Untitled Document
May 23, 2017 [GMT]
  • Welcome
  • Welcome
வடமாகாண அமைச்சர்கள் குறித்த விசாரணை அறிக்கை முதலமைச்சரிடம் கையளிப்பு!
[Sunday 2017-05-21 09:00]

வடக்கு மாகாண அமைச்சர்கள் மீது சுமத்தப்பட்ட மோசடி, ஊழல் குற்றச்சாட்டுக்கள் தொடர்பாக விசாரணை நடத்திய குழு தனது அறிக்கையை முதலமைச்சர் சி.வி.விக்னேஸ்வரனிடம் கையளித்துள்ளது. அமைச்சர்கள் தொடர்பில் மேற்கொள்ளப்பட வேண்டிய பரிந்துரைகளுடன் அந்த அறிக்கை கடந்த வியாழக்கிழமை முதலமைச்சரிடம் கையளிக்கப்பட்டுள்ளது.


நாளை அமைச்சரவை மாற்றம் - சட்டம் ஒழுங்கு அமைச்சு சரத் பொன்சேகாவிடம்?
[Sunday 2017-05-21 09:00]

முக்கிய அமைச்சுப் பதவிகளில் மாற்றங்களை ஏற்படுத்த ஜனாதிபதி மைத்திரிபால சிறிசேன மற்றும் பிரதமர் ரணில் விக்ரமசிங்க ஆகியோர் தீர்மானித்துள்ளனர். நிதி அமைச்சு, வெளி விவகார அமைச்சு மற்றும் சட்ட ஒழுங்குகள் அமைச்சு உள்ளிட்ட முக்கிய அமைச்சுக்கள் பலவற்றிலும் மாற்றங்களை ஏற்படுத்த தீர்மானிக்கப்பட்டுள்ளது.


குருநாகல் பள்ளிவாசல் மீது அதிகாலையில் பெற்றோல் குண்டு வீச்சு! Top News
[Sunday 2017-05-21 09:00]

குருநாகல், மல்லவபிட்டிய ஜும்மா பள்ளிவாசல் மீது இன்று அதிகாலை 03:30 மணியளவில் பெற்றோல் குண்டு தாக்குதல் நடத்தப்பட்டுள்ளது. ஆறு பேர் கொண்ட கும்பல் ஒன்றே இந்த தாக்குதலை நடத்தியுள்ளது. இதன்போது வீசப்பட்ட மூன்று பெற்றோல் குண்டுகளில் ஒன்றுமாத்திரமே வெடித்துள்ளதாக தெரிவிக்கப்படுகிறது. குறித்த தாக்குதலினால் பள்ளிவாசலின் கண்ணாடிகளுக்கு சிறு சேதங்கள் ஏற்பட்டுள்ளன.


புங்குடுதீவில் மீட்கப்பட்ட மனித எலும்பு எச்சங்கள் - பகுப்பாய்வுக்கு அனுப்ப நீதிவான் உத்தரவு!
[Sunday 2017-05-21 09:00]

புங்குடுதீவில் மீட்கப்பட்ட மனித எலும்பு எச்சங்கள் பகுப்பாய்வுத் திணைக்களத்துக்கு அனுப்பி வைக்கப்படவுள்ளன. அவை தொடர்பான ஆய்வு அறிக்கையை ஊர்காவத்துறை நீதிமன்றில் எதிர்வரும் 14 ஆம் திகதி சமர்ப்பிக்க வேண்டும் என்று நீதிமன்றம் பணித்துள்ளது.


புதிய அரசியலமைப்பு தயாரிப்பு இழுத்தடிக்கப்படாது! - ரணில் உறுதி
[Sunday 2017-05-21 09:00]

புதிய அரசியலமைப்பைத் தயாரிக்கும் பணிகள் காலம் தாழ்த்தப்படாது என பிரதமர் ரணில் விக்ரமசிங்க தெரிவித்துள்ளார். இந்திய பிரதமர் நரேந்திர மோடி உள்ளிட்ட உலகத் தலைவர்களுக்கு இது குறித்து தாம் அறிவித்துள்ளதாகத் தெரிவித்த அவர் தேசிய இனப்பிரச்சினைக்கு அரசியல் சாசனத்தின் அடிப்படையில் தீர்வு வழங்கப்படும் என ஜப்பானிய பிரதமர் நம்பிக்கை வெளியிட்டுள்ளதாகவும் தெரிவித்துள்ளார்.


