Untitled Document
September 25, 2017 [GMT]
  • Welcome
  • Welcome
எல்லைப் புறங்களிலிருந்து இடம்பெயர்ந்த தமிழர்களின் காணிகள் கட்டிடங்களை இழக்க நேரிடலாம்!
[Wednesday 2012-11-28 10:00]

போர் ஓய்ந்தாலும் யுத்த காலத்திலும் இன வன்முறைகளினாலும் எல்லைப் புறங்களிலிருந்து இடம்பெயர்ந்த தமிழர்களின் காணிகள் மற்றும் வீடுகள் தொடர்ந்தும் கைவிடப்பட்டிருப்து எதிர்காலத்தில் காணிகளையும் கடடிடங்களையும் இழக்க நேரிடும் அபாயம் ஏற்படலாம் என கிழக்கு மாகாண சபை உறுப்பினர் பிரசன்னா ந்திரகுமார் அச்சம் வெளியிட்டுள்ளார்.


இலங்கையின் முதலாவது செய்மதி சீனாவிலிருந்து விண்வெளிக்கு ஏவப்பட்டது. Top News
[Wednesday 2012-11-28 10:00]

இலங்கையின் முதலாவது செய்மதியான சுப்ரீம் சட் 2 நேற்று மாலை இலங்கை நேரப்படி 4 :00 மணியளவில் விண்ணில் செலுத்தப்பட்டது இந்த தகவலை குறித்த செய்மதி செயற்றிட்டத்தில் தலைமை நிறைவேற்று அதிகாரி விஜித் பீரிஸ் தெரிவித்தார். தற்போது செய்மதியைத் தாங்கிய விண்கலம் தனது ஓடுபாதை இலக்கை நோக்கி சென்று கொண்டிருப்பதாக அவர் குறிப்பிட்டார். கடந்த வாரம் காலநிலை சீர்கேடு மற்றும் இலத்திரனியல் பிரச்சினை என்பன காரணமாக அதன் பயணம் பிற்போடப்பட்டிருந்தமை சுட்டிக்காட்டத்தக்கது. இதனை சுப்ரீம் சட் செயற்திட்ட நிறைவேற்று அதிகாரி உறுதிப்படுத்தியுள்ளார். இதன்படி சுப்ரீம் சட் செய்மதி, சீனாவில் உள்ள சிசாகில் என்ற தளத்தில் இருந்து விண்ணில் ஏவப்பட்டுள்ளது.


சரத் பொன்சேகாவின் ஊடக இணைப்பாளர் சஞ்சீவ சமரசிங்க கைது!
[Wednesday 2012-11-28 10:00]
ஜனநாயகத் தேசியக் கூட்டமைப்பின் தலைவர் சரத் பொன்சேகாவின் ஊடக இணைப்பாளர் சஞ்சீவ சமரசிங்கவை புலனாய்வுப் பிரிவினர் கைது செய்துள்ளனர். ராகமவில் அமைந்துள்ள அவரது வீட்டில் வைத்து சமரசிங்கவை புலனாய்வுப் பிரிவினர் கைது செய்துள்ளனர். என்ன காரணத்திற்காக சமரசிங்க கைது செய்யப்பட்டார் என்பது பற்றி இன்னமும் அறிவிக்கப்படவில்லை. இதேவேளை, சட்டவிரோதமான முறையில் சமரசிங்கவை புலனாய்வுப் பிரிவினர் கைது செய்துள்ளதாக அவரது சட்டத்தரணி சிறிலால் லக்திலக்க தெரிவித்துள்ளார். புலனாய்வுப் பிரிவினர் ஏதேச்சாதிகாரமாக சமரசிங்கவை கைது செய்து அழைத்துச் சென்றுள்ளதாகக் குறிப்பிட்டுள்ளார்.

கார்த்திகை தீபம் ஏற்றியவர்களை துருவித் துருவி விசாரணை செய்த இராணுவத்தினர்..!
[Wednesday 2012-11-28 09:00]

வவுனியாவில் தீபமேற்றியவர்களின் வீடுகளுக்குள் புகுந்த இராணுவமும் புலனாய்வு பிரிவினரும் துருவித் துருவி பல மணி நேரங்களாக விசாரணைக்கு உட்படுத்தியதுடன் வீட்டிலிருந்தவர்களையும் புகைப்படம் மற்றும் வீடியோவும் எடுத்துச் சென்றுள்ளதாக தெரிவிக்கப்படுகின்றது. வவுனியாவில் பலர் நேற்றைய தினம் வீடுகள், கடைகள், பாடசாலைகள் என்பனவற்றில் தீபம் ஏற்றினர். இன்று குமாராலய தீபம். இதனை முருகன் கோயில்களில் வெகு விமர்சையாக கொண்டாடுவது என்பது தமிழர்களின் பாரம்பரியமான நிகழ்வுகளில் ஒன்று. நேற்றைய தினம் வவுனியா சைவப்பிரகாச வித்தியாலயத்தில் பாடசாலையை சுற்றி தீபம் ஏற்றப்பட்டிருந்தது. அத்துடன் குருமன்காட்டில் கடை ஒன்றிலும் மேலும் சில வீடுகளிலும் தீபம் ஏற்றப்பட்டதாக தெரியவருகின்றது.


