறையிடுவதற்கு என தனியான பிரிவு ஒன்று விரைவில் ஆரம்பிக்கப்படவுள்ளதாக யாழ்.பொலிஸ் நிலையத் தலைமைப் பொறுப்பதிகாரி சமன்சிகேரா தெரிவித்துள்ளார். யாழ்.குடாநாட்டில் அண்மைக்காலங்களில் பல பகுதிகளில் கலாச்சார சீரழிவை ஏற்படுத்தும் விதமான செயற்பாடுகள் நடைபெற்று வருவதை அவதானிக்க கூடியதாக இருக்கின்றது. இதனால் இவற்றைத் தடுப்பதற்கும் யாழ்ப்பாண பாரம்பரிய கலாச்சாரத்தைக் கட்டிக் காப்பதற்காக இந்தப் பிரிவு இயங்கவுள்ளது.


பொதுமக்களால் தாக்கப்பட்டார் புத்தளம் பிரதேச செயலாளர்!
[Tuesday 2013-06-25 15:00]

புத்தளம் பிரதேச செயலாளர் மற்றும் அவரது சாரதி ஆகியோர் தாக்குதலுக்கு உள்ளான நிலையில் புத்தளம் தள வைத்தியசாலையில் அனுமதிக்கப்பட்டுள்ளனர். இச்சம்பவம் இன்று காலை புத்தளம் கல்லடி பகுதியில் இடம்பெற்றுள்ளது. புத்தளம் கல்லடி பகுதியில், யானை தாக்கி ஒருவர் உயிரிழந்துள்ளமையை கண்டித்து கல்லடி பிரதேச மக்கள் ஆர்ப்பாட்டம் ஒன்றில் ஈடுபட்டனர். இவ் ஆர்பாட்டத்தை கேள்வியுற்று குறித்த இடத்திற்கு சென்றபோதே பிரதேச செயலாளர் எம்.ஆர்.எம்.மளிக் மீது ஆர்பாட்டக்காரர்கள் தாக்குதலை மேற்கொண்டுள்ளனர். இதன்போது, பிரதேச செயலாளரின் சாரதிக்கும் தாக்குதல் மேற்கொள்ளப்பட்டுள்ளது.


17 வயது காதலனால் பாலியல் துஸ்பிரயோகத்திற்கு உள்ளான 15 வயது காதலி!
[Tuesday 2013-06-25 15:00]

சிறுமி ஒருவரை பாடசாலையில் வைத்து துஸ்பிரயோகத்திற்கு உட்படுத்திய சந்தேகநபரை கைது செய்வதற்கான நடவடிக்கை எடுத்துக்கப்பட்டுள்ளதாக புத்தளம், பல்லம பொலிஸார் தெரிவித்தனர். இச்சம்பவத்தில் பாதிக்கப்பட்ட சிறுமி பல்லம பொலிஸ் பிரிவுக்குட்பட்ட 15 வயதுடைவர் என பொலிஸார் தெரிவித்தனர். சிறுமி 17 வயதுடைய சிறுவன் ஒருவருடன் காதல் தொடர்பு வைத்திருந்ததாக பொலிஸாரின் முதற்கட்ட விசாரணையின் போது தெரியவந்துள்ளது. கடந்த 22ஆம் திகதி தனியார் வகுப்பிற்குச் செல்வதாக வீட்டாரிடம் கூறிவிட்டு சென்ற சிறுமி, தொலைபேசியில் தனது காதலனை பாடசாலைக்கு வருமாறு தெரிவித்துள்ளார்.