அமெரிக்க இராணுவத்திடம் திருடப்பட்ட வாகனங்களை இலங்கைக்கு விற்க முயற்சி!
[Sunday 2017-05-21 09:00]

தென் கொரியாவிலுள்ள அமெரிக்க இராணுவ தளத்தில் திருடப்பட்ட வாகனங்களை, இலங்கையில் விற்பனை செய்ய முயற்சி மேற்கொள்ளப்பட்டதாக தகவல்கள் வெளியாகி உள்ளன. அமெரிக்கப் படைவீரர் ஒருவரும் ஆறு தென் கொரியப் பிரஜைகளும் இணைந்து, திருடிய அமெரிக்க இராணுவ வாகனங்களை இலங்கையில் விற்பனை செய்ய முயற்சித்துள்ளனர்.


கடவுளின் கருணை இருந்தால் தான் தமிழர்களுக்கு தீர்வாம்! - விஜயகலா கூறுகிறார்
[Sunday 2017-05-21 09:00]

கடந்த காலத்தோடு ஒப்பிடுகையில் வெகு விரைவில் தீர்வு கிடைக்கும் என எண்ணியிருந்தோம். ஆனால் இன்றைய காலக்கட்டத்தில் நோக்கும் போது தீர்வு எப்போதோ ஒரு நாளைக்கு கிடைக்கும் என்ற நிலையே காணப்படுகிறது. அதை நாங்கள் எதிர்பார்த்துக்கொண்டு இருக்காது எப்பொழுது கடவுள் இந்த தீர்வை எங்களுக்கு வழங்கவேண்டும் என்று கருணை கூறுகின்றாரோ அன்றைக்குதான் தீர்வு என்று இராஜாங்க அமைச்சர் விஜயகலா தெரிவித்தார்.


அரசிலிருந்து விலகி எதிர்க்கட்சிக் குழுவாக இயங்குவோம்! - எச்சரிக்கிறார் அமைச்சர் சுசில் பிரேமஜயந்த
[Sunday 2017-05-21 09:00]

ஸ்ரீலங்கா சுதந்திரக்கட்சியின் பொருளாதாரக் கொள்கைகளை ஏற்காது போனால், அரசிலிருந்து விலகி எதிர்க்கட்சிக் குழுவாக இயங்குவோம் என அமைச்சர் சுசில் பிரேமஜயந்த தெரிவித்துள்ளார். “இவ்விடயம் குறித்து ஜனாதிபதிக்கு ஏற்கனவே அறிவித்துள்ளோம். நாடு பாரிய பொருளாதாரப் பிரச்சினைகளுக்கு முகங்கொடுத்து வருகின்றமைக்கு ஐக்கிய தேசியக்கட்சியின் பொருளாதாரம் தொடர்பாக தீர்மானம் எடுக்கும் குழுவின் செயற்பாடுகளே காரணமாகும்.


கொழும்பு வந்துள்ள கனேடிய போர்க்கப்பல்! Top News
[Sunday 2017-05-21 09:00]

கனேடிய கடற்படையின் போர்க்கப்பலான எச்.எம்.சி.எஸ் வின்னிபெக் இலங்கைக்கு பயிற்சி மற்றும் நல்லெண்ணப் பயணத்தை மேற்கொண்டுள்ளது. இந்தப் போர்க்கப்பலுக்கு இலங்கை கடற்படையினர் கொழும்பு துறைமுகத்தில் பாரம்பரிய முறைப்படி வரவேற்பு அளித்தனர்.


வடக்கு, கிழக்கில் குடும்பங்களின் கடன்கள் அதிகரிப்பு! - மத்திய வங்கி ஆய்வு நடத்த முடிவு
[Sunday 2017-05-21 09:00]

வடக்கு, கிழக்கு மாகாணங்களில் அதிகரிக்கும் கடன்படுநிலை தொடர்பாக மத்திய வங்கி ஆய்வு நடத்தவுள்ளது. கொழும்பில் வெளிநாட்டுச் செய்தியாளர்களிடம் கருத்து தெரிவித்த மத்திய வங்கி ஆளுனர் இந்திரஜித் குமாரசுவாமி இந்த தகவலை வெளியிட்டுள்ளார்.