இலங்கையில் தமிழர்களுக்கு எதிரான மனித உரிமை மீறல்கள் குறித்து ஆராய மலேசியா, நாடாளுமன்றக்குழு அமைப்பு!
[Wednesday 2012-11-28 09:00]
இலங்கையின் மனித உரிமை மீறல்கள் குறித்து ஆராய மலேசிய நாடாளுமன்றத்தில் குழு ஒன்று அமைக்கப்பட்டுள்ளது. மலேசிய பிரதம மந்திரியின் திணைக்கள அமைச்சர் டெடுக் செரி நஷ்ரி அஸீஸ் இதனை அறிவித்துள்ளார். நாடாளுமன்றத்தில் அங்கம் வகிக்கும் ஆளும் மற்றும் எதிர்க்கட்சிகள் இணைந்து இந்தக்குழு அமைத்துள்ளனர். இந்தக்குழு இலங்கையில் தமிழர்களுக்கு எதிரான மனித உரிமை மீறல்கள் தொடர்பில் ஐக்கிய நாடுகள் பரிந்துரைத்த மனித உரிமைகள் அமர்வின் பரிந்துரைகள் நடைமுறைப்படுத்தப்படுகின்றதா? என்பதை கண்காணிக்கும் என்று அமைச்சர் அஸீஸ் குறிப்பிட்டுள்ளார்.

இராணுவக் கெடுபிடிகளுக்கு மத்தியில், கிளிநொச்சி மக்கள் மாவீரர் தினத்தை உணர்வு பூர்வமாக அனுஷ்டிப்பு! Top News
[Tuesday 2012-11-27 20:00]

கிளிநொச்சி மாவட்டத்தின் பல்வேறு பகுதிகளிலும் மாவீரர் தின நிகழ்வுகள் மிகச் சிறப்பாக ஒழங்கமைக்கப்பட்டு உணர்வு பூர்வமாக உறவுகளாலும் மக்களாலும் அனுஷ்டிக்கப்பட்டுள்ளது. 2009ல் விடுதலைப் போராட்டத்தை அழித்து தமிழர் தாயகத்தில் ஆக்கிரமிப்பை மேற்கொண்ட சிறீலங்கா அரச படைகள் தாயகத்துப் பெற்றோர்களின் பிள்ளைகளின் கல்லறைகளை இடித்து துவம்சம் செய்தனர். ஒவ்வொரு தமிழர்களினதும் பெற்றோர்களினதும் நெஞ்சைப் பிழிந்த இச்செயல் எமது மக்களின் மனங்களில் ஆறாத பெரும் காயமாகத் தொடர்ந்து வருகிறது. மரணித்தவர்களைக்கூட மன்னிக்கத் தெரியாத அரசு தொடர்ந்தும் தாயகத்தில் சகலதுறைகளிலும் பரிபூரமான ஆக்கிரமிப்பைக் கொண்டுள்ள இவ்வேளை, தமது பிள்ளைகளை நெஞ்சறைகளில் நினைவேந்தி வீட்டறைகளில் சுடரேற்றி கண்ணீர் விட்டு கதறி அழுது தங்கள் ஆற்றாமையை தீர்த்துக் கொண்டனர்.


இராணுவம் புடை சூழ யாழ். பல்கலைக்கழக விடுதியில் மாவீரர் சுடர் ஏற்றப்பட்டது: சரவணபவன் மீது இராணுவத்தினர் தாக்குதல்! Top News
[Tuesday 2012-11-27 20:00]

மாவீரர் தினம் அனுஷ்டிக்கப்படலாம் என்ற அச்சம் காரணமாக யாழ். பல்கலைக்கழகத்தின் மாணவர்கள் விடுதிகள் யாவற்றையும் முற்றாக இராணுவத்தினர் தமது கட்டுப்பாட்டுக்குள் கொண்டு வந்துள்ளனர். பல்கலைக்கழகத்திற்கு அருகிலுள்ள ஆண்களின் விடுதிகளுக்குள் உள் நுழைந்த இராணுவம், மாணவர்களை அறைகளுக்குள் வைத்து பூட்டியுள்ளதோடு ஆயுதங்களுடன் விடுதியைச் சுற்றி வளைத்துள்ளனர். பெண்கள் விடுதிகளுக்குள்ளேயும் நுழைந்த இராணுவம் மாணவர்களை வெளியேற அனுமதிக்க வில்லையென்று தெரிவிக்கப்படுகின்றது. இதேவேளை பல்கலைக்கழக சுற்றாடலைத் சுற்றி மாலை 5 மணி முதல் இராணுவத்தினரும் பொலிஸாரும் புலனாய்வாளர்களும் குவிக்கப்பட்டுள்ளனர்.