புகலிடக் கோரிக்கை மறுக்கப்பட்டோரின் பாதுகாப்பினை உறுதிசெய்ய முடியும் - அரசு தெரிவிப்பு!
[Tuesday 2013-06-25 15:00]

புகலிடக் கோரிக்கை நிராகரிக்கப்பட்ட நபர்களின் பாதுகாப்பை உறுதி செய்ய முடியும் என இலங்கை அரசாங்கம் அறிவித்துள்ளது. புகலிடக் கோரிக்கை நிராகரிக்கப்பட்டு அவுஸ்திரேலியாவிலிருந்து நாடு கடத்தப்படும் அனைத்து இலங்கையர்களினதும் பாதுகாப்பை உறுதி செய்ய முடியும் என வெளிவிவகார அமைச்சர் ஜீ.எல்.பீரிஸ் தெரிவித்துள்ளார். புகலிடக் கோரிக்கையாளர்கள் பொருளாதார நோக்கங்களின் அடிப்படையில் அவுஸ்திரேலியா நோக்கி படையெடுப்பதாகக் குறிப்பிட்டுள்ளார். புகலிடக் கோரிக்கையாளர்களுக்கு ஆபத்து கிடையாது என்ற காரணத்தினாலேயே அவுஸ்திரேலியா அவர்களை நாடு கடத்துவதாகத் தெரிவித்துள்ளார்.


மாற்றங்களை மேற்கொள்ளாது 13வது திருத்தச் சட்டத்தை நிறைவேற்ற வேண்டும் - திஸ்ஸ அத்தநாயக்க!
[Tuesday 2013-06-25 14:00]

13வது திருத்தச் சட்ட மூலம் மாற்றங்களுக்கு உட்படுத்தப்படாது உள்ளவாறே நடைமுறைப்படுத்தப்பட வேண்டும் என ஐக்கிய தேசியக் கட்சியின் பொதுச் செயலாளரும் பாராளுமன்ற உறுப்பினருமான திஸ்ஸ அத்தநாயக்க தெரிவித்துள்ளார். 13வது திருத்தச் சட்ட மூலத்தை ஒரு சூதாட்டமாக அரசாங்கம் நியமித்துள்ளதாக அவர் குறிப்பிட்டுள்ளார். இன்று (25) கொழும்பில் இடம்பெற்ற ஊடகவியலாளர் சந்திப்பின் போதே திஸ்ஸ அத்தநாயக்க இவ்வாறு தெரிவித்தார். ஜூன் மாதம் 12ஆம் திகதி கட்சி தலைவர் ஊடாக ஜனாதிபதிக்கு அனுப்பி வைக்கப்பட்டுள்ள கடிதத்திற்கு பதில் கிடைக்கும் பட்சத்தில் மட்டுமே வடக்கு தேர்தல் தொடர்பில் நியமிக்கப்பட்ட தெரிவுக் குழுவிற்கு சமூகமளிப்பதாக அவர் குறிப்பிட்டார்.


வடக்கில் நாவாந்துறையில் வெடிபொருட்கள் மீட்பு - கிழக்கு முஸ்லீம் தீவிரவாத அமைப்புக்கு தொடர்பு என சந்தேகம்!
[Tuesday 2013-06-25 14:00]

யாழ்ப்பாணம் நாவாந்துறை பகுதியிலுள்ள காணியிலிருந்து சில வெடிபொருட்கள் நேற்று முன்தினம் காலை மீட்கப்பட்ட வெடி பொருட்களை கிழக்கு மாகாணத்திலிருந்து முஸ்லீம் தீவிரவாத அமைப்பைச் சேர்ந்தவர்களினால் யாழ்ப்பாணத்திற்கு கொண்டு வரப்பட்டுள்ளதாக யாழ்.பொலிஸார் சந்தேகம் வெளியிட்டுள்ளனர். யாழில் விரைவில் வடமாகாண சபைத் தேர்த்தல் நடைபெறவுள்ள சூழலில் இந்த வெடி பொருட்கள் தேர்த்ல் களத்தில் பயன்படுத்துவதற்காக இங்கு கொண்டு வரப்பட்டுள்ளதாக விசாரணைகள் முடுக்கி விடப்பட்டுள்ளதாக யாழ்.பொலிஸார் குறிப்பிட்டுள்னர். யாழ். முஸ்லிம் வட்டாரம் ஆஸாத் வீதியிலுள்ள காணியிலிருந்தே இந்த வெடிபொருட்கள் மீட்கப்பட்டன.