மட்டக்களப்பில் ஆலய மண்டபம் இடிந்து விழுந்தது - 30 பேர் படுகாயம்! Top News
[Saturday 2017-05-20 18:00]

மட்டக்களப்பு, ஆரையம்பதியில் ஆலயம் ஒன்றில், கட்டப்பட்டு கொண்டிருந்த கட்டடம் இன்று மாலை இடிந்து விழுந்தில், 30 பேர் காயமடைந்து வைத்தியசாலைகளில் அனுமதிக்கப்பட்டுள்ளனர். இச்சம்பவம் இன்று மாலை 4.15 மணியளவில் இடம்பெற்றது. ஆரையம்பதி மாவட்ட வைத்தியசாலைக்கு முன்னாள் அமைந்து ஸ்ரீ முத்துமாரியம்மன கோயிலின் மண்டப கட்டடப்பணிகள் நிறைவடைந்து அதற்காக கொங்க்ரீட் தளம் இடும் பணிகளின் போதே கட்டடம் இடிந்து விழுந்துள்ளது.


முதலீடுகளுக்காக வடக்கை கீழ்த்தரமாக பயன்படுத்துவதற்கு அனுமதிக்க முடியாது! - விக்னேஸ்வரன்
[Saturday 2017-05-20 18:00]

போரினால் பேரழிவை சந்தித்த வட பகுதியில் முதலீடு செய்பவர்களுக்கு 200 வீத வரிவிலக்களிப்பு வழங்குவதாக பிரதமர் ரணில் விக்கிரமசிங்க நேற்று யாழ்ப்பாணத்தில் உறுதியளித்துள்ளார். இந்தக் கூட்டத்தில் கலந்து கொண்ட வடமாகாண முதலமைச்சர் முதலீடுகளுக்காக வட மாகாணத்தை கீழ்த்தரமாக பயன்படுத்த எவருக்கும் அனுமதிக்கப் போவதில்லை என்று திட்டவட்டமாக அறிவித்துள்ளார்.


திருகோணமலையில் வாள்வெட்டுக்கு மூவர் படுகாயம்!
[Saturday 2017-05-20 18:00]

திருகோணமலை- கன்னியா, கிளிகுஞ்சு மலை பகுதியில் இன்று மாலை 5.30 மணியளவில், வாள் வெட்டுக்கு இலக்கான நிலையில் மூவர் திருகோணமலை பொது வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர். இரு குழுக்களுக்கிடையே ஏற்பட்ட கைகலப்பிலேயே வாள்வெட்டு இடம்பெற்றுள்ளது.


பலாலி விமான நிலையத்தை அபிவிருத்தி செய்வதற்கு நிதி வழங்குபவரைத் தேடுகிறதாம் அரசாங்கம்!
[Saturday 2017-05-20 18:00]

பலாலி விமான நிலையத்தை பிராந்திய விமான நிலையமாக மாற்றியமைப்பது தொடர்பில், தொழில்நுட்ப மீள் மதிப்பீடு மேற்கொள்ளப்படும் என்று பிரதமர் ரணில் விக்கிரமசிங்க தெரிவித்தார். அதனை அபிவிருத்தி செய்வதற்கான பொருத்தமான நிதி வழங்கு நரைத் தேடிக் கொண்டிருப்பதாகவும் அவர் குறிப்பிட்டார்.


காணாமல் போனோர் தொடர்பாக ஆராய விசேட குழு! - ஜனாதிபதி தெரிவிப்பு
[Saturday 2017-05-20 18:00]

ஆணைக்குழுக்களின் அறிக்கைகள் மற்றும் பரிந்துரைகளை கவனத்தில் கொண்டு காணாமல் போனோர் தொடர்பாக ஆராய விசேட குழு நியமிக்கப்படும் என ஜனாதிபதி மைத்திரிபால சிறிசேன தெரிவித்துள்ளார்.