இராணுவ அச்சுறுத்தல்களுக்கு அடிபணியாமல், யாழ்.மக்கள் மாவீரர்களுக்கு வீரவணக்கம் செலுத்தினர். Top News
[Tuesday 2012-11-27 19:00]

பாரிய இராணுவ அடக்குமுறைகளுக்கும் கெடுபிடிகளுக்கும் இடையில் தமீழிழ மாவீரர் தின நிகழ்வுகள் இன்று யாழ்ப்பாணத்தின் பல்வேறு பகுதிகளிலும் மிகவும் சிறப்பாகக் கொண்டாப்பட்டுள்ளன. சரியாக இன்று மாலை 6.07 மணிக்கு யாழ்ப்பாணத்தின் சகல பகுதிகளிலும் பொது மக்கள் தமது வீடுகளில் தீபமேற்றி மாவீரர்களுக்கு அஞ்சலி செலுத்தினார்கள். ஒரு சில இடங்களில் வீதிகளிலும் சுட்டிகளை வைத்து மாவீரர்களை நினைத்து மக்கள் கண்ணீர் விட்டு அழுதனர். ஒரு சில வீடுகளில் சிறுவர் சிறுமியர்கள் மாவீரர்களது நினைவுகளைச் சுமந்தவர்களாய் மலர் தூவி அஞ்சலி செலுத்தினர். இதேவேளை மாவீரர் தினச் சுவரொட்டிகள் யாழ்ப்பாணத்தின் பல்வேறு பகுதிகளிலும் ஒட்டப்பட்டிருந்த போது இராணுவத்தினர் அவற்றை தேடித் தேடி கிளித்து எறிந்தனர்.


வவுனியா மாவீரர் துயிலுமில்லத்தில் விளக்கேற்ற ஆயுததாரிகள் தடை.. Top News
[Tuesday 2012-11-27 18:00]

வவுனியா மாவட்டத்தில் காணப்படும் ஒரேயொரு துயிலுமில்லமான ஈச்சங்குளம் மாவீரர் துயிலுமில்லத்திற்கு இன்று மாலை விளக்கேற்றச் சென்ற தமிழ் தேசிய கூட்டமைப்பின் வவுனியா நகரசபையின் பதில் தலைவர் எம்.எம்.ரதன், ஆயுததாரிகளால் எச்சரிக்கப்பட்டு திருப்பி அனுப்பப்பட்டுள்ளார். ஈச்சங்குளம் பாடசாலைக்கு அருகாமையில் வைத்து சிவிலுடை தரித்த இரண்டு ஆயுததாரிகளால் மிரட்டப்பட்டுள்ளார். அத்துடன், விளக்கேற்ற கொண்டு சென்ற பொருட்களையும் ஆயுததாரிகள் பறித்து சென்றதாக கூறப்படுகிறது. கொச்சத் தமிழில் கடுமையான தொனியில் பதில் தலைவரை பேசி, அவ்விடத்தை விட்டு உடனடியாக செல்லுமாறும் கூறியுள்ளனர்.


புலிகளின் சர்வதேச வலையமைப்பு மூன்றாக பிளவடைந்துள்ளதாம் - குதூகலிக்கிறது சிங்கள ஊடகம்!
[Tuesday 2012-11-27 14:00]

தமிழீழ விடுதலைப் புலிகளின் சர்வதேச வலையமைப்பு மூன்றாக பிளவடைந்துள்ளதாக கொழும்பை தளமாகக்கொண்ட சிங்கள ஊடகமொன்று செய்தி வெளியிட்டுள்ளது. இங்கிலாந்தின் லண்டன் நகரில் கூட்டாக மாவீரர் தின நிகழ்வுகளை நடாத்த திட்டமிடப்பட்டிருந்தது. எனினும், முரண்பாடுகள் காரணமாக லண்டனில் மூன்று இடங்களில் மாவீரர் தின நிகழ்வுகள் இன்று நடைபெறவுள்ளது. விடுதலைப் புலிகளின் சர்வதேச வலையமைப்பில் ஏற்பட்டுள்ள பிளவு நிலைமை உக்கிரமடைந்துள்ளது. இதன் காரணமாக மாவீரர் தின நிகழ்வுகள் கடந்த ஆண்டுகளை விடவும் தோல்வியடையும்.


'ஈழத்தில் இனக்கொலை; இதயத்தில் இரத்தம்' - வெளியீட்டுவிழா - புது டெல்லி: Top News
[Tuesday 2012-11-27 13:00]

ஈழத்தமிழர் படுகொலையில் சிங்கள அரசுக்கு உதவிய இந்திய அரசு மீது, விசாரணை ஆணையம் அமைக்க வேண்டும்! - வைகோ

என் உயிர் இருக்கும் வரையில் வைகோவுக்கும் தமிழர்களுக்கும் என் சக்தி அனைத்தையும் பயன்படுத்தி பாடுபடுவேன்! - இராம் ஜெத் மலானி டில்லி நிகழ்ச்சியில் பரபரப்பான உரை


தமிழினத்தின் ஒரே தலைவர் பிரபாகரன்தான்: - சீமான் Top News
[Tuesday 2012-11-27 12:00]