300 வருடங்களாக இருந்த நாட்டின் சம்பிரதாயத்தை ராஜபக்ஷவின் அரசாங்கம் மாற்றியுள்ளது - ரணில்
[Tuesday 2013-06-25 09:00]

நாட்டில் சுயாதீன ஆணைக்குழுக்களை அமைக்கும் நோக்கிலேயே ஐக்கிய தேசிய கட்சி மக்களின் தேவையை உணர்ந்து புதிய அரசியலமைப்பு வரைபை முன்வைத்துள்ளது. சுயாதீன ஆணைக்குழுக்களை மீண்டும் அமைக்கவேண்டுமானால் ஆட்சிமாற்றத்தைக் ஏற்படுத்தக்கூடிய தேர்தல் ஒன்று அவசியமாகும். அதற்காகவே நாங்கள் செயற்பட்டுவருகின்றோம் என்று எதிர்க்கட்சித் தலைவரும் ஐக்கிய தேசிய கட்சியின் தலைவருமான ரணில் விக்ரமசிங்க தெரிவித்தார். நாட்டில் சட்டத்துறையும் கல்வித்துறையும் பாரிய பலவீனமான நிலையை அடைந்துவிட்டது. நானும் அனுர பண்டாரநாயக்கவும் பாடசாலை சென்ற காலத்தில் அதிபர்கள் எம்மை பிரம்பால் அச்சமின்றி அடிப்பார்கள். எனினும் அப்போது பிரதமராக இருந்த பண்டாரநாயக்கவிடம் அனுர பண்டாரநாயக்க இது பற்றி கூறியதில்லை என்றும் ரணில் விக்ரமசிங்க குறிப்பிட்டார்.


யாழ்ப்பாணம் புத்தூரை சேர்ந்த மாணவனை காணவில்லை
[Tuesday 2013-06-25 09:00]

யாழ்ப்பாணம் புத்தூர் கிழக்கு பகுதியைச் சேர்ந்த பாடசாலை மாணவன் ஒருவரைக் காணவில்லை என யாழ். அச்சுவேலி பொலிஸில் முறைப்பாடு செய்யப்பட்டுள்ளது. கொழும்புக்கு நண்பர்களுடன் சென்ற தனது மகன் காணாமற் போயுள்ளதாக அச்சிறுவனின் தாயார் நேற்று முன்தினம் அச்சுவேலி பொலிஸில் முறைப்பாடு செய்துள்ளார். யாழ்ப்பாணம் புத்தூர் கிழக்குப் பகுதியைச் சேர்ந்த கவிதாசன் ரிசாந்தன் (15 வயது) என்ற சிறுவனே இவ்வாறு காணாமற் போயுள்ளார். இவரது நண்பர்கள் வீடு திரும்பியுள்ள நிலையில், தனது மகன் இதுவரை வீடு திரும்பவில்லை எனவும் அவருக்கு என்ன நடந்தது எனத் தெரியாதுள்ளதாக தாயார் பொலிஸாருக்கு தெரிவித்துள்ளார். இம்மாணவன் கடந்த 19ஆம் திகதியிலிருந்து காணாமற் போயுள்ளதாக அவரது தாயார் பொலிஸ் முறைப்பாட்டில் தெரிவித்துள்ளார்.

Easankulasekaram-Remax-300716
Tharsi-home-15-10-2016
Mahesan-Remax-169515-Seithy
SELVI-HOMES-09-02-17
<P>
 <b> 13-08-2017 அன்று ரொரன்டோவில் நடைபெற்ற இசை மாலைப் பொழுது - 2017 நிகழ்வின் படத்தொகுப்பு.</b> படங்கள்-குணா
</p>
<b>  கனடா-ரொரன்டோவில்  ஜூலை 29ம் 30ம்தி கதிகளில் நடைபெற்ற World Tamil Badminton Federation 5th annual tournament நிகழ்வின் படத்தொகுப்பு.</b> படங்கள்-குணா
<b>  கனடா-ரொரன்டோவில்  ஜூலை 7ம் 8ம் 9ம்தி கதிகளில் நடைபெற்ற குதூகலம் 2017 நிகழ்வின் படத்தொகுப்பு.</b> படங்கள்-குணா