வெள்ளவத்தை கட்டட இடிபாடுகளில் இருந்து இளைஞனின் சடலம் மீட்பு!
[Saturday 2017-05-20 18:00]

வெள்ளவத்தைப் பகுதியில் கடந்த வியாழக்கிழமை ஐந்துமாடிக் கட்டடம் இடிந்து விழுந்த அனர்த்தத்தில் சிக்குண்டுள்ளவர்களை மீட்கும் பணிகள் தொடர்ந்து முன்னெடுக்கப்பட்டு வருகின்றன. இந்நிலையில், இளைஞன் ஒருவரின் சடலம் இன்று பிற்பகல் மீட்கப்பட்டுள்ளது. மீட்கப்பட்ட சடலம் பத்தனை, கிறேக்கிலி தோட்டத்தைச் சேர்ந்த 20 வயதுடைய ராமர் நிரோஷன் என்பவருடையது என அடையாளம் காணப்பட்டுள்ளது.


75 ஆவது நாளை எட்டியது முல்லைத்தீவு போராட்டம்!
[Saturday 2017-05-20 18:00]

வலிந்து காணாமல்ஆக்கப்பட்டடுள்ள தமது உறவுகள் தொடர்பில் உரிய பதிலை வழங்குமாறுகோரி முல்லைத்தீவு மாவட்ட செயலகத்திற்கு முன்னாள் காணாமல்ஆக்கப்பட்டுள்ளோரின் உறவுகள் முன்னெடுத்துள்ள தொடர் போராட்டம் இன்று 75 ஆவது நாளை எட்டியுள்ளது.


இரட்டைக் குடியுரிமை எம்.பிக்களை அம்பலப்படுத்துவோம்! - பெப்ரல்
[Saturday 2017-05-20 18:00]

இரட்டை குடியுரிமை உள்ள நாடாளுமன்ற உறுப்பினர்களின் தகவல்களை அடுத்த மாதம் முதல் வாரத்தில் முழு நாட்டுக்கும் வெளியிட உள்ளதாக பெப்ரல் அமைப்பு தெரிவித்துள்ளது. தகவல் அறியும் சட்டத்தின் கீழ் நாடாளுமன்றத்தில் அங்கம் வகிக்கும் 225 உறுப்பினர்களின் குடியுரிமை பற்றிய தகவல்களை குடிவரவு மற்றும் குடியகல்வு திணைக்களத்தில் கோரியிருந்தாக பெப்ரல் அமைப்பின் நிறைவேற்றுப் பணிப்பாளர் ரோஹன ஹெட்டியாராச்சி தெரிவித்துள்ளார்.


பளையில் இன்றும் தொடர்ந்த தேடுதல் வேட்டை! Top News
[Saturday 2017-05-20 18:00]

பளை, கச்சார்வெளி பகுதியில் போக்குவரத்து பொலிஸாரை இலக்கு வைத்து அடையாளந் தெரியாத நபர்களால் நடத்தப்பட்ட தாக்குதல் தொடர்பில் இன்றும் தேடுதல் நடவடிக்கைகள் இடம்பெற்றதாக பொலிஸார் தெரிவித்தனர். குறித்த பகுதியில் பாதுகாப்பு பலப்படுத்தப்பட்டதுடன், தேடுதல் நடவடிக்கைகளும் முன்னெடுக்கப்பட்டிருந்தன.


இலங்கையில் முதல் முறையாக சிக்கிய புதிய வகை போதைப் பொருள்! - பெண்கள் இருவர் கைது
[Saturday 2017-05-20 18:00]

கிரிஸ்டல் மெத் எனப்படும் அதிக பாதிப்பை ஏற்படுத்தக் கூடிய ஐஸ் ரக போதைபொருளை வைத்திருந்த இரண்டு பெண்களை வத்தளை பகுதியில் பொலிஸார் கைது செய்துள்ளனர். இவர்களிடமிருந்து சுமார் 250 கிராம் போதைப்பொருள் மீட்கப்பட்டுள்ளது, இதன் பெறுமதி சுமார் 20 இலட்சம் என கண்டறியப்பட்டுள்ளது. “கிரிஸ்டல் மெத்” எனப்படும் இந்த போதைப்பொருள் இலங்கையில் முதன் முறையாக கைப்பற்றப்பட்டுள்ளமை குறிப்பிடத்தக்கது.