தன் குடும்பத்தைக் காக்க இனத்தை பலிகொடுத்த தலைவர்கள் மத்தியில் தனது இனத்தின் விடுதலைக்காக போராடியது மட்டுமின்றி, அதற்காக தான் பெற்ற மூன்று பிள்ளைகளையும் தியாகம் செய்த பிரபாகரனே தமிழினத்தின் ஒரே தலைவர் என்று செந்தமிழன் சீமான் கூறினார். தமிழீழ தேசத்தின் தலைவரும், தமிழ்த் தேசியத்தின் குறியீடாகவும் திகழும் மேதகு வே. பிரபாகரனின் பிறந்தநாளை முன்னிட்டு திங்கட்கிழமை மாலை திருப்பெரும்புதூரில் நாம் தமிழர் கட்சியின் காஞ்சி மேற்கு மாவட்டக் கிளை, அவருடைய பிறந்தநாள் கூட்டத்திற்கு விமரிசையாக ஏற்பாடு செய்திருந்தது. காஞ்சி மேற்கு மாவட்டத் தலைவர் இராசன் தலைமையில் நடந்த இக்கூட்டத்தில் கலந்துகொண்டு பிரபாகரன் தமிழினத்தின் விடுதலைக்கு ஆற்றிவரும் பங்கை எடுத்துரைத்து நீண்டதொரு உரையாற்றினார் நாம் தமிழர் கட்சியின் தலைமை ஒருங்கிணைப்பாளர் செந்தமிழன் சீமான்.


நிறைவேற்று அதிகாரம் படைத்த சனாதிபதி முறைமையே இன்றைய நெருக்கடிக்கு அடிப்படைக் காரணம்: (தமிழாக்க கட்டுரை)
[Tuesday 2012-11-27 11:00]

(டெயிலி மிறர் ஆசிரியர் தலையங்கம் - தமிழாக்கம் நக்கீரன்)

நிறைவேற்று அதிகாரம் படைத்த சனாதிபதி முறைமையை ஒழிப்பதற்கு மக்கள், பொதுமக்கள் செயற்பாட்டுக் குழுக்கள் முன்வந்து பரப்புரை செய்ய வேண்டிய நேரம் வந்து விட்டது. நிறைவேற்று அதிகாரம் படைத்த சனாதிபதி முறைமை மக்களாட்சி முறைமையின் அழிவுக்கு இட்டுச் சென்றுள்ளது. இன்று தடுப்பு மற்றும் சமநிலை (checks and balances) சிறிதளவு அல்லது முற்றாக இல்லை. காரணம் கட்டற்ற ஊழல் மற்றும் குற்றச் செயல்கள் ஆகும். இன்று அரசியல் குற்றமயப்படுத்தப் பட்டுள்ளது. குற்றம் அரசியல்மயப்படுத்தப் பட்டுள்ளது.


மாவீரர் தின துண்டுப் பிரசுரங்களுடன் ஜவர் அக்கரைப்பற்றில் கைது!
[Tuesday 2012-11-27 10:00]

அக்கரைப்பற்று, ஆலையடிவேம்பு பிரதேசத்தில் மாவீரர் தினத்திற்கான துண்டுப் பிரசுரங்களை விநியோகிக்கச் சென்ற ஐந்து பேரை பொலிஸார் நேற்று இரவு கைது செய்துள்ளனர். ஆலையடிவேம்பு பிரதேசத்தைச் சேர்ந்தவர்களே இவ்வாறு கைது செய்யப்பட்டுள்ளனர். குறித்த நபர்கள், மாவீரர் துண்டுப் பிரசுரங்களை முச்சக்கரவண்டியில் எடுத்துச் செல்வதாக பொலிஸாருக்கு கிடைத்த தகவலையடுத்து, அவர்களை கைது செய்துள்ளதாக அக்கரைப்பற்று பொலிஸார் தெரிவித்தனர். அக்கரைப்பற்று இராமகிருஷ்ண பாடசாலை வீதியில் வைத்து இவர்கள் கைது செய்துள்ளதுடன், முச்சக்கர வண்டியையும் கைப்பற்றியுள்ளனர். அவர்களை நீதிமன்றத்தில் ஆஜர்படுத்த நடவடிக்கை எடுத்துள்ளதாகவும் அக்கரைப்பற்று பொலிஸார் தெரிவித்தனர்.


வடக்கு கிழக்கு மற்றும் உலகவாழ் தமிழ் மக்கள் மாவீரர்களை மறக்க மாட்டார்கள் - மனதுக்குள் தீபமேற்றியாவது நினைவுகூருவர்: - சபையில் அரியநேத்திரன்!
[Tuesday 2012-11-27 10:00]

"எவ்வாறான தடைகள் வந்தாலும் வடக்கு, கிழக்கு மற்றும் உலகவாழ் தமிழ் மக்கள் ஒருபோதும் மாவீரர்களை மறக்கமாட்டார்கள். மனதுக்குள் தீபமேற்றியாவது அவர்களை நினைவுகூருவர்" என்று தமிழ்த் தேசியக் கூட்டமைப்பின் மட்டக்களப்பு மாவட்ட நாடாளுமன்ற உறுப்பினர் பா.அரியநேத்திரன் நேற்று நாடாளுமன்றில் தெரிவித்தார். அத்துடன், கார்த்திகை தீபத்திருநாளுக்குக்கூட இராணுவத்தினர் தடைவிதிக்கும் நிலையே நாட்டில் நிலைமை உள்ளது என்றும், தமிழ் மக்களின் வாழ்வில் இன்னும் வெளிச்சம் ஏற்படவில்லை என்றும் அவர் கூறினார்.


யாழில் வீட்டுக்குள் புகுந்து பெண்ணொருவரை கடத்த முயற்சித்த நபரை மடக்கி பிடித்த பொது மக்கள்!
[Tuesday 2012-11-27 09:00]

யாழ்ப்பாணம், பல்கலைக்கழக பிரதேசத்தில் அமைந்துள்ள வீடொன்றினுள் புகுந்து பெண்ணொருவரைக் கடத்த முயற்சித்த இனந்தெரியாதோரை அப்பிரதேச மக்கள் மடக்கிப் பிடித்துள்ளனர். நேற்றிரவு இரவு 9 மணியளவில் குறித்த வீட்டிற்கு வான் ஒன்றில் சென்ற இரு இனந்தெரியாத நபர்கள், அங்கிருந்த பெண்ணை பலவந்தமாக கடத்திச் செல்ல முற்பட்டுள்ளனர். இச்சம்பவத்தால் கலவரமடைந்த குறித்த பெண்ணும் அவரது தாயாரும் கூச்சலிட்டுள்ளனர். இதனையடுத்து, அங்கு கூடிய பிரதேசவாசிகள் சந்தேகநபர்களை மடக்கிப் பிடிக்க முயன்றுள்ளனர். இதன்போது கடத்த முற்பட்ட நபர்களில் ஒருவரை மடக்கிப் பிடித்து கோப்பாய் பொலிஸாரிடம் ஒப்படைத்துள்ளனர். இச்சம்பவம் தொடர்பில் கோப்பாய் பொலிஸார் மேலதிக விசாரணைகளை மேற்கொண்டு வருகின்றனர்.


ஜனாதிபதியின் பெயரினை பயன்படுத்தி மோசடிகளில் ஈடுபட்டதாக திகாம்பரம் மீது குற்றச்சாட்டு: விசாரணைக்கு அழைப்பு!
[Tuesday 2012-11-27 09:00]

தமது அரசியல் அதிகாரத்தினை பயன்படுத்தி பல மோசடி வேலைகளை செய்ததாகவும், அதற்கு ஜனாதிபதி பெயரினை பயன்படுத்தியதாகவும் இவர்மேல் எழுந்துள்ள குற்றசாட்டினை விசாரிக்க மேற்படி அழைப்பு குற்றத் தடுப்புப் புலனாய்வுப் பிரிவால் விடுக்கப்பட்டுள்ளது. அதிகாரங்களை தமது சுயநலத்துக்காக பயன்படுத்தும் இவர்களை போன்ற அரசியல்வாதிகளின் விபரங்கள் அரசாங்கத்தாலும் , பாதுகாப்பு அமைச்சினாலும் திரட்டப்பட்டு வருகிறது. இதனை ஜனாதிபதி அவர்களின் நேரடி கட்டுபாட்டில் இயங்கும் "ஜனாதிபதி புலனாய்வு பிரிவு" கண்காணித்து வருகிறது. குற்றங்கள் நிரூபணமாகும் பட்சத்தில் தகுதி, தராதரம் பார்க்காது நடவடிக்கை எடுக்கப்படும் என அரசாங்கம் அறிவித்துள்ளது.


பிரபாகரனை விருந்தினராக அழைத்த ராஜீவ் காந்தி, விடுதலை புலிகளை சுட்டுக்கொல்ல இந்திய இராணுவத்தை அனுப்பியது ஏன்? :ராம் ஜெத்மலானி
[Tuesday 2012-11-27 09:00]

புதுடெல்லியில் நடந்த விழாவில் மூத்த வழக்கறிஞர் ராம் ஜெத்மலானி பேசியதாவது: மறைந்த முன்னாள் பிரதமர் ராஜீவ் காந்தி, விடுதலைப் புலிகள் இயக்கத் தலைவர் பிரபாகரனை அரசு விருந்தினராக புதுடெல்லிக்கு வரவழைத்தார். அவருக்கு பொருளாதார உதவிகளை செய்தார். அதே சமயம், விருந்தினராக வரவழைத்து, எல்லா உதவிகளையும் செய்வோம் என்று நாம் உறுதியளித்ததற்கு மாறாக, தமிழர்களுக்காக போராடியவர்களை சுட்டுக்கொல்ல இந்திய இராணுவத்தையும் அனுப்பிவைத்தோம். இது துரோகச் செயலாகும். இந்த விவகாரத்தில் முன்னாள் பிரதமர் ராஜீவ் காந்தியின் நடத்தையை என்னால் இன்று வரை புரிந்துக்கொள்ளவே முடியவில்லை.