அமெரிக்கா செல்கிறார் பிரதமர் ரணில்!
[Saturday 2017-05-20 18:00]

பிர­தமர் ரணில் விக்­ர­ம­சிங்க உத்­தி­யோ­க­பூர்வ பயமாண எதிர்வரும் 28 ஆம் திகதி அமெ­ரிக்­கா­ செல்­லவுள்ளார். இதன் போது அமெ­ரிக்க ஜனா­தி­பதி டொனால்ட் ட்ரம்ப் மற்றும் அமெ­ரிக்க இரா­ஜாங்க திணைக்­க­ளத்தின் உயர் அதி­கா­ரி­களை சந்­தித்து கலந்­து­ரை­யாட உள்ளார். அமெ­ரிக்­காவில் டொனல்ட் ட்ரம்பின் ஆட்­சியில் இலங்­கை பிரதமர் ஒருவர் அமெ­ரிக்­கா­விற்கு விஜயம் செய்­வது இதுவே முதற் தடவையாகும்.


கண்ணாடி விகாரையைத் திறந்து வைத்தார் ஜனாதிபதி! Top News
[Saturday 2017-05-20 18:00]

கம்பஹா, மிரிஸ்வத்த ஸ்ரீ சுதர்சன தர்ம நிகேதனவில் புதிதாக நிர்மாணிக்கப்பட்ட மூன்று மாடி கண்ணாடி வழிபாட்டுத் தலத்தின் திறப்பு விழா, ஜனாதிபதி மைத்திரிபால சிறிசேன தலைமையில் நேற்று பிற்பகல் இடம்பெற்றது. இந்த விகாரை முற்றிலும் கண்ணாடியினால் நிர்மாணிக்கப்பட்டுள்ளது.


தமிழ் மக்களின் பிரச்சினைகளுக்கான தீர்வை வலியுறுத்தி கொழும்பில் பாரிய அறவழிப் போராட்டம்!
[Saturday 2017-05-20 09:00]

தமிழ் மக்களின் பிரச்சினைகளுக்கான தீர்வை வலியுறுத்தி அரசியல் கைதிகள் விடுதலை செய்வதற்கான அமைப்பின் ஏற்பாட்டில் தலைநகரில் மாபெரும் அறவழிப் போராட்டம் முன்னெடுக்கப்படவுள்ளது. அரசியல் தீர்வு, காணி விடுவிப்பு, தமிழ் அரசியல் கைதிகளின் விடுதலை உள்ளிட்ட பல்வேறு பிரச்சினைகளுக்கு உடனடி தீர்வை வலியுறுத்தி இப்போராட்டம் எதிர்வரும் 23ஆம் திகதி கொழும்பு கோட்டை ரயில் நிலையத்திற்கு முன்னால் நடைபெறவுள்ளது.


திங்களன்று அமைச்சரவை மாற்றம்!
[Saturday 2017-05-20 08:00]

அமைச்சரவை மாற்றம் எதிர்வரும் திங்கட்கிழமை இடம்பெறும் எனத் தகவல்கள் தெரிவிக்கின்றன. ஜனாதிபதி மைத்திரிபால சிறிசேன, பிரதமர் ரணில் விக்ரமசிங்க மற்றும் முன்னாள் ஜனாதிபதி சந்திரிக்கா பண்டாரநாயக்க குமாரதுங்க ஆகியோருக்கு இடையில் நடைபெற்ற கூட்டத்தின் பின்னர் இந்த தீர்மானம் எடுக்கப்பட்டுள்ளது. தேசிய அரசாங்கத்தில் சுதந்திரக் கட்சியை தக்க வைத்துக் கொள்ள வேண்டுமாயின் அமைச்சரவை மாற்றம் செய்வது அத்தியாவசியமானது என ஜனாதிபதி தெரிவித்துள்ளார்.