நாய் வேலைகளில் ஈடுபடுபவர்களை நாய்களைப் போன்று குரைத்தே தடுக்க வேண்டியுள்ளது: - குரைக்கிறார் மேர்வின்
[Tuesday 2012-11-27 09:00]

குற்றச் செயல்களில் ஈடுபடுபவர்களை தடுக்க அவர்கள் மட்டத்தில் இறங்கி நடவடிக்கை எடுக்கவேண்டிய நிர்ப்பந்தம் ஏற்படுகிறது. குறிப்பாக நாய் வேலைகளில் ஈடுபடுபவர்களை நாய்களைப் போன்று குரைத்தே தடுக்க வேண்டியுள்ளது. இருப்பினும் இந்நாட்களில் இவ்வாறான நடவடிக்கைகளில் ஈடுபடுவதிலிருந்து விலகியே இருக்கின்றேன் என மக்கள் தொடர்பாடல் அமைச்சர் மேர்வின் சில்வா தெரிவித்துள்ளார்.


13வது திருத்தத்தை ரத்துச் செய்யும் முயற்சியை, அரசு உடனடியாக கைவிட வேண்டும்: ஜனாதிபதிக்கு ஹக்கீம் கடிதம்.
[Tuesday 2012-11-27 09:00]

அரசியலமைப்பிலிருந்து 13வது திருத்தச் சட்டத்தை ரத்துச் செய்யும் முயற்சியை அரசாங்கம் உடனடியாக கைவிட வேண்டும். அவ்வாறு இல்லையென்றால் தீர்க்கமான முடிவுகளை ஸ்ரீலங்கா முஸ்லிம் காங்கிரஸ் எடுக்கும் என்று தெரிவித்து ஜனாதிபதி மகிந்த ராஜபக்சவுக்கு கடிதம் ஒன்றை அனுப்பவுள்ளோம் என்று அக்கட்சியின் செயலாளர் ஹசன் அலி பா.உ. தெரிவித்தார். இதற்கான தீர்மானம் கட்சியின் உயர்பீட கூட்டத்தில் எடுக்கப்பட்டுள்ளது என்றும் அவர் குறிப்பிட்டார். இது குறித்து அவர் மேலும் தெரிவித்ததாவது: நேற்று முன்தினம் ஸ்ரீலங்கா முஸ்லிம் காங்கிரஸ் உயர்பீடம் கூடி முக்கியமான மூன்று விடயங்கள் தொடர்பாக தீவிரமாக ஆராய்ந்தது. இதன்போது 13 வது திருத்தச்சட்டம், திவிநெகும சட்டமூலம் மற்றும் பிரதம நீதியரசர் விவகாரம் என்பவை குறித்து கவனம் செலுத்தப்பட்டது.


சிறிதரனை விசாரணைக்கு வருமாறு குற்றத் தடுப்பு புலனாய்வுப் பிரிவினர் அழைப்பு!
[Tuesday 2012-11-27 08:00]

தமிழ்த் தேசியக் கூட்டமைப்பின் யாழ்.மாவட்ட பாராளுமன்ற உறுப்பினர் எஸ்.சிறிதரனை விசாரணக்கு வருமாறு குற்றத் தடுப்பு புலனாய்வுப் பிரிவினர் அறிவித்துள்ளனர். நாளை காலை 10:00 மணிக்கு கொழும்பு குற்றத் தடுப்புப் புலனாய்வுப் பிரிவு அலுவலகத்தில் சமுகமளிக்குமாறும் அறிவுறுத்தல் விடுக்கப்பட்டுள்ளது. கிளிநொச்சியில் தமிழ்ப் பெண்களை இராணுவத்தில் இணைத்தமை தொடர்பாக சிறிதரன் எம்.பி ஊடகங்களுக்கு கருத்துக்களைத் தெரிவித்திருந்தார். பி.பி.சி. க்கு அளித்த செவ்வி தொடர்பில் விசாரணை நடத்துவதற்கு வருகைதருமாறு குற்றத் தடுப்புப் புலனாய்வுப் பிரிவினர் தெரிவித்துள்ளனர். கிளிநொச்சியில் 109 தமிழ்ப் பெண்கள் இராணுவத்தில் இணைத்துக்கொள்ளப்பட்டமை தொடர்பில் பாராளுமன்றத்திலும் சிறிதரன் எம்.பி உரையாற்றியிருந்தமை குறிப்பிடத்தக்கதாகும்.


தமிழீழ விடுதலைப் புலிகளின் மாவீரர் நாள் அறிக்கை - 2012 Top News
[Tuesday 2012-11-27 08:00]

எமது அன்புக்கும் மதிப்புக்குமுரிய தமிழீழ மக்களே,இன்று மாவீரர்நாள். தமிழீழத்தின் தேசியநாள். எங்கள் தங்கத் தலைவனின் மடியிலே, எமது விடுதலை இயக்கத்தின் முதல் மாவீரன் லெப்.சங்கர் தன்னுயிரைத் துறந்தநாள். எமது விடுதலை வானில் விண்மீன்களாய், நித்தமும் நீங்காதொளிரும் புனிதர்களாம் மாவீரர்களை, தம்முயிரை அர்ப்பணித்துத் தரணியிலே தமிழினத்தைத் தலைநிமிர வைத்த மானமறவர்களை, இவ்வுலகெங்கும் பரந்துள்ள தமிழரெல்லோரும் தம் நெஞ்சம் நெகிழக் கண்கள் பனிக்க மலர்தூவிச் சுடரேற்றி வழிபடும் திருநாள்.உயிர் வாழும் ஆசையிலிருந்து பிறக்கும் அச்சமே மனிதர்களைக் கோழைகளாக மாற்றி விடுகிறது. ஆனால் வீரர்களின் நெஞ்சமெங்கும் கனன்று எரியும் விடுதலைத்தீயினால், அச்சமே அவர்களிடமிருந்து அச்சப்பட்டு ஓடிவிடுகிறது. அதனாலேயே நஞ்சைக் கழுத்தில் அணிந்து கொண்டு, உயிரைத் துச்சமென மதித்துப் போராடிய அம்மாவீரர்கள் சாவையும் வென்று, நம்மண்ணினதும்; நம்மினத்தினதும் வரலாறாகி நிலைத்து விட்டார்கள்.


மட்டக்களப்பு மாவட்டத்தில் கார்த்திகை தீபமேற்றலுக்கு இம்முறை இந்துக்களுக்கு தடை!
[Tuesday 2012-11-27 08:00]

இலங்கையின் மட்டக்களப்பு மாவட்டத்தில் சில பிரதேசங்களில் இந்துக்கள் இம்முறை கார்த்திகை தீபமேற்றல் மற்றும் ஆலய பூசை வழிபாடுகளில் பாதுகாப்பு தரப்பிலிருந்து தலையீடுகளையும் தடைகளையும் எதிர்கொள்வதாக தமிழ்த் தேசியக் கூட்டமைப்பு பாராளுமன்ற உறுப்பினர் சீனித்தம்பி யோகேஸ்வரன் தெரிவித்துள்ளார். விடுதலைப் புலிகளின் மாவீரர் தினமாகிய நவம்பர் மாதம் 27ம் திகதியன்றே இம்முறை குமாராலய தீபமும் வருவதால்தான் இந்த தலையீட்டையும் தடைகளையும் இந்துக்கள் எதிர்நோக்குவதாக அவர் கூறுகின்றார்.


அன்பு குழந்தைகளின் கல்வி இருட்டில் கிடக்க kilipeople அமைப்பு ஒருபோதும் இடமளிக்கக்கூடாது என்று கூறி..
[Monday 2012-11-26 21:00]

எமது அன்பு குழந்தைகளின் கல்வி இருட்டில் கிடக்க kilipeople அமைப்பு ஒருபோது இடமளிக்கக்கூடாது என்று கூறி அவர்களுக்கான solar panels களை அன்பளிப்பு செய்ய எமது மாவட்ட மக்கள் அமைபினது நலன் விரும்பிகள் உடனடியாக உதவிகளை தொடங்க சொல்லி வேண்டோகோள் விடுத்துள்ளனர். லண்டனில் வசிக்கும் எமது நண்பர் திருவாளர் மனோகரன் அவர்கள் ஒரு லச்சம் ரூபாக்களை(Rs-100,000)உடனடியாக எமக்கு அன்பளிப்பு செய்துள்ளார் , மொத்த செலவீனம் Rs 360 ,000 , இந்த திட்டத்திற்கு உங்களால் இயன்ற உதவிகளை செய்ய விரும்பியவர்கள் உடனடியாக எம்முடன் தொடர்பு கொள்ளவும்.
e-mail - kilipeople2011@gmail.com ,
07985686487, 07957122472,07536436916,07578989826.


நாட்டில் பாரியளவில் குற்றச் செயல்கள் அதிகரித்துள்ளன: சந்திரிக்கா குற்றச்சாட்டு!
[Monday 2012-11-26 20:00]

நாட்டில் பாரியளவில் குற்றச் செயல்கள் அதிகரித்துள்ளதாக முன்னாள் ஜனாதிபதி சந்திரிக்கா பண்டாரநாயக்க தெரிவித்துள்ளார். கஹாவத்தை பிரதேசத்தில் மர்மக் கொலைகள் இடம்பெறுகின்றன. நாட்டு மக்களின் ஒழுக்கம் வீழ்ச்சியடைந்துள்ளது. சிங்களத்தைப் போன்றே ஆங்கில மொழியறிவும் அவசியமானது என சந்திரிக்கா பண்டாரநாயக்க தெரிவித்துள்ளார். அனுர பண்டாரநாயக்க அறக்கட்டளையினால் மூன்றாம் தடவையாக ஏற்பாடு செய்திருந்த புலமைப் பரிசில் வழங்கும் நிகழ்வுகளில் கலந்து கொண்ட போது அவர் இதனைக் குறிப்பிட்டுள்ளார். கம்பஹா மாவட்டத்தைச் சேர்ந்த 12 சிறந்த மாணவ மாணவியருக்கு தலா 24000 ரூபா புலமைப் பரிசில் வழங்கப்பட்டது.