கைதடி விபத்தில் வர்த்தகர் மரணம்!
[Saturday 2017-05-20 08:00]

கோப்பாய் கைதடி பிரதான வீதியில் நேற்று மாலை இடம்பெற்ற விபத்தில் வர்த்தகர் ஒருவர் உயிரிழந்ததாக கோப்பாய் பொலிஸார் தெரிவித்தினர். நேற்று மாலை கோப்பாய் சந்திக்கு அருகாமையில் பயணித்த கனரக வாகனம் மீது, மோட்டார் சைக்கிள் மோதியதாலேயே இந்த விபத்து இடம்பெற்றுள்ளது. கனரக வாகனத்தைக் கடக்க முயன்ற மோட்டார் சைக்கிள் சாரதி தனது கட்டுப்பாட்டை இழந்து கனரக வாகனத்தின் சக்கரங்களுக்குள் அகப்பட்டு பலியாகியுள்ளார்.


படைகளைப் பலப்படுத்தும் செயற்பாடுகள் தடங்கலின்றித் தொடரும்! - ஜனாதிபதி
[Saturday 2017-05-20 08:00]

விமர்சிப்பவர்கள் எதனைக் கூறினாலும் தேசிய பாதுகாப்பு தொடர்பான பொறுப்புக்களில் முப்படையிரைப் பலப்படுத்தும் செயற்பாடுகளை குறைவின்றி நிறைவேற்றுவதற்கு அரசாங்கம் அர்ப்பணிப்புடன் இருப்பதாக ஜனாதிபதி மைத்ரிபால சிறிசேன தெரிவித்துள்ளார். ஜனாதிபதி மைத்ரிபால சிறிசேன நேற்று பாராளுமன்ற மைதானத்துக்கு அருகிலுள்ள படைவீரர் நினைவு தூபி வளாகத்தில் நடைபெற்ற தேசிய போர்வீரர் நினைவு நிகழ்வில் உரையாற்றும் போதே மேற்கண்டவாறு தெரிவித்தார்.


இறுதிப்போரில் உயிர்நீத்த உறவுகளுக்காக கிளிநொச்சியில் ஆத்ம சாந்தி பிரார்த்தனை! Top News
[Saturday 2017-05-20 08:00]

இறுதிப் போரின் போது உயிரிழந்த அனைத்து உறவுகளுக்கும் ஆத்மசாந்தி வேண்டி கிளிநொச்சி நகர பிள்ளையார் ஆலயத்தில் நேற்று மாலை 6 மணியளவில் விசேட ஆத்மசாந்தி பிரார்த்தனை இடம்பெற்றுள்ளது. சமத்துவம் சமூக நீதிக்கான மக்கள் அமைப்பினால் இந்த நிகழ்வு ஏற்பாடு செய்யப்பட்டது.


இலங்கையரை நாடு கடத்தியது இத்தாலி!
[Saturday 2017-05-20 08:00]

இத்தாலி தலைநகர் ரோமில் சட்டவிரோதமான முறையில் வசித்த இலங்கையர் ஒருவர் நாடு கடத்தப்பட்டுள்ளார். காலாவதியான குடியிருப்பு வீசாவை வைத்திருந்த நபரே இவ்வாறு நாடு கடத்தப்பட்டுள்ளார் என இத்தாலிய ஊடகங்கள் செய்தி வெளியிட்டுள்ளன.

SELVI-HOMES-09-02-17
Mahesan-Remax-169515-Seithy
Easankulasekaram-Remax-300716
Elankeeran-debt-solution-25-06-2016
Tharsi-home-15-10-2016
<b>14-05-2017 அன்று கனடா - ரொரன்டோவில் நடைபெற்ற தாயின்மடியில் நிகழ்வின் படத்தொகுப்பு.</b> படங்கள் - குணா
<b>06-05-2017 அன்று கனடா- ரொரன்டோவில் அபிநயாலயா நாடியாலயம் நடாத்திய 20வது ஆண்டுவிழா நிகழ்வின் படத்தொகுப்பு. </b> படங்கள் - குணா
<b>30-04-2017 அன்று கனடா- ரொரன்டோவில்  நடைபெற்ற சங்கீத சங்கமம் நிகழ்வின் படத்தொகுப்பு.</b> படங்கள் - குணா