பொலநறுவையை தொடர்ந்து புத்தளத்திலும் சிவப்பு மழை!
[Monday 2012-11-26 20:00]

புத்தளம் - கருவலகஸ்வௌ குடா மதவாச்சிய பிரதேசத்தில் நேற்று மாலை சிவப்பு மழை பெழிந்தாக பிரதேச மக்கள் தெரிவித்துள்ளனர். சுமார் ஒரு மணித்தியாலமாக தொடர்ச்சியாக மழை பெய்ததுடன், பின்னர் சிவப்பு மழை பொழிந்ததாக பிரதேச மக்கள் குறிப்பிட்டுள்ளனர். முன்னதாக நாட்டின் பல பகுதிகளில் சிவப்பு மழை பெய்ததாக தகவல்கள் கிடைக்கப்பெற்றன. பதியத்தலாவ, செவனகல. மணம்பிட்டிய, ஹிங்குராகொட மற்றும் வெல்லவாய - அதபாங்கல - புபுதுவௌ ஆகிய பிரதேசங்களில் குறித்த மழை பெய்திருந்தது. இது தொடர்பில் பல்வேறு பட்ட தரப்பினர் பரிசோதனைகளை மேற்கொண்டனர். இதன்மூலம், குறித்த சிவப்பு மழையில் அதிகளவான இரும்பு கலந்திருப்பது கண்டறியப்பட்டது. ஒரு மில்லி லீட்டர் நீரில் நூற்றுக்கு 4 சதவீதமான இரும்பு அடங்கியிருந்ததாக உறுதியானது. இதுதவிர, தொழிநுட்ப நிறுவனங்களும் இது தொடர்பான ஆய்வுகளை மேற்கொண்டிருந்தமை குறிப்பிடத்தக்கது.


தலைவர் பிரபாகரனிற்கு பிறந்தநாள் வாழ்த்து கூறும் சுவரொட்டிகள், யாழ். பல்கலைக்கழகத்தில்.. Top News
[Monday 2012-11-26 19:00]

இன்று யாழ்ப்பாண பல்கலைகழக வளாகத்தில் விடுதலைப் புலிகளின் வே.பிரபாகரன் அவர்களின் பிறந்த நாளை ஒட்டிய வாழ்த்து சுவரொட்டிகள் ஒட்டப்பட்டு காணப்படுகின்றது. தேசியத்தலைவர் அவர்களை வாழ்த்தியும் தலைவரைப்பற்றிய வீர வசனத்துடனும் இந்த சுவரொட்டிகள் காணப்படுகின்றன. இந்த சுவரொட்டிகளில் 'எமக்கு தன்மானம் பெற்று தந்த தானைத்தலைவா நீ நீடுழி வாழ்க', 'தமிழரின் தங்கத்தலைவனுக்கு இனிய பிறந்த நாள் வாழ்த்துக்கள்' போன்ற வாசகங்கள் காணப்படுகின்றன.


கிழக்கிலும் மாவீரர் தின சுவரொட்டிகள்..! Top News
[Monday 2012-11-26 19:00]

கிழக்கு மாகாணத்தின் பல்வேறு பகுதிகளிலும் 26ம் திகதி திங்கட்கிழமை காலை ஒட்டப்பட்டிருந்த விடுதலைப் புலிகளுக்கு ஆதரவான பதாகைகளை படையினர் அகற்றியுள்ளனர். திருகோணமலை மற்றும் மட்டக்களப்பு மாவட்டங்களில் மாவீரர் தினத்தை குறிக்கும் வகையில் ஒட்டப்பட்டிருந்த மேற்படி பதாகைகளை படையினர் அகற்றியுள்ளனர். மட்டக்களப்பு மாவட்டத்தின் வந்தாறுமூலையில் உள்ள கிழக்கு பல்கலைக்கழகத்தின் வளாகத்துக்குள் ஒட்டப்பட்டிருந்த சில பதாகைகளை படையினர் அங்கிருந்து அகற்றியுள்ளனர். இச்சம்பவம் காரணமாக அப்பகுதியில் அச்ச நிலையேற்பட்டதாக அப்பகுதி தகவல்கள் தெரிவிக்கின்றன.

Tharsi-home-15-10-2016
Easankulasekaram-Remax-300716
Elankeeran-debt-solution-25-06-2016
Mahesan-Remax-169515-Seithy
SELVI-HOMES-09-02-17
<P>
 <b> 13-08-2017 அன்று ரொரன்டோவில் நடைபெற்ற இசை மாலைப் பொழுது - 2017 நிகழ்வின் படத்தொகுப்பு.</b> படங்கள்-குணா
</p>
<b>  கனடா-ரொரன்டோவில்  ஜூலை 29ம் 30ம்தி கதிகளில் நடைபெற்ற World Tamil Badminton Federation 5th annual tournament நிகழ்வின் படத்தொகுப்பு.</b> படங்கள்-குணா
<b>  கனடா-ரொரன்டோவில்  ஜூலை 7ம் 8ம் 9ம்தி கதிகளில் நடைபெற்ற குதூகலம் 2017 நிகழ்வின் படத்தொகுப்பு.</b> படங்கள்-குணா